कुलुस्सियो 3:1 - सत मारग पर चलन वारो किताब

¹ एको लाई जबा तुमी मसीह को सँगा जिलाया गईसेव ता सरग को चीज ला ढुंढन मा रव्हो, जहान मसीह पायो जावसे। अना परमेस्वर को उजो कना जित्तो उचलीस सेस।

कुलुस्सियो 3:1 ပူးပေါင်းရင်းမြစ်များ

मत्ती 22:44

पिरभु ना मोरो पिरभु लक कहीस, मोरो उज्जो कन बस जबा तकन की मि तोरो, बैरी गीन ला तोरो पाय को खाल्या नही कर देहुँ।

मत्ती 26:64

यीसु ना जवाब देयिस, “हव मी सेऊ। पर मी तुमी लक यो भी कव्हुसेउ, अता मानूस को टूरा ला सब लक ताकतवर परमेस्वर को उजो कन बसया हुया, अना बदल मा आवता चोवने।”

मत्ती 6:20

पर आपरो लाई सरग को तिजोरी मा धन इकठ्ठा करोह। जिता न ता कीडा अना न काई बिगाड़ा सेत, अना जिता चोर न ताका करासेत अना चुरा नही सकेत।

मत्ती 6:33

एको लाई पूढ़ा तुमी परमेस्वर की राज अना ओको न्याय की खोज करोह ता या सब चीज भी तुम ला मिल जाहेत।

मरकुस 12:36

दाऊद ना खुदच पवीतर आतमा मा होयके कहिसेस, पिरभु ना मोरो पिरभु ला कव्हासे, मोरो उज्जो बस जबा तकन मि तोरो जरन वालो बैरी ला तोरो पाय को पीढो नोको कर देहुँ।

मरकुस 14:62

यीसु ना कहीस, “मि सेउ, अखीन तुमी मानूस को टूरा ला सब लक ताकत वर परमेस्वर को उज्जो कन बसा, अना बादल को बदली मा आवता चोवो।”

मरकुस 16:19

एको मंघा पिरभु यीसु चेलागीन लक गोस्टी करन को मंघा, सरग मा उचल लियो गयो, अना परमेस्वर को उज्जो कन बस गयो।

लूका 12:33

“आपरो धन-सम्पती बिक देव अना दान कर देव, अना आपरो कना असो पियुसी राखो, जोन जूनो नही होवासे, मजे सरग मा असो धन जमा करो जोन कमी नही होवासेत अना जोन को जवर चोर नही जावासेत, अना किड़ा काही बिगाड़ सकत।

लूका 20:42

राजा दाऊद खुदच आपरो भजन को पवीतर किताब मा कव्हासे, परमेस्वर ना मोरो मालीक लक कव्हयो।

लूका 22:69

पर अता मानूस को टूरा सबा लक मोठो, ताकत को परमेस्वर को उज्जो बस्यो चोवने।

पेरीत 2:34

दाऊद सरग पर नही चाघयो पर उ खुदच कव्हसे, पिरभू न मोरो पिरभू लक कहीस, मोरो उजो बस,

पेरीत 7:55

पर पवीतर आतमा लक पूरो भरके स्तिफनुस सरग कन चोवत रहयो, वोना चोवयो का परमेस्वर की महिमा ला अना परमेस्वर को उजो कन उभो यीसु ला।

रोमियो 8:34

मंग कोनी सेत जोन अमीला दन्ड को हुकूम देहेत? यीसु मसीह सेत जोन मर गयो होतो। अना मुरदा लक जित्तो भई सेत। अना परमेस्वर को जेवनो कना सेत। अना उ आमरो लाय निवेदन करा सेत।

रोमियो 8:6

तन मा मन लागवनो तो मिरतू सेत, पर पवीतर आतमा मा मन लगावनो जीवन अना सान्ती सेत।

2 कुरिन्थियो 4:18

काहे की जोन आमी ध्यान लक चोवसेजन ओना पर नही, लेकिन नही चोवन वारा चीज गीन पर आमरो ध्यान लगावा राखासेजन। का चोयो जाय सकसे, केवल एक बेरा को लाई रव्हसे, लेकिन अन चोवो चीज हरामेसा लाई रव्हसे।

इफिसियो 4:10

अना उ जो उतरी से यो वाच से जोन सबच बादल गीन लक भी वरता चघ गयो की सबच काही पूरो कर देहे।

इफिसियो 5:22

ओ बायकोहुन आपरो-आपरो घरवालो को आसरीत रव्होने, जसो की तुमी पिरभु को आसरीत सेव।

कुलुस्सियो 2:20

जबकि तुमी मसीह को सँगा संसार को जूनो सिक्सा लक मर गया सेव, ता मंग कायलाई उनका जसो जोन संसार का सेत जिंदगी बितावासो? तुमी असी उसुल गीन को वस मा काहे रव्हसो।

कुलुस्सियो 3:2

धरती को नही पर सरग को चीज गीन की बिचार मा रव्हो

इब्रानियो 1:13

अना कोन तो देवदूत ला उ असो कव्हयो होतो की, “मी तोरो बैरी ना तोरो पाय खाल्या ओयना देहिन मोरो उज्जो कना बस।”

इब्रानियो 1:3

उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

इब्रानियो 10:12

पर यो मानूस तो पाप को एवज मा हमेसा काजी एकच बलिदान चघायके परमेस्वर को जेवनो कन बस गयो।

इब्रानियो 12:2

आमरो बिस्वास को नेता अना वोला पुरो लक उसे सिद्ध करन वालो यीसु पर नजर लगावो। जोनला आपरो समोर हाजिर आँनद को लाय कूरूस मा दुख झेलयो, वोको लाजको कोनी चिंता नहीं होतयो। अना परमेस्वर को सिंघासन को उजो हातमा बस गयो।

इब्रानियो 8:1

यो गोस्टी को सार यो सेत का, आमरो एक असो महायाजक सेत। जोन सरग मा मोठो गौरव को काबिल परमेस्वर को सिघासन को उजो कन बिराजमान भई गयो।

1 पतरस 3:22

यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत।