इफिसियो 1:18 - सत मारग पर चलन वारो किताब

¹⁸ मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से।

इफिसियो 1:18 ပူးပေါင်းရင်းမြစ်များ

मत्ती 13:15

काहे का ऐना लोकगीन ला “अक्ल मा गोटा” पड गयी सेत ज्यादा आयक सेत, इनना डोरा बंद कर लईसेत कदी असो न होहे, का वय डोरा लक चोवके, अना कान लक आयक के; मन मा समज लेहेति, अना बदल जाय अना, मि उनला साजरो करू।

मरकुस 10:17

अखीन जबा यीसु जतरा को लाई हिटत होतो। तबा एक मानूस धावत आयो, अना ओको पुढा टोघरा टेकके ओना यो पुसयो, ओ साजरो गुरु! मि अमर जीवन ला पावन लाई का करू?

लूका 24:45

तबा वोना उनको अक्कल ला उघाड़ देइस, का उनला पवितर गीरंथ समजमा आ सके।

पेरीत 16:14

वहाच लीदिया नाव को बाई होती। वा किमती बैंजनी कपरा को धंधा करत होती। अना परमेस्वर की पिराथना करत होती। वा आमरी गोस्टी आयकत होती। पिरभू ना ओको मन को बेसकुड़ खोलिस। जोनलक वा पौलुस की गोस्टी धियान देयके आयके।

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

रोमियो 11:29

परमेस्वर आपरो मनला नही बदला सेत। जोनला वा निवाड़ो सेत वोला वा आसीरबाद भी देवा सेत।

रोमियो 2:4

मंग तू वोको मोठो दया अना धिरज लक सहन करनो ला हीन मानतत। अना तु यो गोस्टी को कन धियान नही देवा सेत। का वोको दया तोला पाप सोड़न को लाय मौका देवा सेत।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

गलातियो 5:5

काहेका आतमा लक आमी भरोसा लक आस कियो हुया, धरमिपन को रस्ता चोविसेजन।

इफिसियो 1:11

सबच गोस्टी परमेस्वर को नियाव अना योजना को कन लक कियो जावसे। परमेस्वर ना आपरो निजि मकसद को काजी च हमला ओनोच मसीह मा संत बनन लाई बेचयो से। यो ओकोच कन लक भयो जेनला परमेस्वर ना सब लक सूरू लक पयलेच लक ठहरायीसेस।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 2:12

ओनो बेरा तुमी बिना मसीह को होतत, तुमी इसरायल को पंगत लक बाहेर होतीन। परमेस्वर ना आपरो भविस्यवक्ता गीनला जोन वचन देयि होतीस उन पर आधार पर वायदा से अनजान होतो। अना ऐना संसार मा बिना परमेस्वर को निरासा मा जिंदगी जिवत होता।

इफिसियो 3:16

मि पिराथना करुसेउ की उ आपरी महिमा को आपरो धन लक आपरी आतमा को कनलक तुमरो भीतरी मानुसपन ला ताकत रुप लक सक्ती देहे।

इफिसियो 3:8

अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

इफिसियो 4:1

एकोलाय मि जोन पिरभु को होवन को काजी बन्दी बनो हुयो सेव, तुमी लक बिनती करुसेउ का तुमला आपरो जिंदगी वसोच जीवनो चाहिसे जसो का संतहुन को से।

इफिसियो 4:4

एकच बदन अना एकच आतमा से: असोच तुमला भी जबा हाकलया गयत ता एकच आसा मा भागीदार होवन को लाई हाकलयो गयो।

इफिसियो 5:8

यो मि एकोलाई कव्ह रही सेउ का एक बेरा होतो जबा तुमी अँधार लक भरयो होतो पर अबा तुमी पिरभु को मंगा चलन वारा को रुप मा उजाड़ो लक भरपुरो होय। एकोलाई उजाड़ो को टूरा को जसो सुभाव करने।

फिलिप्पियो 3:14

निसाना कना धाव रहीसेऊ का उ ईनाम पाहुँ जोको लाई परमेस्वर ना मोला मसीह यीसु मा वरता हाकलीसेस।

कुलुस्सियो 1:12

अना खुसी-खुसी परमेस्वर बाबजी को धन्यवाद, जेना आमला यो काबिल बनायीसेस की जोनना तुमिला उजाड़ को राज मा आपरो पवीतर लोक गीन काजी राखिसेत, वोमा आपरो वारसाना हिस्सादारी राखन काजी साजरा बना दियो सेत।

कुलुस्सियो 1:23

अदी तुम भरोसा को नीव मा पक्को रूप लक बनो रव्हो अना वा साजरा बारता को आस ला जोन तुमी आयकु सेव, नही छोड़यो, जोनको परचार बादल को खाल्या, सारो दुनिया मा कव्हयो गयो अना वोको दास मी पौलुस बनीसेव।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 1:5

जबा खरो साजरा बारता पयले तुमरो कठा आयो, तो तुमीना आस लक आयकीस। अना तुमरो भरोसा अना पिरेम वोना चीज़ मा नीव पडयो सेत जोन तुमी आस करासेव। जोन सरग मा तुमरो लाय सुरक्सित ठेवो जावासेत।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

कुलुस्सियो 3:15

मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो।

1 थिस्सलुनीकियो 2:12

मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा मा हाकलासे।

1 थिस्सलुनीकियो 5:8

पर एकोलाय का हमी दिवस का सेजन आव हमी भरोसा अना पिरेम को कवच अना सूटकारा की आस को टोप पहेर के तैय्यार रव्हबिन।

2 थिस्सलुनीकियो 1:11

आमरो परमेस्वर तुमला यो बुलाहट काजी काबिल समझसे, अना भलाई को मनसा अना भरोसा को काज-काम ला ताकत सकट पूरो करेत एकोसाठी आमी तुमरो लाई पिराथना भी करसेजन।

2 थिस्सलुनीकियो 2:16

आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस।

1 तीमुथियुस 6:12

बिस्वास की साजरी कुस्ती लड अना वोना अमर जीवन ला धर लेवो जेनको लाई तु बुलावोयो गईसे अना लगतसा गवाह गीन को पुढा साजरो अंगीकार करयो गयो।

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

तीतुस 3:7

जोको लक आमी ओको दया लक धरमी ठहरायो, अमर जीवन को आस को वारिस बनायो गयो सेजन।

इब्रानियो 10:32

पर तुमी वोना मघा को गोस्टी ला हेत करो। जोन मा तुमी उजाड पाय के दुख अना मोठो विपदा मा पक्को रहयो होतो।

इब्रानियो 6:4

जोनला एक बार उजाड़ भेटयो सेत, जोन सरग को बरदान चीख लियो सेत। जोन पवितर आतमा को हिस्सादार बन गयोसेत।

1 पतरस 1:3

धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस।

1 पतरस 3:9

वाईट काम को एवज मा वाईट काम नोको करा। सिराप को परतफेड नोको करा। वोको ऐवज मा, आसीरवाद देया। कारन तुमिला आसीरवाद देवन साठी बोलाविले गयो सेत।

1 पतरस 5:10

अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत।