इफिसियो 5:10 - सत मारग पर चलन वारो किताब

¹⁰ हरेक बेरा यो परखन को जतन करो का परमेस्वर ला कोनतो गोस्टी खुस करासे।

इफिसियो 5:10 ပူးပေါင်းရင်းမြစ်များ

रोमियो 14:18

जोन एना गोस्टी लक यीसु मसीह को सेवा करा सेत, परमेस्वर उ को चहेतो अना मानूस गीन मा सतकार को काबील ठयरा सेत।

फिलिप्पियो 1:10

यहान तकन का तुमी साजरो लक साजरो गोस्टीहुन ला चहेतो जाननो, अना मसीह को दिवस तकन खरो बनयो रव्हो अना परख नोको जावनो।

फिलिप्पियो 4:18

मोरो जवर सब काही से अना लगत से। तुमना इपफ्रुदीतुस को हात लक जोन दान धाड़ीसेव वोला पायके मि संतोस सेऊ। उ ता मन ला खुस कर देवन वालो खुसबु अना अपनायो जावन वालो बलिदान से, जोको लक परमेस्वर खुस होवासे।

कुलुस्सियो 1:10

तब जब तुमी पिरभू को रुप मा जिंदगी बितान काबिल होवजोस अना हमेसा आपरो चाल चलन लक वोला खुस करजोस ता तुमरो जिंदगी मा सबा परकार को साजरो करम पैदा करबिन, अना तुमी परमेस्वर को गियान मा बढ़बिन।

1 थिस्सलुनीकियो 5:21

सब गोस्टी गीन ला साजरो लक परिक्सा करो, जोन साजरी से वोला पक्को लक सम्हाल राखने।

1 तीमुथियुस 2:3

यो हमरो सुटकारा देवन वालो परमेस्वर ला साजरो लगासे अना भावासे।

1 तीमुथियुस 5:4

अदि कोनी बेवा का लेकरा अना नाती पोता होयेत त पहेल वय अपरोच खानदान को संग मा भक्ति को व्यवहार करना अखिन अपरो माय-बाप अदि ला उनको हक देवनो सिकेत काहेकि यो परमेस्वर ला साजरो लगासे।

इब्रानियो 12:28

एकोलाय जबा अमीला असो अटल राज भेटनवारा सेत। तो आव आमी परमेस्वर को धनवाद मानके भेव को संग, परमेस्वर को असो भगती करबीन जोन वोला पावन भई जाय।

1 पतरस 2:20

अदी तुमीला खोटो काम करके सजा भेटा सेत। तो काजक फायदा सेत? पर तुमी साजरा काम करासो अना दुख भेटा सेत अना मार खावासेव ता परमेस्वर तुमिला आसिरवाद देवासेत।

1 पतरस 2:5

तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे।