इफिसियो 4:13 - सत मारग पर चलन वारो किताब

¹³ जबा तकन की आमी सबच भरोसा मा अना परमेस्वर को लेकरा को गियान मा एक नही होय जावबिन। अना पक्को मानूस ना बन जावबिन, अना मसीह को पूरो डीलडोल तकन न बढ़ जावबिन।

इफिसियो 4:13 ပူးပေါင်းရင်းမြစ်များ

मत्ती 11:27

मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।

योहन 1:16

काहे का वोको मोठयो दया लक एक नही पर आमी ला दुई बार दया मिलि से।

योहन 16:3

असो वय एकोलाय करयेत, की उन बाबूजी ला नही जानासेत, अना मोला भी नही जानासेत।

योहन 17:21

की वय सबच एक होय जाहेत। जसो तु हे बाबूजी मोरो मा सेस, अना मि तोरो मा सेव, वसोच वय आमरो मा होहेत। जेना लक जगत भरोसा करहे की तुना मोला धाड़िसेस।

योहन 17:3

अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत।

योहन 6:69

अना आमी ना भरोसा कर लिया अना जान लिया का परमेस्वर को पवीतर जन तु ही सेस।

पेरीत 4:32

भरोसा करन वालो गीन को समुदाय एक चित अना एक मन होती, उनमा कोनी भी आपरी जायदाद ला आपरी नही मानासेत, जोन काही उनको जवर होतो वोमा सबको हिस्सा एक मा से।

1 कुरिन्थियो 1:10

मोरो संगीहुन! अमरो पिरभु यीसु मसीह को नाव मा मोरो तुमरो लक पिराथना सेत का तुमरो मा कोनी फूट नोको होवे। तुम सबा एक संग जुटो रव्हो अना तुमरो बिचार अना धेय एकच होवे।

1 कुरिन्थियो 14:20

अगो भाऊ अना बहिनहुन, आपरो समज मा लेकरा नोको बनो। वसो बुराई करन ला लहान सो लेकरा बनो, परा समजन लाय सियानो बन जावो।

1 कुरिन्थियो 2:6

जोन समजदार सेत। उनला अमी अक्कल देवा सेजन। परा यो अक्कल यो जुग को नाहती। ना च यो जुग को राजा हुनको अक्कल सेत। जोन दुनिया ला नास को कगर मा आनासेत।

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

गलातियो 4:19

मोरो चहेतो लेकरा। जबा तकन तुममा मसीह को स्वरुप नही बन जावा। तबा तकन मि तुमरो लाई मंग जच्चा की पीड़ा सह रही सेव।

इफिसियो 1:17

मि पिराथना कियो करुसेउ की हमरो पिरभु यीसु मसीह को परमेस्वर तुमला विवेक अना दैवीय दरसन की असी आतमा को ताकत देवासे जेकोलक तुमी ओनो महिमा वान मोठो बाबूजी ला जान सको।

इफिसियो 1:23

कलीसिया मसीह की तन से, मसीह को सबरो रुप से, जोन सब काही सब तरीका लक पूरो रुप तक धाड़ देसे।

इफिसियो 2:15

अना आपरो देह मा गुस्सा मजे, मोसे को नियम ला जोन हुकूम नियम गिरंथको सहारा पर होतीन, मिटाय देइसेस, की दुही ला आपरो मा एक नवो मानूस बनायके मेल कराय देइसेस।

इफिसियो 4:12

मसीह ना उनला यो दियो दान संत मानूस की सेवा को काम को लाई तैयार करन ला देइस ताकि हमी जोन मसीह को तन सेजन, आतमा मा अखिन पिक्को होवबिन।

इफिसियो 4:3

उ सांती, जोन तुमला आपसी मा बांधी राखासे, ओकोलक पैदा आतमा को एकता ला बनाय राखन को लाई हर पिरकार को कोसिस करत रव्हो।

इफिसियो 4:5

एकच पिरभु एकच, भरोसा एकच बपतिस्मा

फिलिप्पियो 3:10

का मि ओको मिरतु को समानता ला पाय सकुह, जोकोलक ओको अना ओको जित्तो उचलन को ताकत ला अना ओको संगा दुखहुन मा संग होवन को भेद ला जान लेहुँ।

फिलिप्पियो 3:8

एकोलक बड़के मि आपरो पिरभु यीसु मसीह को गियान को मोठो महिमा को काजी सबच गोस्टी ला बेकार समझासेउ। जोको काजी मिना सब चीजगीन को हानि उचली सेऊ।

कुलुस्सियो 1:28

एकोलाय हमी सबला मसीह यीसु को परचार कर सेजन। आमी मसीह मा सबा सम्बव गियान को संग आमी उनला चिताय देवा सेत, अना उनला सिकावसेत। जोनलक हरेक मानूस ला मसीह को संग एक पक्को मानूस को रूप मा परमेस्वर को पुड़ा लायो जा सकेत।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

इब्रानियो 5:14

पर जेवन तो सियानो काजी सेत जोनला खरो-खोटो को गियान सेत।

2 पतरस 1:4

काहेका वोको लक परमेस्वर ना आमीला अनमोल अना मोठी वादा करयो सेत, जेनो कारन तुमी जग मा वाईट वासना लक सूट जाव। जोन जग मा खोटो इक्सा लक होवासे। अना वोको लक आपरो परमेस्वर को सुभाव को भागी दार बन जाओ।

2 पतरस 3:18

तुमी लोक आमरो पिरभु अना तारनहार यीसु मसिहा, को किरपा अना गियान मा बड़त रव्हो, वोको अता अना अमर काल तकन वोको गौरव होवत रव्हे। आमेन।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।