कुलुस्सियो 3:3 - सत मारग पर चलन वारो किताब

³ काहेकि तुमी ता मर गयासेव अना तुमरो जिंदगी मसीह को सँगा परमेस्वर मा छुपयो से।

कुलुस्सियो 3:3 ပူးပေါင်းရင်းမြစ်များ

मत्ती 11:25

वोच बेरा यीसु ना कव्हयो परमेस्वर बाबूजी सरग, अना धरती को पिरभु, मी तोरो धनवाद करासू, का तूना यो गोस्टी ला अक्कलवर अना समजदार लोकगीन लक, लूकाईसेस अना लेकरागिन पर परगट करयो से।

योहन 14:19

जरासो देर मंघा यो जगत मोला नही चोवहे। पर तुमी मोला चोवहो, एको लाई की मि जित्तो सेव, तुमी भी जित्तो रव्हो।

योहन 3:16

काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देईस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत।

योहन 4:14

पर जोन कोनी यो पानी पीहे जोन मी देवासू, उ सदा लक तहान नही होहेत। पर उ पानी एक झिरिया बन जाहेत, जोन हरामेसा तकन पिझरत रहेत।

योहन 5:21

जसो की दाअजी मरयो हुयो ला जित्तो उचलासे, अना जिंदगी भी देसे। वसोच टूरा भी जेनला उ चाव्हासे ओला जित्तो कर देसे।

योहन 5:24

मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।”

योहन 5:40

मंगच तुमी जिंदगी पावन लाई मोरो जवर नही आवन चाव्हसो।

रोमियो 5:10

आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति।

रोमियो 5:21

एकोलाय जसो पाप मौत को कारन सासन करा सेत। वसोच परमेस्वर की किरपा को भी नियम, अमीला यीसु मसीह को कारन अमर जीवन को कन लेजावा सेत।

रोमियो 6:11

असोच तूमी स्वता पाप को काजी मरो, अना परमेस्वर को काजी यीसु मसीह मा जित्तो समझो।

रोमियो 6:2

पक्को रूप लक नहीं! अमी पाप करन लाय मरयो सेत। मंग अमी योमा कसो रव्हबीन?

रोमियो 8:2

आत्मा को कानून, जोन अमिला मसीह यीसु मा जिंदगी देवा सेत। वा अमिला पाप अना मिरतु को कानून लक सूटकारा दे दियो सेत।

1 कुरिन्थियो 15:45

एकोसाठी यो भी लिखयो से, “पयलो मानूस आदम जित्तो प्रानी बनयो,” अना अतिंम आदम जीवनदायक आतमा बनयो।

1 कुरिन्थियो 2:14

पर सुभाविक मानूस परमेस्वर की आतमा सिक्सा नही धरा सेत। पर वोना गियान ला उ बेवाकुपी समजा सेत। अना ओला समजन काबिल नाहती। काहेका आतमा की सहायता लक, ओना सिक्सा की परख भई सका से।

2 कुरिन्थियो 5:14

काहेकी मसीह को पिरेम हमला परेसान करासे जेनको लक यो तय से का जबा एक सब को लाई मरयो त सबच मर गईन।

2 कुरिन्थियो 5:7

काहेकी हमी रुप चोवयो नही पर भरोसा लक चला सेजन।

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

इफिसियो 3:9

अखीन मि सबच मानूसगिन पर उ भेद खोलन की कोसिस करुँह, जोन जुग-जुग लक सप्पा संसार को बनावनवालो परमेस्वर मा छुपयो रही से।

फिलिप्पियो 4:7

तबा परमेस्वर को सान्ती, जो समझ लक हटके से, तुमरो हिरदय अना तुमरो बिचारहुन ला मसीह यीसु मा संभालके राखे।

कुलुस्सियो 1:5

जबा खरो साजरा बारता पयले तुमरो कठा आयो, तो तुमीना आस लक आयकीस। अना तुमरो भरोसा अना पिरेम वोना चीज़ मा नीव पडयो सेत जोन तुमी आस करासेव। जोन सरग मा तुमरो लाय सुरक्सित ठेवो जावासेत।

कुलुस्सियो 2:20

जबकि तुमी मसीह को सँगा संसार को जूनो सिक्सा लक मर गया सेव, ता मंग कायलाई उनका जसो जोन संसार का सेत जिंदगी बितावासो? तुमी असी उसुल गीन को वस मा काहे रव्हसो।

कुलुस्सियो 2:3

जिनमा बुध्दि अना गियान को सप्पा धन छुपयो रव्हसेति।

कुलुस्सियो 3:4

जबा मसीह जोन आमरो जिंदगी से उ जबा दिसे तबा तुमी भी ओको महिमा सँगा दिसाय जाहो।

इब्रानियो 7:25

योच कारन सेत का जोन लोक गीन यीसु लक परमेस्वर को सरन लेवासेत वा उनला पूरो रित लक बचावनो को ताकत राखासेत। काहेका उ उनको कन लक बिनती करन काजी हमेसा लक जित्तो सेत।

1 पतरस 3:4

पर तुमरो सिंगार तो तुमरो मन को भीतर मा बस्यो मानूस की सिंगार होवनो पाहिजे। नरम अना सांत मन वालो, अविनासी सही जेवर गीन लक कियो सिंगार परमेस्वर की नजर मा लगत किमती से।

1 पतरस 4:2

अना वोला भबिस्य मा आपरो बचयो देह को जिंदगी आपरो मरजी लक नही तर परमेस्वर को मरजी लक बिताव।

1 योहन 3:2

ओ चहेतो हुन, अब आमी परमेस्वर को औलाद सेजन पर भबिस्य मा आमी काजक होवबिन, अबा तक ऐको मालुम नही करायो गयो से। जोन भी होय, आमी यो जानबिन का मसीह को मंग दिसावन पर आमी ओकोच जसो होय जावबिन काहेकि उ जसो सेत, आमी ओला बेस वसोच चोयबिन।

परकासित वाक्य 2:17

“अगर तुमरो कान से, तो आयको, आतमा कलीसिया लक काजक कव्हसेत।” “जोन लोक जीत जाहेत, मी उनला काही ला लुकायो मन्ना देहिन।” मी उनलक हरेक ला एक पांढरो गोटा देहुँ। जोनमा एक नवा नाव लिखयो गयो से। जोनला कोनी भी नहीं जाना सेत। जोनला यो भेटासेत।