कुलुस्सियो 4:5 - सत मारग पर चलन वारो किताब

⁵ मौका ला बेस जानके बाहेर वारा गीन को सँगा सोच समझ के लक बेवहार करोह।

कुलुस्सियो 4:5 ပူးပေါင်းရင်းမြစ်များ

मत्ती 10:16

“चोवो! मी तुमला मेढा जसो, बिघा गीन को बीच मा धाड़सू। एकोलाय सरप जसो चतूर, अना परेवा जसो भोलो बनने।”

मरकुस 4:11

ओना उन लक साँगीस, “तुमला ता परमेस्वर राज को भेद को लुकयो गोस्टी सांगयो गई से, पर बाहेर वालो ला नही, एको लाई हाना देके आयकायो जाहेत।”

रोमियो 16:19

तुमरो हुकूम मानन को चरचा सब लोकगीन मा फैल गयो सेत, एको लाय मी तुमरो लाय खुसी मनावसू, पर मी यो चव्हासू, का साजरो लक अक्कलवर अना बुराई को लाय भोला बनो।

कुलुस्सियो 3:16

मसीह को गोस्टी ला आपरो हिरदय मा लगत बसन देव अना सिध्द गियान सहित एक दुजो ला सिकाहो अना चिताहो अना आपरो मन मा दया को सँगा परमेस्वर को लाई धनबाद भजन अना स्तुति गान अना आतमिक गीत गावनो से

1 थिस्सलुनीकियो 4:12

जोको लक बाहेर वारा लक मान मिल सकेह अना तुमला कोनी चीज की आस नही रह।

1 तीमुथियुस 3:7

अखिन बाहेर वारा गीन मा भी वोको साजरो गवाही होहे असो नही होवा का निंदा-बदी करके सैतान को जाल मा फस जाहे।

याकूब 1:5

अदी तुम मा कोनी ला गियान को कमी सेत, ता उ परमेस्वर लक बिनती करेत, जोन बिन तिरस्कार को सबा लोकगीन ला भी को दरिया दिल लक देवसेत, अर वोला जरूर भेटेत।

याकूब 3:13

भला तुमरो मा लक अक्कल वर कोन सेत? जोन सेत वोला अपरो बरताव लक असो देखवनो चाव्हसे का वोका करम वोनो ईमानदारी को संगा करियो गयो सेत जोन अक्कल लक जुड़या सेत।

याकूब 3:17

पर जोन अक्ल वरता लक आवासे उ पहेल त पवीतर होवासे मंग मेल-मिलाप नरम अखीन भला सुभाव अना दया सान्ती अखीन साजरो फर गीन लक लदी हुई अना पक्स-पात को बगर अखीन निस्कपट होवासे।

1 पतरस 3:1

असो पिरकार, अवो बायका गीन अपरो-अपरो नवरा गीन को बस मा रहवो। जेनको लक अदी कोनी परमेस्वर को वचन ला नही मानासे। त वय तुमरो पवीतर अना भेव सकट चाल-चलन ला ध्यान लक चोवके बिना कोनी बारता को अपरी-अपरी बायका गीन को बरताव लक जीतयो जाहे।