इफिसियो 3:8 - सत मारग पर चलन वारो किताब

⁸ अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

इफिसियो 3:8 ပူးပေါင်းရင်းမြစ်များ

लूका 14:22

तबा दास कहीस, मालीक तोरो हुकूम पूरो भई से, पर अबा जघा खाली सेस।

योहन 1:16

काहे का वोको मोठयो दया लक एक नही पर आमी ला दुई बार दया मिलि से।

पेरीत 5:41

वय खुसी होयके मोठी सभा लक चली गईन, काहेका उनना असो मानिन का परमेस्वर ना उनला यीसु को नाव लाई, बेइज्जत होवन को काबील समझयो।

पेरीत 9:15

पर पिरभू न वोला कहीस तु जाय, काहेकि यो मानूस ला गैरयहुदी अना राजागीन अखीन इसरायल गीनको पुड़ा मोरो नाव लेवन काजी मीना एला बेची सेऊ।

रोमियो 11:33

आहा! परमेस्वर को धन अना अक्ल अना गियान कितरो गंभीर सेत! वोको बिचार कसो अथाह अना वोको रस्ता ला कोनी नही जान सकासेस।

रोमियो 12:10

भाऊ-भाऊ मा जसो पिरेम होवासे वसोच एक दूसरो लक पिरेम राखो, आपसी मा एक दूसरो को आदर करो। अना एक दूसरो लक बढ चढ़के करो।

रोमियो 2:4

मंग तू वोको मोठो दया अना धिरज लक सहन करनो ला हीन मानतत। अना तु यो गोस्टी को कन धियान नही देवा सेत। का वोको दया तोला पाप सोड़न को लाय मौका देवा सेत।

1 कुरिन्थियो 1:30

पर वोच परमेस्वर को कन लक तुमी यीसु मसीह मा सेव, जोन परमेस्वर को कन लक आमरो लाय गियान ठैरी सेत। नेकी अखीन पवीतर, अना मुकती।

1 कुरिन्थियो 15:9

काहेका मि सब पेरीतगीन लक लहान सेउ। सहि मायना मा मी पेरीत कहलान को काबिल नही सेउ। काहेका मी परमेस्वर को कलीसिया पर अतियाचार करिसेऊ।

1 कुरिन्थियो 2:9

परा गीरंथ मा असो लिख्यो सेत, “जोनला डोरा लक नही चोव सकत, अना कान लक नही आयकयो, जहाँन मानूस को अक्कल तकन नही पहोच सका सेत। असो गोस्टी परमेस्वर को चहेतो लोक गिन लाय राख्यो सेत।”

गलातियो 1:16

परमेस्वर ना मोला आपरो टूरा ला दिसाईस अना मोला अलग कर देईस का मि यीसु को साजरो बारता ला परजात ला सांगु। एको मंघा मिना कोनी निरो मानूस खून को रिस्तेदार लक नही पुसयो।

गलातियो 2:8

काहेकि जोन परमेस्वर ना पेरीत पतरस लक खतना करनवालो मा अगुवाई को काम मोठो असरदार तरीको लक करवाइ, ओनाच मोरो लक भी परजात गीन मा असरदार काम करवाइसेस।

इफिसियो 2:7

ताकि उ आवन वालो हर युग मा आपरो दया को साजरो धनला दिसाये जेनला ओना मसीह यीसु मा आपरी दया को रुप मा आमी पर चिन्हित करीसेत।

इफिसियो 3:1

एकोलाई मि, पौलुस तुमी गैरयहुदीहुन लाई मसीह यीसु को काजी बन्दी सेव, तुमिलक एक बिनती करनो चाव्हसु।

इफिसियो 3:16

मि पिराथना करुसेउ की उ आपरी महिमा को आपरो धन लक आपरी आतमा को कनलक तुमरो भीतरी मानुसपन ला ताकत रुप लक सक्ती देहे।

इफिसियो 3:19

अना तुमी मसीह को ओना माया ला जान लेव जोन सबच पिरकार लक गियान लक हटके से जेकोलक का तुमी परमेस्वर को सबच भरपुरी लक भरपुर होय जाहो।

इफिसियो 3:2

तुमरो कल्यान काजी बढ़ावा देवन को लाई परमेस्वर ना दया को संग जो काम मोला सोपीसेस, ओको बारे मा तुमीना जरुरच आयकयो होहे।

फिलिप्पियो 2:3

बिरोध अना बनावटी बड़ाई को लाई काही नोको करो, पर दीनता लक एक दुजो ला साजरो समझो।

फिलिप्पियो 4:19

मोरो परमेस्वर भी आपरो ओना धन लक जो महिमा सकट मसीह यीसु मा से तुमरो हरेक जरुरत ला पूरी करेत।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

1 तीमुथियुस 1:13

मि ता पुढ़ा बिरोध करनवालो अना सतावन वालो अना अँधेर करनवालो होतो; एको पर भी मोरो पर किरपा भयी, काहेकि मिना अबिस्वासी को दसा मा बिन समझे बुझयो यो काम कियो होतो।

1 तीमुथियुस 1:15

यो गोस्टी खरो अना सब रीती लक बिस्वास को काबिल से की मसीह यीसु पापी गीन को सुटकारा देवन काजी दुनिया मा आयो, जोन मा सब लक मोठो मि सेऊ।

1 तीमुथियुस 2:7

मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।

2 तीमुथियुस 1:11

जेनको लाई मी परचार करन वारा अना पेरीत अखीन सिक्सा वालो भी ठहरायो।

परकासित वाक्य 3:18

एकोलाय मि तोला सलाह देवसू, की स्तो मा सुध्द कियो हुयो सोन्नो मोरो लक मोल लेव। अना तु धनी भय जाय। अना बेडाग पांढरो कपरा लेलेव, अना घाल तोरो नंगोपन दिसायो नही जाय, अना आपरी डोरा मा लगावन को लाई सुरमा ले लेव, की तु चोय सकजोस।