इफिसियो 5:3 - सत मारग पर चलन वारो किताब

³ तुमरो बीच छीनाला अना हर कोनी तरीका को असुध्दता अना लोभ को चरचा तक नही होवनो चाहिसे, जसो का संत लोकगीन को लाई बेस से,

इफिसियो 5:3 ပူးပေါင်းရင်းမြစ်များ

मत्ती 15:19

काहेकि बुरो विचार हत्या, पराय बायको संग सोवनो, छिनालापन, चोरी, झुठी गवाही अना निन्दा बिरोध मन मा लक हिटा सेत,

लूका 12:15

यीसु ना भीड़ लक कव्हयो कोनी को सम्पती वोको जान लक बड़के नही होय सका से, पर यो काजी आपरो आप ला लोभ लक बचाये राखो।

लूका 16:14

मोसे को नियम को गुरू गिन धन-दौलत लक माया करत होतीन एकोलाय, यीसु को गोस्टी आयक के मजाक उड़ावत होतीन,

पेरीत 15:20

पर उन ला लिख धाड़यो का मुरती को पर चघायो जुनुस, छिंनरापन अना गला घोटयो जनावर को मांस अना खून लक दुहुर रहेत।

पेरीत 20:33

मी न कोनी को सोना अना खुरो मुन्दरो अखीन कपरा को लोभ नही करयो।

रोमियो 1:29

एको लाय वय सब परकार को अन्याय करन लगीन अना खोटो काम, लोभ बुराई लक भर गईन। वय ईरसा, जान लेवनो, बैर छल-कपट, अना खोटो बिचार लक भर गइन।

रोमियो 16:2

का तुमी पिरभू मा वोला असो रित लक अपनाने जसो परमेस्वर को लोक गिनको लायक सेत। वोला तुमरो लक जसो मदद पाहिजे तसोच वोकी मदद करो। काहेका वा मोरो समेत लगत लोक गिनको मदद करियो सेत।

रोमियो 6:13

अना आपरो आँग ला बदी को हथियार होवन को लाय पाप ला नोको सोपो। तुमी अपरो आप ला मरो हुया मा लक जित्तो समझके अपरो आप ला परमेस्वर ला दे देव। अना आपरो देह ला धरमिपन को हतियार बनन काजी परमेस्वर ला सोप देव।

1 कुरिन्थियो 10:8

अमी नोको करहीन छिनालापन, जसो की उन मा लक काही लोकगीन ना करीन। अना एकच दिवस मा तेईस हजार मर गईन।

1 कुरिन्थियो 5:1

अबा, सही मा यो आयकनो मा आवा सेत, का तुमरो बीचमा कु करम लगत फैल गयो सेत। असो कुकरम ता कोनी कुल को लोक गिनमा भी नाहती। मोला बतायो गयो सेत का एक मानूस आपरो मौसि माय को संग सो रहयो सेत।

1 कुरिन्थियो 6:13

कोनी असो भी सांगेत पर जेवन पोटको लाय, अना पोट जेवन को लायसेत। पर परमेस्वर, यो दुई को अन्त कर देहेत। मंग देह छिंडरापन लाय नाहती, पर पिरभू काजी सेत, अना पिरभू देह काजी सेत।

1 कुरिन्थियो 6:18

छिनालापन लक पराय जावो। अना सप्पा पाप, जोन मानूस करा सेत, वय देह लक बाहेर होवासेत। पर छिनालापन करनवारा, आपरो देह को बिरोध मा पाप करासेत।

2 कुरिन्थियो 12:21

अना कदी असो ना भई जाय का मोरो परमेस्वर मोला तुमरो कठा आवन काजी मंग मजबुर करे। अना तुमरो लाय मोला दुख उठानो पडहेत। जोनना पयले पाप कियो होतो, अना खोटो करम, अना दुसरो संग सोवनो को पाप अना वय अबा भी पाप लक मन ला हटाव नही भयो सेत।

इफिसियो 5:12

काहेकि जोन काम छुपयो मा उनको कन लक कियो जासे। उनको गोस्टी ला करनो भी सरम करनो जसो से।

इफिसियो 5:5

कायसेकि तुमी पिक्को लक जानसेव का असो कोनी भी मानूस जोन दुराचारी सेत, अपवितर अना लोभी सेत, जो एक मुरतिपूजक होवन जसो से। मसीह को अना परमेस्वर को राज को वारसाना नही पाय सका।

फिलिप्पियो 1:27

एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना।

कुलुस्सियो 3:5

एको लाई आपरो उन आँग ला मार डाको जोन धरती मा रव्हसेत मजे छिनालापन असुध्दता, नीच काम बुरो कामना अना लोभ ला जोन मुरत पुजा को बरोबर से।

