इफिसियो 4:9 - सत मारग पर चलन वारो किताब

⁹ अबा चोवो, जबा उ कव्हसे, उ उचो पर चघयो काजक मतलब से? केवल योच की उ धरती को खाल्या जघा मा उतरीसेस।

इफिसियो 4:9 ပူးပေါင်းရင်းမြစ်များ

मत्ती 12:40

जसो योना भविस्यवक्ता तीन रात-दिवस लक मगर को पोटमा रहयो, वसोच मानूस को टूरा ला तीन रात-दिवस धरती को भीतर रव्हनोसेत।

योहन 20:17

यीसु ना कहीस, मोला नोको छुवस। काहेकि मि अबा तकन बाबूजी को जवर वरता नही गयो, पर मोरो भाऊ को जवर जावके उन लक सांग दे, की मि आपरो बाबूजी अना तुमरो बाबूजी अना आपरो परमेस्वर अना तुम्हरो परमेस्वर को जवर वरता जावासु।

योहन 3:13

कोनी सरग मा नही चघयो से, पर उ चघयो से जोन सरग मा लक खाल्या उतरयो से। मजे “मानूस को टूरा” जोन सरग मा से।

योहन 6:33

काहे का परमेस्वर की भाकर वाच से जोन सरग लक उतरीसे अना संसार ला जिंदगी देसे।”

योहन 6:38

काहे का मि आपरी मरजी ला नही पर परमेस्वर की मरजी पूरी करनलाय सरग लक आईसेऊ।

योहन 6:41

एको लाय यहूदिगीन वोको पर कुड़कुड़ान लगीन, की ओना कव्हयो होतो की जोन भाकर सरग लक उतरीसे, उ मि सेव।

योहन 6:51

जीवन की भाकर जोन सरग लक उतरी से, मि सेव। जोन यो भाकर मा लक खाये उ सदा जित्तो रहेत, अना जोन भाकर मि संसार को जिन्दगी को लाय देहुँ, उ मोरो देह से।

योहन 6:58

जो भाकर सरग लक उतरी याच से, उ भाकर को जसो नही जेनला तुमरो आजा-पुरखा ना खाईन अना मर गईन। जोन कोनी यो भाकर खाये उ सदा जित्तो रहेत।

योहन 6:62

अदी तुमी मानूस को टूरा ला जिता उ पयले होतो, उता वरता जातो चोहो ता का होहे?

योहन 8:14

तबा यीसु ना उन ला साँगिस, “अदी मि आपरो पुरूप खुदच देवासु ता भी मोरो पुरूप खरो से, काहे की मि जानासेऊ की मि किता लक आयीसेऊ, अना किता लक जावासू। पर तुमी नही जानासेव की मि किता लक आयीसेऊ अना किता लक जावासेऊ।

इब्रानियो 2:7

तू जरासो बेरा साठी वोला देवदूत लक लहान कियो सेत। अना ओला गौरव अखिन सन्मान को मुकुट दियो से, अना वोला तैय्यारी मा आपरो हात को काम पर हक्क देइसेस।

इब्रानियो 2:9

परंतु, मानूस अबा सप्पा गोस्टी मा राज करतो दिसत नाही। पर आपरो यीसुला चोवो, जोनला काही बेरा साठी देवदूत को मुकाबला मा नीचो कियो। या साठी की, परमेस्वर को किरपा लाय वा सर्वांसाठी मरयो। अता आपरो मरनो को दुख को कारन वोला गौरव व सन्मान को मुगुट पहनायो गयो।