इफिसियो 2:14 - सत मारग पर चलन वारो किताब

¹⁴ यहुदी अना गैरयहुदी बीच मा एक दुसरो लक नफरत करत होतीन अना बेगरो भय गयी होतीन। बेस असो जसो उन को बीच कोनी भीत उभी होय गयी होय। लेकिन मसीह ना खुदच आपरी तन को बलिदान देय के नफरत की ओनो भीत ला गिराय देईस अना मेल कर दियो।

इफिसियो 2:14 ပူးပေါင်းရင်းမြစ်များ

लूका 1:79

जेनको लाय उ इन्धीयारो अखीन, मरन को सावली मा, जो लोग बस्यो से, वोला उजाडो देवजो! अखीन हामरो पाय ला सान्ती को रास्ता मा ले जाहेत।

लूका 2:14

सरग मा परमेस्वर की बड़ाई अना धरती मा उन मानूस लक जिन लक खुस से, अखीन सान्ती होय।

योहन 10:16

मोरो अखीन मेढा सेत, जोन यो मेंढ़ा खोली को नाहती, मोला उनला आननो जरुरीसेत। वय मोरो आवाज आयकेत, तबा एक करप अना एक चरानवालो होयेत।

योहन 11:52

अना ना केवल उन लोक को लाय पर एकोलाय की परमेस्वर की गुमयो हुयो सँतान एकठ्ठो भयी जाहे।

योहन 16:33

मि ना यो गोस्टी तुमला एकोलाय सांगीसेऊ की तुमला मोरो सान्ती मिल्हे, जगत मा तुम्हिला दुख होवासे, पर हिम्मत राखो! मि ना जगत ला जीत लियोसेऊ।

पेरीत 10:28

वोना कहीस, तुमी जानासेव का गैरयहुदी की संगति करनो अना उनको घरमा जावनो एक यहुदी लाय मनायी सेत। पर परमेस्वर न मोला कहिसेस, का कोनी मानूस को अपवितर या असुध्द नही कव्हनो चहिये।

पेरीत 10:36

यीसु मसीहा को लक धाड़यो गयो सान्ती को खबर ला तुम्ही जानासेव। जोन साजरा बारता को मुनादी करतो हुया इजराइल को लोक गिनला आयकवायो होतो का उ सबको परमेस्वर सेत।

रोमियो 5:1

अब आमी बिस्वास को लक परमेस्वर को नजरमा नेक मानूस सेजन, ता अमी आमरो पिरभु यीसु मसीह लक परमेस्वर संग मिलाप कर लेयबीन।

गलातियो 3:28

अब न कोनी यहूदिगीन सेत अना न कोनी यूनानी, न कोनी दास से अना न कोनी अजाद, न कोनी मरदमाना से, न कोनी आई-माई। तुमी सप्पा यीसु मसीह मा एक भई गया सेव।

इफिसियो 2:15

अना आपरो देह मा गुस्सा मजे, मोसे को नियम ला जोन हुकूम नियम गिरंथको सहारा पर होतीन, मिटाय देइसेस, की दुही ला आपरो मा एक नवो मानूस बनायके मेल कराय देइसेस।

इफिसियो 2:17

ओना आयके तुमला जो दुहुर होता अना उनला भी जोन जवर होतीन; मेल मिलाप को साजरो बारता ला आयकवाइसेस।

इफिसियो 3:15

ओकोच लक सरगमा अना धरती पर, हर एक घराना को नाव राखियो जावसे,

इफिसियो 4:16

जोको लक सप्पा बदन, सप्पा जोड़ मा एक सँगा बँधके अना संची होयके, सप्पा बदन को बेस तरीका लक ओमा होवासे, आपरो आप ला बढ़ावसे, अना माया मा तरक्की होवासे।

कुलुस्सियो 1:20

टूरा लक, परमेस्वर ना पूरो बिरह्मांड ला आपरो आप लवटान को फैसला करीसेस। परमेस्वर ना आपरो टूरा को रकत लक कूरूस मा मेल मिलाप बनाय अखीन यो काजी सरग मा अना धरती मा, सबा चीजगिन ला लवटा के आनेत।

कुलुस्सियो 2:20

जबकि तुमी मसीह को सँगा संसार को जूनो सिक्सा लक मर गया सेव, ता मंग कायलाई उनका जसो जोन संसार का सेत जिंदगी बितावासो? तुमी असी उसुल गीन को वस मा काहे रव्हसो।

कुलुस्सियो 3:11

ओमा ना ता परजात न काही यहूदी से न खतना ना काही खतनावालो, न जंगली, न कारो पानी मा रव्हनवारा न दास अना न छुट्टो: केवल मसीह सब कुछ अना सब मा से।

कुलुस्सियो 3:15

मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो।

इब्रानियो 13:20

जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस।

इब्रानियो 7:2

अबराहम ना सब चीज को दसवा अंस दियो। मलकीसेदेक को मजे धरमी राजा। उ सालेम को भी राजा से। मन्जे सान्ती को राजा।