1 थिस्सलुनीकियो 4:3

परमेस्वर की मरजी से का तुमी पवीतर बनो अना खोटो करम लक बचया रव्हो।

1 थिस्सलुनीकियो 4:7

काहेकि परमेस्वर न हमला नीच काम को लाई नही पर पवीतर होवन लाई हाकलिसेस।

1 तीमुथियुस 2:10

पर साजरो काम गीन लक, काहेकी परमेस्वर की भक्ती करन वारो आई-माई गिन लाय योच साजरो सेत।

1 तीमुथियुस 3:3

दरवा अना मारपीट करनवालो नही होहे पर साजरो मानूस होहे अना झगड़ालु अखिन लालची नोको होहे।

1 तीमुथियुस 6:10

काहेकी रुपिया को लोभ सबच पिरकार की बुराई गीन की जड़ से जसो का लगतसा गीन न बिस्वास लक भटके अपरो आप ला कई पिरकार को दुख लक छलनी बनाय लेईन।

2 तीमुथियुस 3:2

काहेकी मानूस सुवारथी, धन दौलत लक माया करनवारा डींगमार, गरबिला, बिरोध करनवारा, माय-बाप को हुकूम नही मानन वालो बिरोधी अपवीतर।

तीतुस 1:11

इनको टोंड बंद करनो चाव्हसे। यो लोकगीन नीच कमाई को साठी बेकार गोस्टी सिखायके घर को घर बिगाड़ासेति।

तीतुस 1:7

काहेका मुखिया ला परमेस्वर को खजांची होवन को कारन कलिसीया को मुखिया ला निरदोस होवनो चाव्हसे। न ता जिद्दी, न ता गुस्सा करनवालो, न ता पियक्कड़, न मारपीट करन वालो, न ता नीच कमाई को लोभी होय,

तीतुस 2:3

असी रिति लक सेविका बुजुरुग बायकागीन को चाल-चलन मा पवीतर लोकगीन जसो होय। वय लान-छान लगावन वाली अना दरवा नही, पर साजरी गोस्टी सिकावनवारी होय।

इब्रानियो 12:16

आयको कोनी भी छिनालापन नोको करे, या वोना एसाव को जसो परमेस्वर लक दुहुर अना बुरो ना भयी जाय, जोनना सबलक मोठो टूरा होवन को अधिकार ला बस एक निवाला भर जेवन को लाय बिक दियो होतो।

1 पतरस 5:2

परमेस्वर को वोना करप को जोन तुमरो मध्ये राहतत तुम्ही रक्सन केले पाहिजे। अना यो दड़प लक नाही तर परमेस्वर को इक्सा लक, आनंद लक अना लोभ लक, नाही तर मनलक।

2 पतरस 2:10

खास करुन उन लोकगीन जेना असुद्ध वासना को बसमा होयके, सान सौकत लक जिंदगी बिताव सेत। अना पिरभू को तिरस्कार करासेत। वय गरबिला मानूस सेत। अना वय सरग को सचला नकारन घाबरत नाही।

2 पतरस 2:14

उनको डोरा छिनालापन लक भरयो सेत। अना उनला कधीच नही मिटनवारा पाप करन लाय को भूक आहेत। वय कमजोर आतमा ला मोहित करतत। उनको मन ला लोभ को सिक्सा मिल्यो सेत। वय सराप को सन्तान सेत।

2 पतरस 2:3

अना वय बडबड गोस्टी ला लोभ को लाय बनाहेत, अना जोनको फैसला खूब पयले भयी गयोसेत। अना उनको मघा आवासेत। उनको नास झोपल्या नाही!

परकासित वाक्य 2:14

परा मोला तोरो विरोध मा काही कव्हनो सेत। तुमरो मा काही लोक सेत। जोन बिलाम को सिक्सा को पालन करा सेत। बिलाम ला सिक्सा दियो होतो। का इजरायली गिन मुरती पर चघायो जेवन जेये, अखिन छिनाला करन लाय राजी कियो जाय।

परकासित वाक्य 2:21

मिना ओला मौका दियो की पस्तावा करयेत, पर उ आपरो छिंडरापन लक पसतावा करनो नही चाहव्त होती।

परकासित वाक्य 21:8

“पर डरपोकगीन, अबिस्वासी, निन्दक, हत्यारागीन, छिनाल अना छिंडरागीन, टोन्हा, मुरत पुजा करनवारा, अना सबच झूठो को जघा ओना झील मा होहे, जो स्तो अना गन्धक लक पेटा से। योच से दुसरी मिरतु।”

परकासित वाक्य 22:15

पर कुतरा अना टोनहा अना छिंडरावारा अना खूनी अना मुरत पुजा करनवारा, अना हरेक झुठो को चहेतो अना बनानवारा बाहेर रह।

परकासित वाक्य 9:21

उनना आपरो लक करयो हुया जानलक मारनो, जादू टोटका, छिनाला पन अना चोरी-चकारी करनो लक आपरो मन नहि बदलयो होतिन।