इफिसियो 4:12 - सत मारग पर चलन वारो किताब

¹² मसीह ना उनला यो दियो दान संत मानूस की सेवा को काम को लाई तैयार करन ला देइस ताकि हमी जोन मसीह को तन सेजन, आतमा मा अखिन पिक्को होवबिन।

इफिसियो 4:12 ပူးပေါင်းရင်းမြစ်များ

लूका 22:32

पर मी तोरो लाय पिराथना करूसेव का तोरो भरोसा, ना चलो जाय, अना जबा, तु वापस आवजोस, ता आपरो संगी भाऊ गीनला थामजोस।

पेरीत 1:17

जोनको को बारेमा, पवितर गिरंथ को उ लेख जोनला राजा दाऊद को टोन्ड लक पवितर आतमा ना लगत पयलेच कव्हयो होतो। ओको पूरो होवनो जरुरी होतो। का उ आमरो च सग गिनो जाहेत, अना यो सेवा मा वोको भी हिस्सा होहेत।

पेरीत 1:25

जोन यहूदा जघा होतो वहान वा चले गयो, अना आपरो जघा सोड़ दियो, अबा एक पेरीत को रुपमा सेवा को यो पद ला कोन अपनायेत।

पेरीत 11:23

उ उता जायके अना परमेस्वर को दया चोवके खुसी लक भर गयो; अना सबला सिक्सा देइस, का देह-मन लक पिरभू लक लिपटो अना बिनती करत रव्हो।

पेरीत 20:24

पर मी जान ला किमती नही समझसू। मी तो बस उ दौड अना वोकी सेवा ला पूरी करनो चाव्हसू। जोन मोला पिरभू यीसु देइसेस। उ यो से का परमेस्वर को दया मा गवाही देवनो।

पेरीत 20:28

एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।

पेरीत 9:31

असो परकार अबा सबरी यहुदिया गलील अना सामरिया छैत्र गीन को कलीसिया को बेरा सान्ती लक डर मा बितन लगयो। अना कलीसिया अखीन बनन लग्यो। अना पवीतर आतमा को बड़ावा मा जिंदगी बीतावन लगीन। अना कलिसिया गिनतीमा बड़न लगयो।

रोमियो 12:5

वसोच अमी भी लगत सेजन। मंग मसीह मा एक देह सेजन। अना देह को आंग होवन को कारन एक दुसरो लक जुड़यो सेजन।

रोमियो 12:7

अदी सेवा करन को बरदान सेत, ता अमीला सेवा करनो पाहिजे। अगर अमिला सिकावन को बरदान भेटयो सेत, ता अमिला सिकावनो पाहिजे।

रोमियो 14:19

आमी असो गोस्टी मा लगो रहबिन, जोन लक सान्ती बनावन मा बढावा मिले।

रोमियो 15:14

ओ मोरो संगीहुन! जहान तकन तुमरो बारेमा मी खुदच बेखटका सेव, अना भरोसा सेत, का तुम खुद च साजरा अना सप्पा गियान लक भरो हुयो सेव। अना तुमी ला एतरो मालुम सेत, का एक मेक ला समजा सको।

रोमियो 15:2

आमरो मा लक हरेक, एकमेक को साजरोपन, को बढ़ोतरी को लाय उनको भावना को संग आतमा मा जोस लक भरो।

रोमियो 15:29

मोला भरोसा से का, जबा मी तुमरो जवर आसिन तो यीसु मसीह को आसिरवाद आनीन।

1 कुरिन्थियो 12:27

असोच तुमी सबा मिलके मसीह को देह आव अना अलग-अलग वोको आंँग सेव।

1 कुरिन्थियो 12:7

पर सबको फायदा करान काजी आतमा को उजाड़ा हरेक ला भेंटा सेत।

1 कुरिन्थियो 14:12

तुमरो बारे मा भी योच बातसेत। तुम लोकगीन आतमिक बरदान को धुनमा रव्हासो। एकोलाय असो बरदान ला पावो जोन कलीसिया बनान मा उन्नती करे।

1 कुरिन्थियो 14:14

काहेका अदि मी कोनी दुसरो भासा मा पिराथना करू ता मोरी आतमा पिराथना करासेत। परा मोरी अक्कल बेकार सेत।

1 कुरिन्थियो 14:26

एको निचोड काजक सेत? अगो भाऊ अवो बहिन हुन! जब-जब तुमी पिराथना काजी जमा होवा सो तो कोनी भजन गावा सेत कोनी सिक्सा देवा सेत, कोनी आपरो आपला मिलयो सच सांगासेत। कोनी दुसरो भासा बोला सेत। तो कोनी वोको मतलब सांगासेत, यो सब लक कलीसिया को उन्नती होवनो पाहिजे।

2 कुरिन्थियो 12:19

तुमी अबा तकन समझ रहया होव्हो क अमीना जवाब देइसेत, अमी तो परमेस्वर ला हाजिर जानके ना मसीह मा संगसेजन, अना वो मोरो चहेतो लोक हुन, यो सब गोस्टी तुमरोच उन्नती साठी संगसेजन।

2 कुरिन्थियो 13:11

एकोलाय अगो भाऊ खुस रव्हो! साजरो पक्को बनतो जावो अना धिरज राखो। एक बिचार राखो, मिलाप लक रव्हो! पिरेम अना सान्ती देवन वारा, परमेस्वर तुमरो संग होहेत।

2 कुरिन्थियो 13:9

जबा हमी कमजोर सेजन अना तुमी ताकतवर सेव, ता आमी खुस होव्हसेजन, अना यो पिराथना भी करासेजन की तुमी मजबुत होय जावो।

2 कुरिन्थियो 3:8

तो मग आतमा को करार अना तेज कसो ना होयेत?

