इफिसियो 3:16 - सत मारग पर चलन वारो किताब

¹⁶ मि पिराथना करुसेउ की उ आपरी महिमा को आपरो धन लक आपरी आतमा को कनलक तुमरो भीतरी मानुसपन ला ताकत रुप लक सक्ती देहे।

इफिसियो 3:16 ပူးပေါင်းရင်းမြစ်များ

मत्ती 6:13

अना हमला परिक्सा मा नोको डाख, पर बुराई लक बचाव, काहेकि राज् अना मोठयो ताकत अना महिमा हमेसा तोरो रहेत।

रोमियो 2:29

तरी असली यहूदी वा मानूस सेत। जोनको दिल को खतना सेत। अना यो परमेस्वर को आतमा को काम सेत, कोनी लिख्यो कानून को नाहोती। असो मानूस को परमेस्वर बड़ाई करा सेत कोनी मानूस नही।

रोमियो 7:22

मी यो भीतर को परमेस्वर को नियम लक खुस सेऊ।

रोमियो 9:23

जोन लक उ उन लोक गिन को फयदा को लाय, जोनला दया को लाय बनायो होतो, अना जोनला वा आपरो महिमा करन लाय बनायो होतो। उनमा आपरो महिमा चोवा सके।

1 कुरिन्थियो 16:13

तुम लोक जगत रव्हो, भरोसा मा पक्को रव्हो, अना हिम्मत राखो, अना ताकत लक भरो रव्हो।

2 कुरिन्थियो 12:9

पर वोना मोरो लक सँगीस, “मोरो किरपा तोरो लाय गजब सेत, काहेका मोरो ताकत कमजोरी मा च चोवासेत यो काजी मी खुसी-खुसी लक आपरो कमजोरी पर गरब करबिन का मसीह को ताकत मरो पर सवली करत रव्हे।”

2 कुरिन्थियो 4:16

एकोलाय आमी कबच निरास नही हुया, भलो ही आमरो नासवान सरीर धीरे-धीरे नास होवासे, मंग भी आमरो आतमिक देह दिवस को मंघा नयो रुप कियो जाहे।

इफिसियो 1:18

मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 2:7

ताकि उ आवन वालो हर युग मा आपरो दया को साजरो धनला दिसाये जेनला ओना मसीह यीसु मा आपरी दया को रुप मा आमी पर चिन्हित करीसेत।

इफिसियो 3:15

ओकोच लक सरगमा अना धरती पर, हर एक घराना को नाव राखियो जावसे,

इफिसियो 3:8

अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

इफिसियो 6:10

मतलब यो से का पिरभु मा रव्ह के ओकी लगत च ताकत को संग आपरो आपला ताकतवर बनावो।

फिलिप्पियो 4:13

जो मोला ताकत देवासे ओको लक मि सबच काही कर सकासेउ।

फिलिप्पियो 4:19

मोरो परमेस्वर भी आपरो ओना धन लक जो महिमा सकट मसीह यीसु मा से तुमरो हरेक जरुरत ला पूरी करेत।

कुलुस्सियो 1:11

ओको बड़ाई को ताकत को जसो सबच परकार की ताकत लक ताकतवर होत जावने, यहान तकन की खुसहाली को सँग हर परकार लक धीरज अना सहनसीलता दिसाय सकोह,

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

2 तीमुथियुस 4:17

पर पिरभू मोरो सहायक रहयो अना मोला ताकत देईस ताकी मोरो कन पूरो-पूरो परचार होहे अना सब परजात आयक लेहेत मी सेर को टोन्ड लक सुड़ायो गयो सेउ।

इब्रानियो 11:34

स्तो को धगाड़ी ला सान्त करीन, तरवार को धार लक बच गइन, कमजोरी ला ताकत बनाइन, लडाई मा बीर बनिन, अना परदेसी सेना ला मारके भगाइन।

1 पतरस 3:4

पर तुमरो सिंगार तो तुमरो मन को भीतर मा बस्यो मानूस की सिंगार होवनो पाहिजे। नरम अना सांत मन वालो, अविनासी सही जेवर गीन लक कियो सिंगार परमेस्वर की नजर मा लगत किमती से।