इफिसियो 2:8 - सत मारग पर चलन वारो किताब

⁸ परमेस्वर को दया कन लक आपरो भरोसा को काजी तुमरो सूटकारा भयीसे। योयो तुमला तुमरी कन लक नही मिलीसे, पर यो ता परमेस्वर को दियो हुयो दान से।

इफिसियो 2:8 ပူးပေါင်းရင်းမြစ်များ

मत्ती 16:17

यीसु न वोला जवाब देईस, हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस।

मत्ती 20:9

असो परकार जोन नौकर बनिहार पील-पील दिवस मा काम मा लगयो होतिन, उनमा लक हरेक ला खुरो को एक रुपया मिलयो।

मरकुस 16:16

जो लोकगीन भरोसा करेहत अना बप्तिस्मा डुबकी लेहेत, ओको च सूटकारा होव्हे, पर जो भरोसा नही करेहत, वोको पर दन्ड को हुकूम ठहरेत।

लूका 7:50

तबा यीसु न वा बायको लक कहीस, तोला तोरो बिस्वास साजरो मोक्स देइसेस, तु सान्ती लक घर जाय।

योहन 3:36

जो टूरा पर भरोसा करासे, उ अमर जीवन पाहे। पर जो टूरा ला नही मानासे, उ जीवन ला नही चोय सके। पर परमेस्वर को गुस्सा वोको पर रव्होसे।

योहन 4:10

यीसु ना सांगीस, का तु परमेस्वर को बरदान ला चिन्हतीस, ता यो भी चिन्हतीस की उ कोन से, जो तोरो लक कव्होसे, का मोला पानी पियाव, तो तु मोरो लक मांगतीस। अना मि तोला जिंदगी को पानी देवतो।

योहन 5:24

मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।”

योहन 6:35

यीसु ना उनला कहीस, “जिंदगी की भाकर मि सेव, जो मोर कगर आवासे, ओला कभ्भु भुख नही लगेत, अना जोन मोरो पर भरोसा ठेवासे, ओला कभ्भु तहान नही लगेत।”

योहन 6:37

जोन कोनी ला परमेस्वर दाअजी मोरो कठा धाड़ासे, उ मोरो कठा आहेत। अना जो कोनी मोरो कठा आहेति ओला मि कभ्भुच नही हेड़ु।

योहन 6:40

काहेकी परमेस्वर की मरजी यो से की जोन कोनी मोला चोहे, अना मोरो पर भरोसा ठेये उ अमर जिंदगी पाहेत।

योहन 6:44

कोनी मोर कठा नही आय सका, जब तकन दाअजी परमेस्वर जोन मोला धाड़िसेस, ओला नोको झीक लेय।

योहन 6:65

अना ओना कहीस, एको लाई मिना तुमी लक कव्हयो होतो का जबा तकन कोनी को दाअजी को कन लक यो वरदान न देयो जाहेत तबा तकन उ मोरो कठा नही आय सका।

पेरीत 13:39

अना येकोच लक हरेक जोन बिस्वासी सेत। उ पापगिन लक सूटकारा पा सकासेत। जोन लक तुमीला मोसे को नियम नही दिला सकासेत।

पेरीत 14:27

उता पहुचके ना उनना कलीसिया, को सभा हाकलिन। अना सबला सागिन, का परमेस्वर ना उनको लक काजक-काजक करीस, अना कसो गैर यहुदी लोकगीन को लाय, भरोसा को बेसकुड़ उघाड़िसेस।

पेरीत 15:11

पर आमरो ता यो बिस्वास सेत। का पिरभू यीसु को दया लक आमरो बचाव भई सेत, वसोच उनको भी भई सेत।

पेरीत 16:14

वहाच लीदिया नाव को बाई होती। वा किमती बैंजनी कपरा को धंधा करत होती। अना परमेस्वर की पिराथना करत होती। वा आमरी गोस्टी आयकत होती। पिरभू ना ओको मन को बेसकुड़ खोलिस। जोनलक वा पौलुस की गोस्टी धियान देयके आयके।

