इफिसियो 1:4 - सत मारग पर चलन वारो किताब

⁴ परमेस्वर आमी ला संसार को पैदा होवनो लक पयले मसीह मा, ओको पुड़ा पवीतर अना बेकसूर होवन लाय निवाड़ी सेस।

इफिसियो 1:4 ပူးပေါင်းရင်းမြစ်များ

मत्ती 24:22

अदी वय दिवस कम नही करयो, जातो ता कोनी को भी तन साजरो नही बचतो पर निवाड़ो गयो, मानूस को कारन वय दिवस घटायो, गयो से।

मत्ती 24:24

काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से।

मत्ती 24:31

अना उ तुर्रा का मोठयो आवाज को संग, आपरो, सरगदूत गीन ला धाड़ेत अना सप्पा दुनिया पासुन आपरो निवाड़ो लोकगीन ला जमा करयेत।

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

योहन 10:16

मोरो अखीन मेढा सेत, जोन यो मेंढ़ा खोली को नाहती, मोला उनला आननो जरुरीसेत। वय मोरो आवाज आयकेत, तबा एक करप अना एक चरानवालो होयेत।

योहन 15:16

तुम लोकगीन ना मोला नही निवाड़ो सेव पर मिना तुमला निवाड़ी सेव अना तुमला ठहराई सेउ की तुमी जायके फर आनो अना तुमरो फर बनो रहे। की तुम्हि मोरो नाव लक जोन काही बाबूजी लक माँगो, उ तुमला देहे।

योहन 17:24

हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।

पेरीत 13:48

जबा गैरयहुदी गीन असो आयकिन ता खुस भय गईन। अना उनना पिरभु को बचन को सतकार करीन। मंग लगत लोक गिन बिस्वासी बनके आपरो लाय अमर जीवन पिक्को कर लेइन।

पेरीत 15:18

दुनिया को सुरुवात लक यो वोच पिरभू सेत जोन येने गोस्टी ला परगट करत आईसे।

पेरीत 18:10

“मी तोरो संग सेव, कोनी भी तोरो पर धावा नही करहेत कोनी तोरो नुकसान नही कर पाहेत। काहेकी येनाच नगर मा लगत सा लोक मोरा अपरा सेत।”

रोमियो 8:33

परमेस्वर को निवाड़ो हुवो पर कोनी दोस लगाहेत। जबा उनला निरदोस ठहरानवारा खुदच परमेस्वर सेत।

1 कुरिन्थियो 1:8

परमेस्वर तुमला अखट्ट तकन पक्को बनाय राखेत, जोन लक तुमी आमरो पिरभू यीसु मसीह को दिवस तकन बेडाग रव्हो।

गलातियो 5:13

ओ भाऊ गीन तुमी सूटकारा पावन को लाई हाकलो गयो सेव, यो सूटकारा आँग की मनसा पूरी करन लाई नही होइसे, पर माया लक एक दुजो की सेवा करो।

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

गलातियो 5:6

अदी आमी यीसु मसीह लक जुड़या सेजन, तो खतना कोनी काम को नाहती। पर भरोसा से, जोन माया कन लक असर डाकासे।

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

इफिसियो 3:17

अना भरोसा लक मसीह तुमरो दिल मा निवास करेत, तुमी जड़ अना पाया माया टिकेहेत।

इफिसियो 4:2

हमेसा दीन रुप अना कोमलता रुप अना धीरज को सँगा बरताव करने। एक दुजो को माया लक सव्हतो रव्हने।

इफिसियो 5:2

अना माया मा चलोह जसो मसीह ना भी आमी लक माया करीस अना आपरो खुदच ला परमेस्वर को कठा सुख देवनवारी खुसबुदार चढ़ावा बनके आमरो लाई परमेस्वर ला चढ़ाय देईसेस

इफिसियो 5:27

एने रीती उ कलीसिया ला एक असी नवती नौरी को उपमा मा खुदच को लाई पेस कर सकासे जोन बेडाग होय, बेझुर्रि होय असी अखिन कोनी कमी नही होय। बल्कि उ पवितर रव्हे अना हरदम बेकसूर होय।

फिलिप्पियो 2:15

मजे तुमी निरदोस नेक अना सीधो होयके टेड़ो अना जिद्दी लोकगीन को बीच परमेस्वर को बेकसूर औलाद बनया रव्हो, जिनको बीच मा तुमी जिंदगी को बचन लियो हुयो संसार मा जलतो दियो को जसो दिससो।

कुलुस्सियो 1:22

पर अब, आपरो टूरा की देह को मरनो लक, परमेस्वर ना तुमला, पवीतर, सूद्ध अखीन बेकसूर होवन लाय अपरो पुढ़ा आनन काजी, तुमला मेल मिलाप कर आपरो संगी बना लियो सेत।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

कुलुस्सियो 3:12

एको लाई परमेस्वर को बेचयो जसो जोन पवीतर अना पिरेम को से। मोठी दया ना भलाई अना दीनता अना दयालू पन अना सहनसिलता धारन कर लेव

1 थिस्सलुनीकियो 3:12

अना पिरभू करे का तुमी एक दुसरो को लाई अखीन सबच मानूस गीन को लाई पिरेम मा उन्नती करत जाने अना बढता जाने। जसो का हमी भी तुमरो लाई करी सेजन।

1 थिस्सलुनीकियो 4:7

काहेकि परमेस्वर न हमला नीच काम को लाई नही पर पवीतर होवन लाई हाकलिसेस।

2 तीमुथियुस 1:9

जेना आमरो सुटकारा करीस, अना पवीतर बुलावा लक हाकलीस अना यो हमरो काम गीन को लक नाहती, पर वोको मकसद अना वोनो किरपा को लक सेत, जोन मसीह यीसु मा हरामेसा लक भयो सेत।

2 तीमुथियुस 2:10

एना कारन मी बेचयो हुया लोक गीन को लाई सबच काही सहन करासु का वय भी वोनच मुकती ला जोन मसीह यीसु मा से अमर महिमा को संग पाहेत।

2 तीमुथियुस 2:19

तबा भी परमेस्वर की पक्की नींव बनी रहवासे अखीन वोको पर यो छाप लगीसे पिरभू अपरो ला चिन्हासे अना जोन कोनी पिरभू को नाव लेवासे उ अन्याय लक बचयो रह।

याकूब 2:5

ओ मोरो चहेतो भाऊगीन, आयको। का परमेस्वर न संसार को नजर मा ओना गरीबहून ला भरौसा मा धनी अना ओना राज को वारसाना को रूप मा नही निवड़ीसेस, जेनला परमेस्वर ना, जोन ओला माया करासेत, देवनो को बचन देयीसेस।

1 पतरस 1:2

तुम जोन परमेस्वर बाप को भबिस्य की गियान लक बेचयो गयो सेव। अना पवितर आतमा लक पवीतर कियो गयो सेव। जोनलक यीसु मसीह को हुकूम मानो। अना वोको रकत को छिड़काव लक तुम लोक गिनमा लगत सान्ती अना दया भेटेत।

1 पतरस 1:20

यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

2 पतरस 3:14

अगो चहेतो भाऊहुन मी कव्हसू, जसो, यो या गोस्टी ला आपरो जवर आवता चोवो, तभी सांतपन अना निरदोसपन लक वोको समोर जावन को कोसीस करा।

1 योहन 4:16

जो माया परमेस्वर आमी लक राखासे, ओला आमी जान गयासेजन अना आमला ओको भरोसा से। परमेस्वर माया से, अना जोन माया मा बनो रव्हसे उ परमेस्वर मा बनो रव्हसे, अना परमेस्वर ओमा बनो रव्हसे।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।

परकासित वाक्य 17:8

जोन तु ना चोवीसे, पयले कदी जित्तो होतो। पर अबा जित्तो नाहती। मंग उ पताल लक हीटन वालो सेत। अना वोको नास भयी जाहेत। मंग धरती को वय लोक जिनको नाव जगत को सुरू लक जिंदगी को किताब मा नही लिख्यो सेत। वा जनावर ला चोवके, चकित होयेत। काहेका वा कदी जित्तो होतो, पर अबा जित्तो नाहती।