इफिसियो 2:16 - सत मारग पर चलन वारो किताब

¹⁶ अना कूरूस मा गुस्सा ला निपटाय करके दुही ला एक देह बनायके परमेस्वर लक मेल कराइसेस।

इफिसियो 2:16 ပူးပေါင်းရင်းမြစ်များ

रोमियो 5:10

आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति।

रोमियो 6:6

अमी यो जाना सेजन का, आमरो मा जोन जूनो मानूस होतो, उ यीसु को संगच मा सूली मा चघा दियो होतो जोनलक आमरो पाप वालो देह नास भयी जाय। अना अमी पाप को गुलामि लक सोड़ाया गयो मनूससेजन।

रोमियो 8:3

यो काम ला कानून नहीं कर सकयो, तबा परमेस्वर ना आपरो स्वता को टूरा लक यो काम करायो। जसो कमजोर देह लक अमी पाप करा सेजन, वसोच देह मा परमेस्वर ना आपरो टूरा ला धाड़ीस। जोन लक पाप ला निरस्त कर देवे।

रोमियो 8:7

काहेका तन मा मन लगावनो तो, परमेस्वर लक बैर करनो सेत। काहेका असो ता ना तो परमेस्वर को नियम को लक सेत, अना ना होय सका सेत।

1 कुरिन्थियो 10:17

एकोलाय एकच भाकर सेत अना आमी भी लगत मानूस सेत। एकच देह से, काहेका आमी सबा वोच भाकर को हिस्सादार सेजन।

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

इफिसियो 2:15

अना आपरो देह मा गुस्सा मजे, मोसे को नियम ला जोन हुकूम नियम गिरंथको सहारा पर होतीन, मिटाय देइसेस, की दुही ला आपरो मा एक नवो मानूस बनायके मेल कराय देइसेस।

इफिसियो 3:6

यो भेद से का यहुदीहुन को संगा गैरयहुदी भी संग वारिस सेत, एकच देह को आंग सेत अना मसीह यीसु मा जोन बचन आमला दियो गयी से, ओमा संग हिस्सादार सेत।

इफिसियो 4:4

एकच बदन अना एकच आतमा से: असोच तुमला भी जबा हाकलया गयत ता एकच आसा मा भागीदार होवन को लाई हाकलयो गयो।

कुलुस्सियो 2:14

अना नेम को उ लिखयो पन्ना जोन आपरो नाव पर अना आमरो विरोध मा होतो मिटाय डाकीस, अना ओला कूरूस पर खिल्ला लक ठोकवाय करके पुढ़ा लक हटाय देईस।

कुलुस्सियो 3:15

मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो।