इफिसियो 3:7 - सत मारग पर चलन वारो किताब

⁷ साजरो बारता को काजी मि ओनो साजरो बारता को पिरचार करन वारा एक सेवक बन गयो, जोन ओको ताकत को जसो परमेस्वर को दया परमेस्वर को दियो दान को रुप मोला सोपयो गयो होतो।

इफिसियो 3:7 ပူးပေါင်းရင်းမြစ်များ

पेरीत 9:15

पर पिरभू न वोला कहीस तु जाय, काहेकि यो मानूस ला गैरयहुदी अना राजागीन अखीन इसरायल गीनको पुड़ा मोरो नाव लेवन काजी मीना एला बेची सेऊ।

रोमियो 1:5

वोच यीसु को खासम-खास चेला होवन को मौका मोला भेटयो सेत। जोन लक मी सबा देस को लोकगिन ला यीसु मा बिस्वास करन अना वोला मानन मा मदद करबिन।

रोमियो 12:3

अना मी परमेस्वर को किरपा को वजा लक हरेक ला कव्हसेऊ। अपरो आप ला जरुरत लक जादा हुसियार नोको समजो। आपरो बिचार मा सयंम बरतो। अना परमेस्वर ना तुम्हिला जोन बिस्वास देयि सेत, वोको अनुसार खुद को बरोबरी करो।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

1 कुरिन्थियो 15:10

मि जोन काही सेउ, परमेस्वर को किरपा लक सेउ, अना जोन किरपा मोला मिलिसे उ बेकार नही भई। मी उन सब लक जादा महेनत करिसेऊ।

1 कुरिन्थियो 3:5

अखट्ट मा, अपोलुस कउन सेत? अना पौलुस कोन सेत? अमी केवल परमेस्वर को सेवक सेत। जोनको लक तुम्ही बिस्वास करन को लाय तैयार भयी सेव। आमरो लक हरेक वोच काम करा सेत, जोन काम पिरभू ना उनला दियो होतो।

2 कुरिन्थियो 3:6

जोनना अमीला नवा करार को दास होवनको काबिल बनाइसेस, यो लिख्यो करार नाहती पर आतमा को करार सेत काहेका लिखयो सबद मारसेत पर आतमा जित्तो करासेत सेत।

2 कुरिन्थियो 4:1

यीसु को दया लक परमेस्वर ना अमीला यो सेवा करन काजी देइसेस, अना एकोलाय आमी बेआस नको होहे सेजन।

गलातियो 2:8

काहेकि जोन परमेस्वर ना पेरीत पतरस लक खतना करनवालो मा अगुवाई को काम मोठो असरदार तरीको लक करवाइ, ओनाच मोरो लक भी परजात गीन मा असरदार काम करवाइसेस।

इफिसियो 1:19

आमी बिस्वासी गीन लाई ओकी ताकत बिन तुलना रुप लक केतरी महान से। यो ताकत आपरी महान ताकत को ओनो काम को जसो से,

इफिसियो 3:2

तुमरो कल्यान काजी बढ़ावा देवन को लाई परमेस्वर ना दया को संग जो काम मोला सोपीसेस, ओको बारे मा तुमीना जरुरच आयकयो होहे।

इफिसियो 3:20

अबा ओनो परमेस्वर को लाई जोन असो ताकतवर से, ओना ताकत कन लक जोन हमि मा काम करासे, की आमरी बिनती अना मन लक कहीं लगत बढ़के काम कर सकसे,

इफिसियो 3:8

अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

इफिसियो 4:16

जोको लक सप्पा बदन, सप्पा जोड़ मा एक सँगा बँधके अना संची होयके, सप्पा बदन को बेस तरीका लक ओमा होवासे, आपरो आप ला बढ़ावसे, अना माया मा तरक्की होवासे।

कुलुस्सियो 1:29

असो करन काजी, मी मसीह यीसु को ताकतवर ताकत ला काम मा आनके अखीन जोन काम करासू। वोको लाय मी मेहनत भी करासू।

1 थिस्सलुनीकियो 2:13

एना कारन हमी भी सदा परमेस्वर ला धनवाद करा सेजन। का जबा हमरो कन लक तुमला परमेस्वर को गोस्टी की खबर मिली त तुमी न वोनो मानूस गीन ला नही, पर परमेस्वर को गोस्टी समझके अपनायेत। खरो मा उ से भी जोन तुमी भरोसा मा अपरो काम भी करासेत।

इब्रानियो 13:21

तुमला सबा साजरो साधन लक भर देवे, जेनको लक तुमी वोको मनसा पूरो करो। अना यीसु मसीह लक उ आमरो भीतर वोना सब काही परगट करे जोन वोला भावासेत। ओकी महिमा सदा तकन बनयो रव्हे। आमिन।