इफिसियो 5:11 - सत मारग पर चलन वारो किताब

¹¹ असो काम जोन अंधार लक भरयो सेत, उन बेकार को काम मा हिस्सा नोको बाटने पर उनको भाडा फोड़ करने।

इफिसियो 5:11 ပူးပေါင်းရင်းမြစ်များ

मत्ती 18:15

अगर तोरो भाऊ तोरो खिलाफ पाप करा सेत, ता वोको जवर जायकर वोको गलती दिसाव। लेकिन यो काम एकान्त मा दुई को बीचमा करो, यदी उ तोरो गोस्टी मानासे ता तुना अपरो भाऊ ला आपिस जीत लियो सेत।

लूका 3:19

पर योहन ना राजा हेरोदेस ला, वोको भाऊ हेरोदियास बहू को बारे मा, अखीन वोको सब गलत काम को लाई, वोला बूरो-भलो ठासन लगयो।

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

रोमियो 13:12

अबा रात बित गयी सेत, दिवस हिटनवारा सेस एकोलाय आमी इन्धार को काम ला छोड़-छोड़के उजाड को हतियार घालो।

रोमियो 16:17

अबा ओ भाऊ अना बहिन गीन, मि तुमरो लक बिनती करासू का जोन लोकगीन वोना सिक्सा को विरोध मा जोन तुमीना पाइसेव, फूट डाखन अना ठोकर खावन को कारन सेत। उनला ताड़ लेव अना उन लक दुहुर रव्हो।

रोमियो 6:21

अबा जोन बात मा तूमी लज्जित होवा सो, उनमा वोना बेरा तुमीला काजक भेटत होतो। काय का वोको अन्त तो मरनो सेत।

गलातियो 6:8

जोन आपरी आँग की आदत को लाई बोवासे, उ आँग की माटी मा विनास की फसल कापासे; पर जोन पवीतर आतमा को लाई बोवासे, उ पवीतर आतमा की माटी मा अमर जीवन की फसल कापासे।

इफिसियो 4:22

यहान तक तुमरो जुनो जिंदगी को तरीका को सम्बन्ध से तुमला सिक्सा दियो गयो होती का तुमी आपरो जुनो मानुसपन ला उतार फेकने जोन ओको भटकावन वारो मरजी हुन को लाई खराब बनयो हुयोसे।

इफिसियो 5:12

काहेकि जोन काम छुपयो मा उनको कन लक कियो जासे। उनको गोस्टी ला करनो भी सरम करनो जसो से।

इफिसियो 5:7

एकोलाय तुमी असो लोकगीन को सँगी नोको बनने।

कुलुस्सियो 1:12

अना खुसी-खुसी परमेस्वर बाबजी को धन्यवाद, जेना आमला यो काबिल बनायीसेस की जोनना तुमिला उजाड़ को राज मा आपरो पवीतर लोक गीन काजी राखिसेत, वोमा आपरो वारसाना हिस्सादारी राखन काजी साजरा बना दियो सेत।

1 थिस्सलुनीकियो 5:7

काहेकि जोन सोवासेत वय रात मा सोवासेत अना जोन नसा मा रहवसेत वय रात मा नसा मा होवासेत।

2 थिस्सलुनीकियो 3:14

अदी कोनी आमरी येने चिठ्ठी की गोस्टी नही मानेह ता ओको पर नजर राखने, अना ओको संगति नही करने। जोको लक की उ लजाय जाहेती।

2 थिस्सलुनीकियो 3:6

ओ भाऊ आमी तुमला आपरो पिरभु यीसु मसीह को नाव लक हुकूम देसेजन की तुमी हर कोनी एक असो भाऊ लक दुर रवहने जोन बिगड़ी चाल जसो चाल चलन मा रव्हसे जोन सिक्सा ला ओना आमी लक पाइसे ओको जसो नही करासे।

1 तीमुथियुस 5:20

पाप करन वालो ला सब को पुढा समझाय देव ताकी अखिन लोक भी डराय हेत।

1 तीमुथियुस 5:22

कोनी पर गदने हात नही राखनो अना दुसरो गीन को पाप मा सामिल नोको होवनो अपरो आप ला पवीतर बनाया राखेत।

1 तीमुथियुस 6:5

अना वय मानूस गीन मा बेकार झगड़ा-राड पैदा होवासेत जेनको लक अक्कल बिगड़ गईसे अना उ खराई लक दुहुर भय गीन जोन समझासेत का भक्ती कमाई को जरिया से।

2 तीमुथियुस 3:5

वय भक्ती को हुलीया त धरेहेत पर वोकी ताकत ला नही मानहेत असा गीन लक दुहुर रव्हना।

2 तीमुथियुस 4:2

का तु बचन को परचार करतो बेरा अखीन हर बेरा तैय्यार रहवो सब पिरकार की सहनसीलता अना सिक्सा को संग बढ़ावा देव अना उलाहना देके समझावो।

तीतुस 2:15

पूरो हक को सँगा यो गोस्टी बढ़ावा देव, अना समजने अना सिकावने की कोनी तुमरो गोस्टी आयक के लापरवाही नोको करेत।

परकासित वाक्य 18:4

तब मीना बादल लक एक अखीन आवाज आयकियो “ओ मोरी परजा, ओनो नगरी लक बाहेर हिट जाव! तुमी, ओको पाप मा ओको संगी नोको बनो, ओकी सजा को हिस्सादार नोको बनो।”