इफिसियो 2:2 - सत मारग पर चलन वारो किताब

² जोन मा तुमी पयले ऐना संसार की बुरी रिती पर चलत हुयो अना ओनो आतमा को पिछा करत हुयो जीवत होता जो ऐना धरती को वरता की आत्मिक सक्तिहुन को मालिक सेत। वा आतमा अब उन मानुसहुन मा काम कर रही सेजोन परमेस्वर की हुकूम नही मानासेत।

इफिसियो 2:2 ပူးပေါင်းရင်းမြစ်များ

मत्ती 11:19

“मंग मानूस को टूरा आयो, जोन सबको जसो जेवन करा सेत, तरी वय लोक कव्हासेत। चोवो! यो अघोरी गजब खावन-पीवन वारा मानूस, अना बरगन लेवन वारा, अना पापी गीन को संगी सेत।” तरी काम लक अक्ल सहीमा कसो सेत पता चलासेत।

मत्ती 13:22

कांटादार झाड़ी को बीच गिरो बीज उन लोक गिनको लाय सेत। जोन साजरा बारता आयक सेत। मंग यो जिंदगी को चिंता अना धन को पिरेम साजरा बारता मा आड़ो आवासेत अना वय फलवन्त नही होवासेत।

मत्ती 13:38

अना खेत सारो जग सेति साजरो बीज राज को सँतान सेत। अना जँगली गवथ को बीज सैतान बुराई को सन्तान सेत।

मरकुस 4:19

अना संसार को चिन्ता अना धन को लोभ अना अखीन चीज गीन को बुरो लोभ उनमा समायके उन ला दबाय देसेत। अना उ बेफर भई जावसे।

लूका 16:8

मालीक ना वो अन्यायी मूनीम को बडाई करीस, काहेका उ चलाकी लक काम करीस, यो जुग मा भी असोच लोग परमेस्वर को लोकगीन लक लगत चतुर सेत।

लूका 22:31

पतरस ओ समौन चोव सैतान ना तुम्ही लोग गीनला मांग लियो से का गँहु जसो तुम्ही ला फटके।

योहन 12:31

अब यो संसार को न्याय होवा से, अब यो संसार को मुखिया हेड़ दियो जाहे।

योहन 13:2

अना जबा सैतान समोन को टूरा यहूदा इस्करियोति को मन मा यो गोस्टी डाक चुकयो होतो, का ओला धरवाए।

योहन 13:27

टुकड़ा लेवन को मंघा सैतान ओमा समाय गयो। तबा यीसु ना कहीस, जोन काम तु करन चाव्हासेस वा गदने कर।

योहन 14:30

मि अबा तुमरो सँग अखीन गोस्टी नही करू। काहे का यो जगत को अधिकारी आवासे, मोरो पर ओको काही हक नही।

योहन 15:19

अदी तुमी जगत का होतत, तो जगत तुमरो लक माया राखतो, पर एको काजी की तुमी जगत को नही सेव, काहेका मि ला जगत मा लक निवाड़ी सेव। एकोलाय जगत तुमी लक बइर राखासे।

योहन 16:11

न्याय को बारे मा एकोलाय का जगत को मुखिया दोसी ठयरायो गई से।

योहन 7:7

यो दुनिया तुमरो लक बैर नही करासे, पर मोरो लक बैर करासे, काहेका मी उनको बिरोध मा यो गवाही देवासू का उनको काम बुरो सेति।

योहन 8:23

ओना उन ला कहीस तुमी धरती का सेव, मि वरता लक आयी सेऊ। अना तुमी दुनियाँ का आव, मि दुनिया को नही आऊ।

योहन 8:44

तुमी आपरो अजी सैतान कन लक सेव, अना आपरो अजी को लालसा ला पूरी करनो चाव्हासेव। उ ता सुरू लक खूनी से, खराई लाय सच्चो नही रव्हे। काहे की सच ओमा नहाती, जबा उ झुठो सांगासे ता आपरो आचरन च लक सांगासे, काहे की उ झुठो से, अना झुठो को अजी से।

पेरीत 19:35

तबा नगर को दिवान न जमघट ला उगो-मुगो करके कहीस “अरे इफिसिलोक गीन असो कोनतो मानूस से जोन नही जानासे का इफिसुस को यो नगर मोठी देवी अरतिमिस को मंदिर अना बादल लक पडी हुई पवितर गोटा को रखवालो से?”