पेरीत 16:31

उनना कहीन “पिरभू यीसु मसीह पर भरोसा कर त तोरो खानदान सूटकारा पाहे।”

रोमियो 10:14

पर जोन पर उनना भरोसा नही करीसेस वय वोका कसो नाव लेहेत? अना जोन को बारेमा नही आयकिसेस, वोको पर कसो भरोसा ठेहेत? अना मुनादी करन वारा को बिना वय कोन लक आयकेत?

रोमियो 10:17

एकोलाय भरोसा आयकन लक, अना आयकनो मसीह को बचन लक होवासेत।

रोमियो 4:16

अना एकोलाय यो वादा बिस्वास को अधार मा होतो। जोनलक वादा ला सबा अबराहम को खानदान लाय, पक्को परमेस्वर को कन लक भेट दियो जाय। नाच केवल कानून ला मानन वाला लोकगिन लाय, बल्कि उन लोक गिनको लाय भी जोन अबराहम ला माना सेत। काहेका अबराहम सबा बिस्वासी गिनको दआजी आय।

रोमियो 4:5

तर यदि कोनी मानूस काम करन को बजाय वोना परमेस्वर मा बिस्वास करा सेत, जोन पापी ला भी सोड़ देवा सेत। ता वोको बिस्वास च वोको नेक होवन को कारन बन जावा सेत।

रोमियो 9:16

एकोलाय यो मानूस को इक्सा या वोको मेहनत पर नही, पर दया करनवारा परमेस्वर को इक्सा पर सेत।

गलातियो 3:14

यो एकोसाठी भयो की अबराहम को आसिरवाद यीसु मसीह मा परजात तकन पहुचे अना आमी भरोसा को कन लक ओना आतमा ला पावबिन, जोको परन कियो गयी से।

गलातियो 3:22

पर पवितर गिरंथ ना सबच काही पाप को ताकत को कब्जा मा बँदी बनाय देइसेस, जोन लक यीसु मसीह मा कन लक भरोसा करनवारा भरोसा को साठी परन पूरो कियो जाय।

इफिसियो 1:19

आमी बिस्वासी गीन लाई ओकी ताकत बिन तुलना रुप लक केतरी महान से। यो ताकत आपरी महान ताकत को ओनो काम को जसो से,

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

इफिसियो 2:5

ओनो बेरा जबकि आमी आपरो पापहुन को काजी आमी आत्मिक रुप लक अबा मरया हुया होता ओना आमीला मसीह को संग-संग ओना हमला भी जिंदगी देईसेस, परमेस्वर को किरपा लक तुमरो सूटकारा भयीसे।

फिलिप्पियो 1:29

काहेका मसीह काजी तुमी पर यो दया भयी का नाच ओको पर भरोसा करो पर ओको लाई दुख भी उचलो।

कुलुस्सियो 2:12

अना ओकोच संगा बपतिस्मा मा गाड़यो गया अना ओमाच मोठो परमेस्वर को ताकत पर भरोसा करके, जेने ओला मरयो हुया मा लक जित्तो उचलीस ओको संगा जित्तो उचलेह।

2 थिस्सलुनीकियो 1:9

वय पिरभु को पुढ़ा लक महिमा अना ओको ताकत लक दुर भय जाहेत अना अमर नास को सजा पाहेति।

इब्रानियो 6:4

जोनला एक बार उजाड़ भेटयो सेत, जोन सरग को बरदान चीख लियो सेत। जोन पवितर आतमा को हिस्सादार बन गयोसेत।

1 पतरस 1:5

तुमरो बिस्वास को लाई, परमेस्वर की ताकत, तु मरो वोना सूटकारा को लाय सुरक्सित राखासेत। जोन अबा लक सेत, अना आखीर मा परगट होवन वालोसेत।