इफिसियो 1:13 - सत मारग पर चलन वारो किताब

¹³ जबा तुमना ओनो सत्य को खबर ला आयकियात जो तुमरो मोक्स को साजरो बारता होतो, अना जेने मसीह पर तुमना बिस्वास करिया होता, ता जेने पवितर आतमा को बचन दियो होतो, मसीह को जरीया लक ओको छाप परमेस्वर को कन लक तुमी लोकहून पर लगायी गयी होती।

इफिसियो 1:13 ပူးပေါင်းရင်းမြစ်များ

लूका 11:13

अता जबा तुम्ही बुरो होयके, आपरो लेकरा बारो-ला, साजरो चीज देवनो जानासो, तो सरग को बाबूजी, परमेस्वर आपरो मांगन वालो ला, पवीतर आतमा काहे नही देहेत।

लूका 24:49

चोवो! जोनको वादा मोरो बाबूजी ना कियो से, मी वोला तुमरो पर उतारीन, अखीन जब तकन सरग लक सक्ती नही भेटेत तुम्ही येरुसलेम-नगर मा रव्हने काहेका, जबा उ वरदान आहेत, तबा तुम्ही परमेस्वर को ताकत लक, भरपूर होय जाने।

योहन 1:17

एको लाय का मोसे को नियम ता मोसे ना दियो से। पर खराई अना दया यीसु मसीह सूटकारा देवन वालो लक धाड़ियो गयो से।

योहन 14:26

पर जबा उ सहायक मजे पवीतर आतमा आहेत, जोनला बाबूजी मोरो नाव लक धाडे़त, उ तुम लोकगीन ला सबच गोस्टी सिखाहे। अना सब काही हेत कराहे, जोनला मिना कहीसेउ।

योहन 15:26

पर जबा उ सहायक आहे मजे खराई को आतमा जेनला मि तुमरो जवर बाबूजी को कन लक धाड़हु मजे सत को आतमा, जोन अजी को कनलक हीटासेत वो मोरो गवाही देहेत।

योहन 3:33

जिनना वोकी गवाही अपनाय लेईसेत वोना यो गोस्टी पर छाप लगा देइसेत की परमेस्वर खरो से।

योहन 6:27

नास होवन वालो जेवन लाई मेहनत कायलाई करोसो? पर उ जेवन लाई मेहनत करो, जोन अमर जीवन लाई से। काहेकि उ जेवन मानूस को टूरा देहे, काहेका परमेस्वर दाअजी ना यो देन को हक वोला देईसेस। मजे परमेस्वर ना छाप लगाइसे।

पेरीत 1:4

मग जबा वय यीसु को संग जमा होतिन, “ता ओना उनला हुकूम देईस।” येरुसलेम नगर नोको तजजोस, बल्की जोन पवितर आतमा भेटन को बारे मा तुमीना मोरो लक आयकिसेव, बाबूजी को ओनो वायदा को पुरो होवन को रास्ता ताको।

पेरीत 13:26

अरे भगत भाऊ अबराहम की आवलाद अना तुमी मा जोन परमेस्वर को डर मानासे हमरो लाई यो सूटकारा को आवाज धाडीसेस।

पेरीत 2:33

परमेस्वर को उजो हात कन सब लक वरता पद पायके यीसु ना परम अजी को वादा को अनुसार पवितर आतमा पायके अना मग वोने यो आतमा ला आमरो पर उबडाय देईस जोनला तुमी अबा देखासेव अना आयकसेव।

रोमियो 1:16

साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती को जरिया से।

रोमियो 4:11

बाद मा वोको खतना कियो गयो, अना वोको खतना यो दिसान को एक निसान होतो। का वोको बिस्वास को कारन परमेस्वर ना वोको खतना लक पयले नेक इन्सान मान लियो होतो। अना एकोलाय अबराहम उन सबको दआजी सेत। जोन परमेस्वर मा भरोसा राखा सेत। अना वोको लका नेक मानूस को रूप मा स्वीकार कियो जावा सेत। चाहे उनको खतना नहीं हुयो होय।

रोमियो 6:17

पर परमेस्वर को लाय धन्यवाद! तुमी एक बेरा पाप करन को लाय पाप को गुलाम होतो। पर अबा आपरो दिल लक भेटयो सिक्सा को माननवारा भई गयो, जेन को साँचा मा ढालो गयो सेत।