पेरीत 5:3

ऐको पर पतरस न कहीस, अरे हनन्याह; सैतान ला तुना आपरो मनमा यो गोस्टी कायलाई डाखन दियो? का तुना पवितर आतमा लक खोटो सांगे, अना बोकी जमीन को रकम लक काही बचाय के राख लियो।

रोमियो 12:2

तुम्हि आपरो आप ला दुनिया को माफीक नोको बनाओ लेकिन परमेस्वर ला अपरो मन ला बदलन को पूरो मौका देव। तबा तुमला परमेस्वर को इक्सा को बारेमा पता चल जाहेत। जोन साजरा सेत अना वोला साजरो लगासेत। अना सिध्द भी सेत।

1 कुरिन्थियो 5:10

यो जरुरी नाहती, का तुमी, यो दुनिया को छिनरा, लालची, लुटेरा, अना मुरत पुजा करनवारा, लोकगीन को संगति नोको राखो। तब ता तुम्हिला दुनिया लक हीट जानो पड़येत।

1 कुरिन्थियो 6:11

अना तुमी मा लक काही, असोच होतिन। पर अबा तुमी पिरभू यीसु मसीह को नाव लक, अना आमरो परमेस्वर को आतमा लक, धोयो गयो, पवीतर करियात अना नेक बन गयो सेत।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

गलातियो 1:4

मसीह ना आमरो पापगीन को साठी आपरो ला बलिदान करदेइस। जेनको लक की उ आमरो बाबूजी परमेस्वर की मरजी को लक एना बेरा को पापी जुग लक आमरो सूटकारा करेत।

इफिसियो 1:21

परमेस्वर ना उनला हरेक अधिकार पन, हक, ताकत, पिरभुपन अना नामी पद लक लगत वरता जघा देवासे चाव्ह यो ऐना जमाना का होय अना आवन वार जमाना को,

इफिसियो 2:11

एकोलाई तुमी हेत राखो वय लोक जोन आपरो तन मा मानूस को हात लक कियो हुयो खतना को काजी आपरो आपला “खतना करयो वालो” सांगासेत, विधरमी को रुप मा जन्मो तुमी लोकहुन ला “खतना को बिना” कव्हत होतीन।

इफिसियो 2:13

पर तुम जोन पयले परमेस्वर मा दुहुर रव्हत होता अना अबा मसीह यीसु को बलिदान को कन लक तुमी जवर आई गया सेव।

इफिसियो 2:3

उनमा आमी भी पयले आपरो देह की मोह मा दिवस बितात होता, देह अना मन को मरजी ला पूरो करत होता, अना अखीन संसार को दुसरो लोकगीन को जसो बरताव लक परमेस्वर को गुस्सा की लेकरा होता।

इफिसियो 4:17

एकोलाय मि यो कव्हसू अना पिरभु मा चिताव सेव की जसो खोटो काम करनवालो आपरो मन को बेकार बिचार पर जीवन करत होतीन, तुमी वसो नोको जीवन करने,

इफिसियो 4:22

यहान तक तुमरो जुनो जिंदगी को तरीका को सम्बन्ध से तुमला सिक्सा दियो गयो होती का तुमी आपरो जुनो मानुसपन ला उतार फेकने जोन ओको भटकावन वारो मरजी हुन को लाई खराब बनयो हुयोसे।

इफिसियो 5:6

तुमला कोनी कोरी गोस्टी लक नोको ठगेह, कायसेकि एनेच गोस्टी को कारन लक हुकूम ला नही मानन वालो पर परमेस्वर को गुस्सा कोप भई जासे।

इफिसियो 5:8

यो मि एकोलाई कव्ह रही सेउ का एक बेरा होतो जबा तुमी अँधार लक भरयो होतो पर अबा तुमी पिरभु को मंगा चलन वारा को रुप मा उजाड़ो लक भरपुरो होय। एकोलाई उजाड़ो को टूरा को जसो सुभाव करने।

इफिसियो 6:12

काहेकि आमरो लड़ाई ता तन को लक नहाय, बल्कि सब लक मोठो मुखिया, अधिकारी अँधियारो को संसारिक ताकत अना दुस्टता राखन वालो आतमिक सेना लक से, जोन बादल मा रव्हसेत।

