इफिसियो 3:4 - सत मारग पर चलन वारो किताब

⁴ अना अदि तुमी ओला वाचन करोह ता मसीह को बारे मा भेद भरयो सत्य मा मोरी बारिक नजर को समझ तुमला भय जाहेत।

इफिसियो 3:4 ပူးပေါင်းရင်းမြစ်များ

मत्ती 13:11

जवाब मा यीसु ना उनलक कव्हयो “सरग राज को लुकयो भेद ला जानन को हक बस तुमरो च जवर सेत उनला नही।”

लूका 8:10

“तुम ला परमेस्वर को राज को, छुपयो गोस्टी को समझाय दियो गयो से। पर परायो ला, उदाहरन लक आयकवायो जासे। एकोलाय का वय चोवकेना बिना चोवो जसो भयी जाय, अखीन आयकनो पर भी नही समजेत।”

रोमियो 11:25

अगो मोरो संगीहुन! यो एक छिपयो सच्चो गोस्टी सेत। जोन तुम्हिला सांगा सेऊ। यो गोस्टी तुम्हिला चेताहेत का तुमी कितरो अक्कलवर सेव? इसरायिल को लोकहुन को यो हरामेसा को जिद्द नाहती। मंग यो तबा तकन चलयेत, जबा तकन पूरो गैरयहूदी परमेस्वर को जवर ना आय जाय।

रोमियो 16:25

वोना अमर परमेस्वर को स्तुति हो, जोन तुमी लोकगीन ला मोरो साजरा बारता अना यीसु मसीह को बारता को लक मजबूत राखन मा ताकतवर सेत। यो साजरो बारता वोना राज को सुरुवात से, जोन जुग-जुग लक लुको सेत।

1 कुरिन्थियो 13:2

अदी मोरो जवर पेरीत जसो उपदेस देवन को वरदान सेत। मोला सबा परकार को गियान हो सका सेत, अना सबा राज की गोस्टी समजनो असान सेत। पहाड़ ला हटान को बिस्वास सेत। पर पिरेम नाहती तो काही नाहती।

1 कुरिन्थियो 4:1

तुम्हि लोक अमिला एक मसीह को सेवक को रूपमा समजनो पाहिजे। परमेस्वर ना अमिला आपरो लुकयो हुया सच्चाई ला सांगन वालो बनायो गयो सेत।

2 कुरिन्थियो 11:6

अदी मी बोलनो मा अनाड़ी सेव, तबच अक्ल मा नही, हमी न एको हर एक गोस्टी मा सबच पिरकार लक तुमरो लाई परगट करीसेजन।

इफिसियो 1:9

जसो की मसीह को कन लक उ हमला दिसानो चाव्हत होतो।

इफिसियो 3:3

का उ यो भेदभरी योजना दरसन को कन लक मोला दिसायी गयी होती, जसो की मि तुमला सार रुप मा लिख चुकी सेउ।

इफिसियो 3:9

अखीन मि सबच मानूसगिन पर उ भेद खोलन की कोसिस करुँह, जोन जुग-जुग लक सप्पा संसार को बनावनवालो परमेस्वर मा छुपयो रही से।

इफिसियो 5:32

यो छुपयो गोस्टी लगत काम की से, पर मि यो गोस्टी मसीह अना कलीसिया को बारे मा कव्ह रही सेव।

इफिसियो 6:19

अना मोरो लाई भी पिराथना करने की बोलतो बेरा मोला असो ताकत को गोस्टी दियो जाय की मि हिम्मत लक साजरो बारता को छुपयो गोस्टी ला दिखाय सकुह।

कुलुस्सियो 1:26

जूनो जमाना लक वा लुकयो गोस्टी सेत, जोन वोना सबा मानुसगिन लक सबा लोकगीन लक छिपायो गयो होती, सेत। पर अब आपरो पवीतर लोकगीन ला पता चलयो सेत।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

कुलुस्सियो 4:3

अना एको सँगा आमरो लाई पिराथना करोह की परमेस्वर आमरो लाई गोस्टी आयकावान को असी बेसकुड़ खोल दे, की आमी मसीह को ओना भेद को बखान कर सकबिन जेनको कारन मि बँदी सेव

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

1 तीमुथियुस 3:9

पर बिस्वास को भेद ला सुध्द अक्कल लक राखे।