2 कुरिन्थियो 1:22

परमेस्वर ना आमरो पर आपरो मूहर लगाई सेत, अना बियाना को रुपमा आमरो दिल मा आतमा देइसेत।

2 कुरिन्थियो 6:7

सच्चो बचन लक परमेस्वर की ताकत लक नेकीपन को हतियार लक जोन उज्जो अना डावो हात मा से।

गलातियो 3:14

यो एकोसाठी भयो की अबराहम को आसिरवाद यीसु मसीह मा परजात तकन पहुचे अना आमी भरोसा को कन लक ओना आतमा ला पावबिन, जोको परन कियो गयी से।

इफिसियो 4:21

मोलाकोनी संका नही से का तुमीना ओको बअरे मआयकिया सेव, अना उ सत्य जोन यीसु मा पायो जावसे, ओको जसो तुमला ओको चेला हुन को रूप मा सिक्सा भी दियो गयीसे।

इफिसियो 4:30

परमेस्वर की पवीतर आतमा ला दुखाने नोको, कहेका परमेस्वर को धन को रुप मा जोको लक तुमी पर सूटकारा को दिवस को साठी आतमा को संगा छाप लगय दियो गईसे।

1 थिस्सलुनीकियो 2:13

एना कारन हमी भी सदा परमेस्वर ला धनवाद करा सेजन। का जबा हमरो कन लक तुमला परमेस्वर को गोस्टी की खबर मिली त तुमी न वोनो मानूस गीन ला नही, पर परमेस्वर को गोस्टी समझके अपनायेत। खरो मा उ से भी जोन तुमी भरोसा मा अपरो काम भी करासेत।

2 तीमुथियुस 2:15

अपरो आप ला परमेस्वर ला पावनो काबील अना असो काम करन वालो ठहरानो को जतन कर जोन लज्जित होवन नही पाहे अना जोन खरो बचन ला सही रीती लक काम मा आनासेत।

2 तीमुथियुस 2:19

तबा भी परमेस्वर की पक्की नींव बनी रहवासे अखीन वोको पर यो छाप लगीसे पिरभू अपरो ला चिन्हासे अना जोन कोनी पिरभू को नाव लेवासे उ अन्याय लक बचयो रह।

2 तीमुथियुस 3:15

अना बचपन लक पवीतर गीरंथ तोरो दिल मा लिख्यो सेत जोन तोला मसीह यीसु मा बिस्वास करन लक मुकती पावन लाई अक्कलवर बनाय सकासे।

तीतुस 2:11

काहेका परमेस्वर को उ दया दिसायी गयो से, जोन सबच मानूस को मुक्ति को कारन से।

इब्रानियो 2:3

“इतरो मोठ्या तारन लक अमी धियान नही दियो सेत ता अमी कसौ सूट जाबोन?” जबकि स्वता पिरभु ना पयले सूटकारा को मुनादी करयो होतो। अना जोन लोकगीन ना वोकी आयेकले, उनना यो सही सेत असो सिध्ध करयो।

याकूब 1:18

खराई को साजरो बारता को कन लक आपरी औलाद बनावन को साठी ओने आमला निवड़ीसेस। मनजे आमी सबच जीवधारी हुन को बीच ओकी फसल को पुढ़ा फर सिध्द होय।

याकूब 1:21

एकोलाय सप्पा खोटो सुभाव अखीन बैर ला तजके, नरमताई लक तुमरो दिल मा डाकयो गयो परमेस्वर को गोस्टी ला अपनावनो। जोन तुमरो सूटकारा लाय बेहद ताकतवर सेत।

1 पतरस 2:10

एक बेरा होतो जबा तुमी परजा नही होतो। पर अबा तुमी परमेस्वर को परजा सेव। एक बेरा तुमरो पर दया नही भई होती। पर अबा दया भई से।

परकासित वाक्य 7:2

मंग मिना चोवयो, एक अखिन सरगदूत से। जोन दिवस उगती कन लक आ रहयो से। वोना जित्तो परमेस्वर को सिक्का राख्यो होतो। अना वोना च्यार सरगदूत जोनला धरती अना बाल नास करन को हक होतो। उनला जोरलक हाकलीस,