कुलुस्सियो 1:21

एक बार जबा तुमी परमेस्वर लक लगत दूहुर होतो। अना तुम मन लक बैरी होतो, जोन आपरो कियो गयो खोटो काम अना बिचार को कारन लक होतो।

2 तीमुथियुस 4:10

काहेकि देमास न एना संसार लक जादा माया करके मोला छोड़ देईसेत अखीन थिस्सलुनीके ला चली गयो क्रेसक्रेंस गलातिया ला अना तीतुस दलमतिया ला चली गयो।

याकूब 1:27

आमरो परमेस्वर अना अजी को नजर मा बिलकुल सफा अना निरदोस भगती यो से; मुसीबत मा पड़यो अनाथगिन अना बेवागिन को सुधि लेवनो, अना खुदच ला कोनी संसारिक बुराई लक बेदाग राखनो।

याकूब 1:7

मानूस असो नोको समझा का मोला पिरभू लक काही नही मिलेत।

याकूब 4:4

अरे पापी छिनालापन करन वालो मी तुमला नही जानासेउ का संसार लक मिताई जोड़न वारा परमेस्वर को सतरु बननोसे? अना जोन कोनी संसार को संगी होवनो चाव्हसे उ अपरो आप ला परमेस्वर को बैरी बनावासे।

1 पतरस 1:14

हुकूम मानन वालो टूरा गीन को जसो, अपरी वोना बेरा की जुनो मनसा को अनुसार आपरो आपला नोको बनाओ।

1 पतरस 4:3

काहेका गैरबिस्वासी लोकांगिन, को इक्सा अनुसार काम करन्यात अना मोह, दारुखोरी, नसा, छिनालापन, अना घिरना लायक मूर्तिपूजा, वाईट इक्सा को बिचमा लगत बेरा गवायो, यो लगत भयो।

2 पतरस 2:14

उनको डोरा छिनालापन लक भरयो सेत। अना उनला कधीच नही मिटनवारा पाप करन लाय को भूक आहेत। वय कमजोर आतमा ला मोहित करतत। उनको मन ला लोभ को सिक्सा मिल्यो सेत। वय सराप को सन्तान सेत।

1 योहन 3:10

ऐकोच लक परमेस्वर को औलाद अना सैतान को औलाद जानो जासेती; जोन कोनी धरम को काम नही करासे उ परमेस्वर लक नही, अखिन उ जोन आपरो भाऊ लक माया नही राखा।

1 योहन 3:8

जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।

1 योहन 4:4

ओ लेकराहून तुमी परमेस्वर का सेव तुमी ना उन पर जीत पायासेव काहेका जोन तुमी मा से उ ओकोलक जोन संसार मा से, मोठो से।

1 योहन 5:19

आमी जानासेजन का आमी परमेस्वर लक सेजन, अना सप्पा जग ओना दुस्ट को कब्जा मा से।

1 योहन 5:4

काहेका जोन कोनि परमेस्वर को टूरा बन जासे, उ जग पर जीत पावसे। अना जग को वरता आमला जोको लक जीत मिलासे, उ आमरो भरोसा से।

परकासित वाक्य 12:9

तबा ओनो पंखा वालो सरप ला-ओना जुनो सरप ला, जोन सैतान कहलावासे अना जोन जगत को सबच रव्हनवारा गीन ला भरमाव से। वोला वोको संगी गिगन को संग धरती पर फेंक दियो गयो।

परकासित वाक्य 13:14

येना अदभूत काम दिसावन को ताकत ओनो जनावर पुढ़ा भेटयो होतो। अना धरती को रव्हन वालो गिनलक दगाबाजी करत होतो। अना उनला कव्हत होतो। की ओनो जनावर को मुरत बनाव, जेनको पर तलवार को निसान सेत अना वा दुबारा जित्तो होय गयो से।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।

परकासित वाक्य 16:17

सातवो सरगदूत ना आपरो बटका वारा पर उबड़ायो, अना मंदिर को सिघासन लक एक उचो आवाज आयकु आयो, “पूरो भय गयो!”

परकासित वाक्य 20:2

सरगदूत ना ओना पंखा वालो जुनो सरप ला जोन सैतान भी कहलावा सेत, एक हजार बरस को लाई बाँध दियो।