इफिसियो 4:22 - सत मारग पर चलन वारो किताब

²² यहान तक तुमरो जुनो जिंदगी को तरीका को सम्बन्ध से तुमला सिक्सा दियो गयो होती का तुमी आपरो जुनो मानुसपन ला उतार फेकने जोन ओको भटकावन वारो मरजी हुन को लाई खराब बनयो हुयोसे।

इफिसियो 4:22 ပူးပေါင်းရင်းမြစ်များ

रोमियो 6:6

अमी यो जाना सेजन का, आमरो मा जोन जूनो मानूस होतो, उ यीसु को संगच मा सूली मा चघा दियो होतो जोनलक आमरो पाप वालो देह नास भयी जाय। अना अमी पाप को गुलामि लक सोड़ाया गयो मनूससेजन।

रोमियो 7:11

काहेका पाप ना मौका पायके हुकूम लक मोला बहकायो, अना वोको लक मोला मार डाख्यो।

2 कुरिन्थियो 11:3

पर मी डरावा सेव का जसो सरप न अपरी चलाकी लक हव्वा ला बहकायो वसोच तुमरो आतमा वोना सीधो अना पवीतर लक जोन मसीह को संग रव्हनो चाव्हसे कदी खराब नोको कर दे।

गलातियो 1:13

का तुमी लोकगीन आयकासेव, की जबा मि यहुदी धरम नियम मा चलनवारो होतो ता मोरो सुभाव कसो होतो? मि परमेस्वर की कलीसिया ला लगत तँगात होतो। अना ओला नास करत होतो।

इफिसियो 2:3

उनमा आमी भी पयले आपरो देह की मोह मा दिवस बितात होता, देह अना मन को मरजी ला पूरो करत होता, अना अखीन संसार को दुसरो लोकगीन को जसो बरताव लक परमेस्वर को गुस्सा की लेकरा होता।

इफिसियो 4:17

एकोलाय मि यो कव्हसू अना पिरभु मा चिताव सेव की जसो खोटो काम करनवालो आपरो मन को बेकार बिचार पर जीवन करत होतीन, तुमी वसो नोको जीवन करने,

इफिसियो 4:25

यो काजी तुमी खोटो कव्हनो तज देने। अना आपरो पड़ोसी लक खरो सांगने, कायसेकि आमी आपस मा एक दुसरो का आँग सेजन।

इफिसियो 4:31

सब परकार की कडुवाहट, ताव, गुस्सा, मुसीबत अना निन्दा सब परकार को ईरसा तुमी आपरो भीतर लक हेड़ फेकने।

कुलुस्सियो 2:11

ओमा तुमरो असो खतना हुयो से जोन हात लक नही हुयो मजे मसीह को खतना जोको लक सारिरीक देह उतार देई जावसे।

तीतुस 3:3

काहेका आमी पुढ़ा बेअक्ल का रहत होता अना हुकूम ला नही मानत होता अना संका मा पड़या रव्हत होता। अना काई परकार को लोभ अना सुख सुविदा को चाकरी करत होता अना बइर, अना जरनाहि मा जिंदगी बितावत होता। अना आमी लक लोक घिरना करत होतीन अना आमी भी एकमेक लक घिरना करत होतो।

इब्रानियो 12:1

काहेका अमी गवाही को इतरो मोठ्यो गरदी लक घिरयो हुयो सेजन। जोन अमिला बिस्वास को मन्जे काय सेत? यो गोस्टी को पुरुप सेत। एकोलाय आओ बाधा पहुँचान वालो हरेक चीजला अना वोना पाप को जोन सरड़ मा अमिला उलझा लेवासेत। फटाक नारी फेंकके अना उ दौड़मा धावनो सेत, आओ अमी धीरज लक धावबिन।

इब्रानियो 3:13

जब तकन आज को दिवस कहलावसेत तबा तकन तुमी रोज एक दूजो ला बढ़ावा देव, कदी असो नोको भई जाय का तुमरो लक कोनी मानूस पाप मा पड जाय अना वोको मन गोटा जसो भई जाय।

याकूब 1:21

एकोलाय सप्पा खोटो सुभाव अखीन बैर ला तजके, नरमताई लक तुमरो दिल मा डाकयो गयो परमेस्वर को गोस्टी ला अपनावनो। जोन तुमरो सूटकारा लाय बेहद ताकतवर सेत।

याकूब 1:26

अदि कोनी मानूस अपरो आप ला भविस्यवक्ता समझ सेत। मंग अपरो जुबान मा लगाम नहीं लगावसेत, उ अपरो मन ला धोखा मा राखयो हुया सेत, अखीन वोको भगती बेकार सेत।

1 पतरस 1:18

काहेकी तुमी जानासेव, का तुमरो बेकार चाल-चलन, जोन बापदादा गीन लक चलतो आयो से। उनको तुमरो सूटकारा, चांदी सोनो अना नास होवनवालो चीज गीन को किमत मा नही भयो।

1 पतरस 4:3

काहेका गैरबिस्वासी लोकांगिन, को इक्सा अनुसार काम करन्यात अना मोह, दारुखोरी, नसा, छिनालापन, अना घिरना लायक मूर्तिपूजा, वाईट इक्सा को बिचमा लगत बेरा गवायो, यो लगत भयो।

2 पतरस 2:13

अना असो उनको पाप अना खोटो काम को सजा भोगनो पड़ेत। उनला दिवस अना दुपार मा आनंद लक बितावनो साजरो लगासेत। वय कलंकित अना दूसित सेत।

2 पतरस 2:7

परंतु वोना उ नेक मानूस लूत ला बचाय लियो। जोन वाईट लोकांनी लैंगिक करम को कारन दुखी होत होतो।