इफिसियो 6:20 - सत मारग पर चलन वारो किताब

²⁰ जोको लाई मि साकल लक बँधयो हुयो राजदुत जसो सेवा कर रही सेउ। पिराथना करने की मि जेना रीती लक मोला बोलनो से, ओनोच रिती लक बगैर डर को संगा साजरो बारता को पिरवचन कर सकु।

इफिसियो 6:20 ပူးပေါင်းရင်းမြစ်များ

पेरीत 21:33

तबा सेना को अधिकारी पौलुस जवर आयो, अना बन्दी बना लियो। वोना वोला दुई हतकड़ी लक बांधनो की हुकूम देके ना पुसन लगयो “यो कोन से? अखीन एना न का करीसेस?”

पेरीत 26:29

पौलुस न कहीस “जरासो मा का लगत बेरामा, परमेस्वर लक मोरो पिराथना से का, ना तु च बल्कि वय सबच भी बिना सजा को आ जाय। जोन आज मोला आयक सेत।”

पेरीत 28:20

एना कारन मीना तुमीला बुलायके गोस्टी सांगी सेऊ काहेकी इसरायल को भरोसा च से जोन कारन मी बेडी लक बंधयो सेऊ।”

पेरीत 28:31

उ परमेस्वर को राज को परचार करतो, अना पिरभू यीसु मसीहा को बारेमा, उपदेस देवत। उ यो काम ला बेखटका करत होतो।

पेरीत 5:29

पतरस अना पेरीतगीन न असो जवाब देइन, “मानूस गीन को बजाय परमेस्वर को गोस्टी ला माननो जरूरी सेत।”

2 कुरिन्थियो 3:12

असो आस होवन को कारन हमी मोठो हिम्मत लक बोला से।

2 कुरिन्थियो 5:20

एको लाई हमी मसीह को दास से मानो का परमेस्वर हमरो कन लक बिनती कर राही से हमी मसीह को कन लक तुमरो लक बिनती करा से का परमेस्वर को संग मा मेल मिलाप कर लेव लेने।

इफिसियो 3:1

एकोलाई मि, पौलुस तुमी गैरयहुदीहुन लाई मसीह यीसु को काजी बन्दी सेव, तुमिलक एक बिनती करनो चाव्हसु।

इफिसियो 4:1

एकोलाय मि जोन पिरभु को होवन को काजी बन्दी बनो हुयो सेव, तुमी लक बिनती करुसेउ का तुमला आपरो जिंदगी वसोच जीवनो चाहिसे जसो का संतहुन को से।

इफिसियो 6:19

अना मोरो लाई भी पिराथना करने की बोलतो बेरा मोला असो ताकत को गोस्टी दियो जाय की मि हिम्मत लक साजरो बारता को छुपयो गोस्टी ला दिखाय सकुह।

फिलिप्पियो 1:20

मि यो खुल्लो दिल लक मनसा अना आसा राखासेऊ का मि कोनी गोस्टी मा नोको सरमाऊ, पर मोरो तन लक हमेसा मसीह को बड़ाई मोठो ताकत लक होत रव्हे, अबा मि चाव्ह जित्तो रव्हु या मर जाहुँ, पर वसोच बड़ाई होवतो रव्हे।

फिलिप्पियो 1:7

तुमी मोरो मन मा आय बसी सेव, एकोलाय का मि तुमी सब को लाई असोच बिचार करूसेऊ अना मोरी संग बंधन मा रव्हन मा अना साजरो बारता को लाई जवाब अना सबुती देवनो मा तुमी मोरो संगा धरमी अना दया मा संगी सेव।

कुलुस्सियो 4:3

अना एको सँगा आमरो लाई पिराथना करोह की परमेस्वर आमरो लाई गोस्टी आयकावान को असी बेसकुड़ खोल दे, की आमी मसीह को ओना भेद को बखान कर सकबिन जेनको कारन मि बँदी सेव

कुलुस्सियो 4:4

अना ओला असी दिसाऊ जसी मोला करनो साजरो से।

1 थिस्सलुनीकियो 2:2

पर तुमी त जानासेव का फिलिप्पी मा दुख उचलनो अना बुरो बरताव सह्वनो को मंघा भी हमी अपरो परमेस्वर मा असी हिम्मत पायके, घोर बिरोध को होतो हुयो भी तुमला परमेस्वर की साजरो बारता आयकावाया।

2 तीमुथियुस 1:16

उनेसिफुरुस को खानदान पर पिरभू दया करेहे काहेकी वोना लगत बार मोरो जीव ला थन्डो करीसेस अना मोरी हतकड़ी गीन लक लज्जित नही भयो।

2 तीमुथियुस 2:9

जेनको लाई मी बुरो काम करन वारा को जसो दुख उठावासेव अना बन्धन भी सेउ पर परमेस्वर को बचन बंधन मा नाहाती।

फिलेमोन 1:10

मि तुमरो लक बिनती करासू। आपरो लेकरा उनेसिमुस को साठी जोन मोरो बंधन मा पैदा भयो से।

फिलेमोन 1:9

लेकिन मि बुड़गा पौलुस तुमी लक माया करुसु, मि एको अलावा तुमी लक बिनती करुसेऊ। मि असो एकोलाय करुसेउ की मि मसीह यीसु को राजदुत सेव, अना अबा को बेरा मा ओको लाई बँदी सेव।

1 योहन 3:16

आमी ना माया एकोलाई जानिया का ओना आमरो लाई आपरो जान दे देईस; अना आमला भी आपरो भाऊ लाई जान देवनो जरुरी से।

यहूदा 1:3

अगो चहेतो संगी हुन, अखिन भी मि लगत चाव्हत होतो का तुमला ओनो सूटकारा को बिसय मा लिखु, जोको आमी हिस्सेदार सेजन। मिना तुमीला लिखन की अना तुमला बढ़ावा देन की जरुरत सोचयो ताकि तुमी ओनो बिस्वास को लाई मेहनत करत रव्हो जेनला सब लक मोठो परमेस्वर ना संत मानूस हुन ला हमेसा को लाई दे दियो से।