इफिसियो 1:7 - सत मारग पर चलन वारो किताब

⁷ ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 1:7 ပူးပေါင်းရင်းမြစ်များ

मत्ती 20:28

मी एको लाई नही आईसेव, का मोरो कोनी सेवा करे। पर मानूस को टूरा एकोलाय आईसेस क उ खुदच सेवा चाकरी करे। अना लगत लोकगीन को सूटकारा लाई आपरी जान देदेहेत।”

मत्ती 26:28

“यो मोरो रक्त से, जोन परमेस्वर को करार ला स्थापित करासेत। अना मोरो रक्त लगत लोकगिन को पापहुन को छिमा को लाय बोहायो गयो सेत।”

मत्ती 6:12

अना जसो हमिना अपरा बूरो करन वारा ला छिमा करीसेजन, वसोच तु भी हमरो बुराई ला छिमा कर।

मरकुस 14:24

अना यीसु उनलक कहीस, “यो मोरो खून से, जोन लगतगीन को लाई बहायो गयो से, जोन परमेस्वर की करार से।

लूका 1:77

अखीन वोको लोकगीन ला, उनको पाप छिमा को कन लक, मुकती को गियान देवजोस।

लूका 24:47

अना येरुसलेम लक सुरू करके सबच लोक गीनमा वोको नाव लक पाप की छिमा लाई मनफिरावन अना पस्तावा को परचार करयो।

योहन 20:23

जिनको पाप तुमी छिमा करो वो उनको लाई छिमा कियो जाहे। जिनला तुमी राखसेव वय राखो गईसेत।”

पेरीत 10:43

सबच भविस्यवक्ता गीन वोको गवाही देई सेत, का वोको पर भरोसा करन वारा हरेक मानूस, वोको नाव लक पाप की छिमा पावा सेत।

पेरीत 2:38

पतरस न उनला कहीस, मन मुरकाओ, अना आपरो पापगिन की छिमा पावन लाई तुम मा लक हरेक ला यीसु मसीह को नाव लक बप्तिस्मा लेवनो पड़हेत। अना तुमला परमेस्वर को उपहार पवितर आतमा मिलहेत।

पेरीत 20:28

एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।

पेरीत 3:19

एकोलाय परमेस्वर को कन लौट जाव जोन लक उ तुमरो पाप हुन ला छिमा करेत।

रोमियो 2:4

मंग तू वोको मोठो दया अना धिरज लक सहन करनो ला हीन मानतत। अना तु यो गोस्टी को कन धियान नही देवा सेत। का वोको दया तोला पाप सोड़न को लाय मौका देवा सेत।

रोमियो 3:24

पर परमेस्वर को किरपा लक फुकट मा दियो, भेट सबला पिरभू यीसु कन लक सूटकारा देयके सहीमा धरमी बनयो गयो सेत।

रोमियो 3:25

परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता।

रोमियो 9:23

जोन लक उ उन लोक गिन को फयदा को लाय, जोनला दया को लाय बनायो होतो, अना जोनला वा आपरो महिमा करन लाय बनायो होतो। उनमा आपरो महिमा चोवा सके।

1 कुरिन्थियो 1:30

पर वोच परमेस्वर को कन लक तुमी यीसु मसीह मा सेव, जोन परमेस्वर को कन लक आमरो लाय गियान ठैरी सेत। नेकी अखीन पवीतर, अना मुकती।

2 कुरिन्थियो 8:9

तुम आमरो पिरभु यीसु मसीह को किरपा जानासेव। का उ धनी होतो पर तुमरो काजी उ कंगाल भई गयो, जोन लक वोको कगांल होवन को कारन तुमी धनी भई जावो।

इफिसियो 1:14

उ आतमा आमरो वारिसपन को छुड़ोती को रुप मा ओनो बेरा तक को लाई हमला देयि गयी से, जब तक का उ हमला जो ओको आपरो सेत, सप्पा परकार लक सूटकारा नही दे देहे। ऐको काजी लोक ओकी महिमा को बड़ाई करेहेत।