2 कुरिन्थियो 4:1

यीसु को दया लक परमेस्वर ना अमीला यो सेवा करन काजी देइसेस, अना एकोलाय आमी बेआस नको होहे सेजन।

2 कुरिन्थियो 5:18

अबा यो सबच गोस्टी परमेस्वर को कन लक से जेना मसीह को कन लक हमरो मेल अपरो संग कर लेईन अना हमरो मेल मिलाप की सेवा देईसेस।

2 कुरिन्थियो 6:3

आमी नहीं चाव्हसेजन की कोनी ला भी आमरो सेवा मा दोस मिल जाहे, एकोलाय आमी कोनी ला भी रस्ता मा रोड़ा लावन की कोसिस नहीं कर रही से।

2 कुरिन्थियो 7:1

एकोलाय ओ मोरो चहेतो भाऊ अना बहिन हुन, यो सब वायदा आमरो च लाय कियो गयो सेत। तो आव आमी आपरो आप ला उन सब लक जोन आमीला असुध्द करासेत वोको लक सुध्द करबिन, या जोन अमरो देह ला आतमा ला असुध्द बनावसेत। काहेका अमीला परमेस्वर को भेव मा जीवन काजी पूरो पवीतर होवनो पाईजे।

इफिसियो 1:23

कलीसिया मसीह की तन से, मसीह को सबरो रुप से, जोन सब काही सब तरीका लक पूरो रुप तक धाड़ देसे।

इफिसियो 4:16

जोको लक सप्पा बदन, सप्पा जोड़ मा एक सँगा बँधके अना संची होयके, सप्पा बदन को बेस तरीका लक ओमा होवासे, आपरो आप ला बढ़ावसे, अना माया मा तरक्की होवासे।

इफिसियो 4:29

कोनी फालतू गोस्टी तुमरो टोंड लक नही निकलनो पाहिजे, पर केवल असी गोस्टी हिटनो पाहिजे जोन ओना बेरा की जरुरत को जसो तरक्की को साठी साजरो होय, जोको लक की आयकन वालो पर दया होय।

इफिसियो 4:4

एकच बदन अना एकच आतमा से: असोच तुमला भी जबा हाकलया गयत ता एकच आसा मा भागीदार होवन को लाई हाकलयो गयो।

कुलुस्सियो 1:24

अना अब मी तुमरो काजी आपरो दुख को बारे मा खुससेव, काहेका मोरो देह को दुख को बीचमा मी आपरो देह, कलीसिया को कन लक मसीह को दुख ला पूरो करन मा मदद कर रहयो सेव।

कुलुस्सियो 1:28

एकोलाय हमी सबला मसीह यीसु को परचार कर सेजन। आमी मसीह मा सबा सम्बव गियान को संग आमी उनला चिताय देवा सेत, अना उनला सिकावसेत। जोनलक हरेक मानूस ला मसीह को संग एक पक्को मानूस को रूप मा परमेस्वर को पुड़ा लायो जा सकेत।

कुलुस्सियो 4:17

अना अरखिप्पुस लक सांग जोस का पिरभू को जोन सेवा तोला सोपो गइ सेत वोला होसियारी लक पूरो कर।

1 तीमुथियुस 1:12

मि आपरो पिरभु यीसु मसीह को जोन ना मोला ताकत देईसेस, बिनती करुसेऊ की ओना मोला बिस्वास लायक समझ के आपरो सेवा को साठी ठहराईसेस।

2 तीमुथियुस 4:11

बल्कि लूका मोरो संग से मरकुस ला आन कन चली आयो काहेकी सेवा को लाई उ मोरो लगत काम को से।

2 तीमुथियुस 4:5

पर तु सब गोस्टी गीन मा तैय्यार रहवो दुख उठाव साजरी खबर को परचार को काम करो अखीन अपरी सेवा ला पूरो करो।

इब्रानियो 13:17

आपरो मारग दिसावन वालो को हुकूम मानो, वोको अधीन रव्हो। हुकूम मानो। वय तुमरो असो देख-रेख करासेत। जसो उन मानूस को लेखा जोखा उनला च देवनो सेत। उनको हुकूम मानो, जोनलक उनको काम खुसी बन जाय, उनला बोझा जसो नोको लगे। काहेका वोको लक तुम्हिला कोनी फायदा नाहती।

इब्रानियो 6:1

एकोलाय आव अमी मसीह को बुनियाद को सिक्सा ला सोड़के पक्को बनन को सिक्सा कन बड़बीन। अमीला उन सूरुवाती गोस्टी कन नहि बड़नो सेत। ज सो मरनो कन ले जावन वालो काम, को लाय मन मुरकानो, परमेस्वर पर बिस्वास परमेस्वर में बिस्वास,