कुलुस्सियो 3:4 - सत मारग पर चलन वारो किताब

⁴ जबा मसीह जोन आमरो जिंदगी से उ जबा दिसे तबा तुमी भी ओको महिमा सँगा दिसाय जाहो।

कुलुस्सियो 3:4 ပူးပေါင်းရင်းမြစ်များ

मत्ती 13:43

ओनो बेरा नेक मानूस आपरो बाप को राज मा दिवस जसो चमकेत जेनला आयकनो से आयक लेव।

लूका 17:30

मानूस को टूरा को आवन को बेरा मा असोच होयेत।

योहन 11:25

यीसु ना ओला कहीस, जित्तो होवनो, अना जिंदगी मि सेउ, जोन कोनी मोरो पर भरोसा करेत, उ अदी मर भी जाहेत ता भी जीहेत।

योहन 14:3

अना अदी मि जायके तुमरो लाई जघा तैय्यार करासू, ता मंग आयके तुमला आपरो सँग ले जाहुँ। की जिता मि रव्हुसु, उतच तुम्हि भी रव्हो।

योहन 14:6

यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।

योहन 17:24

हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।

योहन 20:31

पर एको कारन लक लिखी गई से की तुमी लोकगीन भरोसा करो, की यीसु जोन से उ परमेस्वर को धाड़ो गयो से। अना कव्हनो मा मसीह से। अना ओको नाव मा भरोसा करनो लक जीवन मिलासे।

पेरीत 3:15

तुमीना जिंदगानी को रास्ता चोवन वारा ला मार डाकयात। पर परमेस्वर न वोला मरयो हुयो मा लक जित्तो करीस। हमी वोको पुरुप सेजन।

रोमियो 8:18

मोरो असो माननो सेत, का अबा अमी जोन काही भी दुख भुगत रव्हयो सेजन, वोको तवल मा वोना गौरव को संग जोन अमिला मिलनवारो सेत, लगत हलको सेत।

रोमियो 8:19

परमेस्वर को सबच रचना, परमेस्वर को लेकरा गिनको जलम होवन को रस्ता लगत आस लक चोवअ सेत।

1 कुरिन्थियो 1:7

यहान तकन का, कोनी बरदान को तुमरो मा कमी नाहती, अना तुमी आमरो पिरभू यीसु मसीह को, परगट होवन को रस्ता चोवत रव्हासो।

1 कुरिन्थियो 15:43

अपमान को सँगा बोयो जावसे, अना महिमा को सँगा जित्तो कियो जावसे। कमजोर दसा मा बोयो जावसे, अना ताकत को सँगा जित्तो कियो जावसे।

2 कुरिन्थियो 4:17

काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे,

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

फिलिप्पियो 3:21

उ आपरी ताकत को असर लक जेनको लक उ सबच चीजगीन ला आपरो बस मा कर सकासे, आमरो दुखी तन सुखी तन को रूप बदल के, आपरो महिमा वालो तन जसो बनाय देहे।

1 थिस्सलुनीकियो 4:17

तबा हमी जोन जित्तो सेजन अना बचयो रहेति उनको संग मा वारा मा पिरभू लक मिलन को लाई बादर पर उचाल लियो जावबिन। एना रिती लक हमी सदा पिरभू को संग रहबिन।

1 तीमुथियुस 6:14

का तु हमरो पिरभू यीसु मसीह को परगट होवन तकन एना हुकूम को लाई बीना पाप अना निरदोस को राखी सेस।

2 तीमुथियुस 1:1

पौलुस को कन लक जोन, जिंदगी की परन को जसो जोन मसीह यीसु मा से। परमेस्वर की आस लक मसीह यीसु को पेरीत से।

2 तीमुथियुस 4:8

अबा मोरो लाई धरम को उ मुकुट सजायके राखयो गयो से जोन पिरभू नेक अना न्याय करन वालो सेव मोला वोना दिवस देहे अना मोला च नही वरन वय सब ला जोन पिरेम को संग वोको परगट होवन को बाट चोविसेत। निजि सूचना

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

इब्रानियो 9:28

वसोच मसीह, लगत लोकगीन को पाप लक मुकती काजी, एकच बार आपरो आप ला चघा दियो। मसीह अबा दूसरो बार परगट होयेत। पाप को कारन नही, पर जोन लोक वोको रस्ता चोवासेत। उनला मुक्ती दिलावन आहेत।

1 पतरस 1:13

एना कारन अपरी मन ला पक्को करके अना सचेत रव्हो। अना आपरो मनला मारके रव्हो। अना वोना वरदान को आस मा रव्हो जोन यीसु मसीह को परगट होवन मा तुमला भेटनवारा सेत।

1 पतरस 5:4

अना जबा मुख्य संरक्षक परगट होयेत। ता उ तुम्हाला महीमा को मुकुट देवन आहेत। जो मुरझात नाही।

1 योहन 2:28

एकोलाई ओ चहेतो लेकराहुन, ओमा बनयो रव्हो का जबा हमला ओको गियान होय ता आमी हिम्मत पाय सकबिन, अना आमी ओको मंग आवनो को बेरा आमला लजाबिन नहि।

1 योहन 3:2

ओ चहेतो हुन, अब आमी परमेस्वर को औलाद सेजन पर भबिस्य मा आमी काजक होवबिन, अबा तक ऐको मालुम नही करायो गयो से। जोन भी होय, आमी यो जानबिन का मसीह को मंग दिसावन पर आमी ओकोच जसो होय जावबिन काहेकि उ जसो सेत, आमी ओला बेस वसोच चोयबिन।

1 योहन 5:12

जोको जवर टूरा से, ओको जवर जिंदगी से, अना जेनको जवर परमेस्वर को टूरा नहाती, ओको जवर जिंदगी भी नहाति।

यहूदा 1:24

अबा जोन तुमला ठोकर खानो लक बचाय सकासे, अना अपरी महिमा की भरपूरी पुड़ा मगन अना बेकसूर करके उभो कर सकासे।

परकासित वाक्य 2:7

जेनको कान सेत ता वा आयक लेव का आतमा कलीसिया लक काजक कव्हसे। जो जीत जाहे मी ओला परमेस्वर को सरग म लक “जीवन को झाड़ को फर खान ला देहूं।”

परकासित वाक्य 22:1

ऐको मंघा ओना सरगदुत ना मोला जिंदगी को पानी को नदी दीसायो, जोन स्फिटक को जसो निरमल, अना वोमा आरपार दिसत होतो, जोन परमेस्वर अना मेढ़ा को सिघासन लक हिटके,

परकासित वाक्य 22:14

धन्य सेत वय, जो आपरो कपरा धोय लेसेत, काहेकि उनला जिंदगी को झाड़ को जवर आवन को हक मिलेह। अना वय बेसकुड़ लक होयके नगर मा धस जाहेत।