इफिसियो 1:6 - सत मारग पर चलन वारो किताब

⁶ ओना असो एकोलाई करीस की उ आपरी महिमा वालो किरपा को काजी खुदच ला खुस करे। ओना आमीला जोन ओको चहेतो लेकरा मा से, छुट्टो भाव लक देयीसेस।

इफिसियो 1:6 ပူးပေါင်းရင်းမြစ်များ

मत्ती 17:5

जबा उ असो कव्हच रहयो होतो, तबा एक पाँढरो, बादर न उनला ढाक लियो, अना उ बादल लक एक आवाज आयी यो मोरो एकच चहेतो, टूरा से, जेनको लक मी गजब खुसी सेव “एकी आयको!”

मत्ती 20:9

असो परकार जोन नौकर बनिहार पील-पील दिवस मा काम मा लगयो होतिन, उनमा लक हरेक ला खुरो को एक रुपया मिलयो।

मत्ती 3:17

अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।”

लूका 2:14

सरग मा परमेस्वर की बड़ाई अना धरती मा उन मानूस लक जिन लक खुस से, अखीन सान्ती होय।

योहन 10:17

बाबूजी एको लाई मोरो लक माया राखासे, की मि आपरो जान देवासेउ की ओला मंग ले लेहु।

योहन 3:35

बाबूजी टूरा लक माया राखासे अना ओना चीज ला जोन ओको जवर से टूरा को हात मा दे देसे।

रोमियो 8:1

अबा यीसु मसीह को संग मा रव्हन वालो पर कोनी दन्ड को हुकूम नाहती।

2 कुरिन्थियो 4:15

यो सब तुमरो साठी से; अना जसो की परमेस्वर की किरपा लगत स लोकगीन तकन पहुचसे, वय परमेस्वर की बड़ाई को धनवाद देन को साठी लगत पिराथना ला पेस करहेति।

2 कुरिन्थियो 5:21

जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।

इफिसियो 1:12

जेकोलक आमी ओकी महिमा को तारीफ को काजी बन सकबिन। आमी मनजे जिनना आपरी सबच आसा मसीह पर निसान ला कर दियासेजन।

इफिसियो 1:14

उ आतमा आमरो वारिसपन को छुड़ोती को रुप मा ओनो बेरा तक को लाई हमला देयि गयी से, जब तक का उ हमला जो ओको आपरो सेत, सप्पा परकार लक सूटकारा नही दे देहे। ऐको काजी लोक ओकी महिमा को बड़ाई करेहेत।

इफिसियो 1:18

मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से।

इफिसियो 2:7

ताकि उ आवन वालो हर युग मा आपरो दया को साजरो धनला दिसाये जेनला ओना मसीह यीसु मा आपरी दया को रुप मा आमी पर चिन्हित करीसेत।

फिलिप्पियो 1:11

ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।

फिलिप्पियो 3:9

मि ओनो धरमिपन लक मसीह मा पायो जाऊ जो मोसे को नियम लक नही पैदा होवासे पर मसीह पर बिस्वास करन लक मिलासे, मजे ओनो धारमिकता लक जो केवल भरोसा को साठी परमेस्वर लक मिलासे।

फिलिप्पियो 4:19

मोरो परमेस्वर भी आपरो ओना धन लक जो महिमा सकट मसीह यीसु मा से तुमरो हरेक जरुरत ला पूरी करेत।

कुलुस्सियो 1:13

वोना हमला इंधार को अधिकारी को ताकत लक छुड़ाय अखीन हमला अपरो चहेतो टूरा को राज मा सुरक्सित कर दियो सेत।

1 पतरस 2:5

तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

1 पतरस 4:11

जोन परबचन देवासे, उ असो लक्छात ठेवा जसो परमेस्वर सांगासे। जोन कोनी धरम को सेवा करतत, वोला असो समजून पायजे का परमेस्वर वोला ताकत देवा सेत। या सप्पा गोस्टी मध्ये यीसु मसीह लक परमेस्वर को गौरव परगट होयेत। वैभव अना ताकत परमेस्वर साठी च आहेत। आमेन!