इफिसियो 5:27 - सत मारग पर चलन वारो किताब

²⁷ एने रीती उ कलीसिया ला एक असी नवती नौरी को उपमा मा खुदच को लाई पेस कर सकासे जोन बेडाग होय, बेझुर्रि होय असी अखिन कोनी कमी नही होय। बल्कि उ पवितर रव्हे अना हरदम बेकसूर होय।

इफिसियो 5:27 ပူးပေါင်းရင်းမြစ်များ

2 कुरिन्थियो 11:2

काहेकी मी तुमरो बिसय मा परमेस्वर की खूब धुन मा लगयो रव्हा सेऊ एकोलाय का मीना एकच मानूस लक तुमरी पक्की करी सेउ, का तुमीला पवीतर कुवारी को जसो मसीह ला सोप देहू।

2 कुरिन्थियो 4:14

आमी जानासेजन का परमेस्वर जेने पिरभु यीसु ला जित्तो करिसेत, वाच आमीला यीसु को हिस्सादार समझके जित्तो करयेत। अना आमीला तुमरो सँगा आपरो हाजरी मा ले जाहे।

इफिसियो 1:4

परमेस्वर आमी ला संसार को पैदा होवनो लक पयले मसीह मा, ओको पुड़ा पवीतर अना बेकसूर होवन लाय निवाड़ी सेस।

कुलुस्सियो 1:22

पर अब, आपरो टूरा की देह को मरनो लक, परमेस्वर ना तुमला, पवीतर, सूद्ध अखीन बेकसूर होवन लाय अपरो पुढ़ा आनन काजी, तुमला मेल मिलाप कर आपरो संगी बना लियो सेत।

कुलुस्सियो 1:28

एकोलाय हमी सबला मसीह यीसु को परचार कर सेजन। आमी मसीह मा सबा सम्बव गियान को संग आमी उनला चिताय देवा सेत, अना उनला सिकावसेत। जोनलक हरेक मानूस ला मसीह को संग एक पक्को मानूस को रूप मा परमेस्वर को पुड़ा लायो जा सकेत।

1 थिस्सलुनीकियो 5:23

अबा सान्ती को परमेस्वर आतमा आपच तुमला पूरो पवीतर करहे। अखीन तुमरो आतमा, परान अना देह हमरो पिरभू यीसु मसीह को आवन तकन पूरो रिती लक निरदोस अखीन साजरी रह।

इब्रानियो 9:14

मग मसीह को रकत, जोन ना अपरो आप ला अमर आतमा लक, बेकसूर बली को रुप मा परमेस्वर ला दे दियो। आमरो मन ला मरो हुवो काम लक, काहे पवीतर नही करयेत। अना अमला जित्तो परमेस्वर को काबिल काहे नही बनाहेत।

1 पतरस 1:19

पर बेकसूर अना निरदोस पाठी मसीह को कीमती रकत लक भयो सेत।

2 पतरस 3:14

अगो चहेतो भाऊहुन मी कव्हसू, जसो, यो या गोस्टी ला आपरो जवर आवता चोवो, तभी सांतपन अना निरदोसपन लक वोको समोर जावन को कोसीस करा।

यहूदा 1:21

आमरो पिरभु यीसु मसीह को दया अना पिरेम को रास्ता चोतो हुयो जोन तुमला अमर जिंदगी तक ले जाहे परमेस्वर को भक्ति मा लीन रव्हो।

यहूदा 1:24

अबा जोन तुमला ठोकर खानो लक बचाय सकासे, अना अपरी महिमा की भरपूरी पुड़ा मगन अना बेकसूर करके उभो कर सकासे।

परकासित वाक्य 14:4

वय असो मानूस होतिन। जोनना कोनी बायको को संग सोय के अपवितर नही भयो होतिन। काहेका वय कुंवारो होतिन। यो वय होतिन जोन पाठी को मघा-मघा जावत होतिन। यो लोकगिन सारी मानूस जाति लक उनला दाम देयकर बन्धन ले छुड़ायो गयो लोक होतिन। वय परमेस्वर अना पाठी को लाय फसल के पयलो फर को रूपमा होतिन।