इफिसियो 1:18

मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से।

इफिसियो 1:6

ओना असो एकोलाई करीस की उ आपरी महिमा वालो किरपा को काजी खुदच ला खुस करे। ओना आमीला जोन ओको चहेतो लेकरा मा से, छुट्टो भाव लक देयीसेस।

इफिसियो 1:8

ओना आमीला आपरी मरजी को भेद ला सांगीसेस।

इफिसियो 2:4

पर परमेस्वर जोन दया को धनी से, आपरो ओना मोठो माया को कारन जेना ओना आमी लक माया राखिसेस।

इफिसियो 2:7

ताकि उ आवन वालो हर युग मा आपरो दया को साजरो धनला दिसाये जेनला ओना मसीह यीसु मा आपरी दया को रुप मा आमी पर चिन्हित करीसेत।

इफिसियो 3:16

मि पिराथना करुसेउ की उ आपरी महिमा को आपरो धन लक आपरी आतमा को कनलक तुमरो भीतरी मानुसपन ला ताकत रुप लक सक्ती देहे।

इफिसियो 3:8

अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

फिलिप्पियो 4:19

मोरो परमेस्वर भी आपरो ओना धन लक जो महिमा सकट मसीह यीसु मा से तुमरो हरेक जरुरत ला पूरी करेत।

कुलुस्सियो 1:14

जोन लक आमी ला सूटकारा मिलिसेत। मजे, हमारो पाप छिमा भई सेत।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 2:13

ओना तुमला, जोन आपरो दोस अना आँग को खतना बिना दसा मा मुरदा होतीन, ओको संगा जिलाइस अना आमरो सब दोस ला छिमा करहे।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

1 तीमुथियुस 2:6

जेनको लक अपरो आप ला सबच सूटकारा को दाम मा दियो जाहे अखिन वोकी गवाही सही बेरा देहि जाहे।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

तीतुस 3:6

जेनला ओने आमरो बचावन वालो यीसु मसीह को कन लक आमी पर लगत रिती लक उबड़ायो गयो से।

इब्रानियो 9:22

करार को लक हमेसा, सबा काही खून को बव्हनो लक पवीतर कियो जावत होतो। अना रकत को बिना छिमा नही मिलासेत।

1 पतरस 2:24

मसिहा खुदच अपरी देह मा हामरो पाप बुराई आन के कूरूस मा चघ गयो। जेनको लक हमी पाप बुराई को लाय मर गयो अना धरमिपन अना नेकी को लाय जित्तो भयि गयो काहेकी वोको घाव लगनो लक तुमी साजरा भईसेव।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

1 योहन 2:12

ओ माया को टुराहुन, मि तुमी ला एकोलाई लिखासेऊ, काहेका यीसु मसीह को काज तुमरो पाप छिमा कियो गयी सेत।

1 योहन 2:2

उ एक बलिदान से जोन हमारो पापहुन ला छिमा करासे न केवल आमरो पापहुन को मनजे सप्पा संसार को पापहुन को।

1 योहन 4:10

माया ऐमा नहाती का आमिना परमेस्वर लक माया करिया सेजन, पर ऐमा से का ओना आमी लक माया करीसेस अना आमरो पाप को पस्तावा को साठी आपरो टूरा ला धाड़ीस।

परकासित वाक्य 14:4

वय असो मानूस होतिन। जोनना कोनी बायको को संग सोय के अपवितर नही भयो होतिन। काहेका वय कुंवारो होतिन। यो वय होतिन जोन पाठी को मघा-मघा जावत होतिन। यो लोकगिन सारी मानूस जाति लक उनला दाम देयकर बन्धन ले छुड़ायो गयो लोक होतिन। वय परमेस्वर अना पाठी को लाय फसल के पयलो फर को रूपमा होतिन।

परकासित वाक्य 5:9

वय लोकगीन यो नयो गाना गावन लगीन। तु ऐना पावती धरन अना येकी सिक्का खोलन को लायक से। येको एवज मा तुना बली होयके, आपरो रकत लक, हर एक कुल, अना भासा, अना लोक अना जात लक परमेस्वर को लाई लोक हिन ला मोल ले लेई सेस।