कुलुस्सियो 2:18 - सत मारग पर चलन वारो किताब

¹⁸ कोनी मानूस आत्म हीनता अना सरगदूत गीन की पूजा पाठ करायके तुमला साजरी दौड़ को ईनाम लक छुछो नोको करेत। असो मानूस चोवयो हुयो गोस्टी मा लगयो रव्हसे अना आपरी आँग को अक्ल पर बेकार मा फुलसे,

कुलुस्सियो 2:18 ပူးပေါင်းရင်းမြစ်များ

मत्ती 24:24

काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से।

रोमियो 1:25

काहेका उनना परमेस्वर को खरो को बदला मा, खोट ला अपनायो से। अना संसार को चीजगिन को भगती-सेवा करीन, ना की दुनिया बनावन वारा परमेस्वर को। आमेन।

रोमियो 16:18

आपरो पोट को सेवा करनवारा, अना चिकनो-चिकनो साँग के सिदो-सादो मन को लोकगीन ला बहकानवारा, असो लोकगीन पिरभू यीसु मसीह को सेवा नही करा सेस, पर वय आपरो सेवा करसेस।

1 कुरिन्थियो 13:4

माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत।

1 कुरिन्थियो 3:3

अबा तुम यो दुनिया को लोकगिन को जसो रव्हासेव। जबा तुमी मा ईरसा होवा सेत। अना तुमी एकमेक लक झगड़ा करा सेव। का एकोलक साबीत होवा सेत का तुमी यो दुनिया लक संबंध लक जी रहयो सेत।

1 कुरिन्थियो 4:18

काही लोकगीन घमंडी भई गई सेत। उनला असो लगा से, जसो मी उनको कठा आवनवालो नही सेऊ।

1 कुरिन्थियो 4:6

अपरो हित को लाय, मोरो संगीहुन! मिना अपोलुस अना मोरो उदाहरन लक यो गोस्टी सबा पर लागू करीसेऊ। जोन लक सबा सिक्सा आन के साजरो लक नियम को पालन करहेत। तुमीला कोनी पर गरब करनो अना कोनी ला नीच नही समजनो पाहिजे।

1 कुरिन्थियो 8:1

अबा मुरत गीनको पुड़ा चघायो हुयो बली को बारेमा, आमी जाना सेजन, अना आमी सक्ड़िया मानूस ला यो मालूम सेत। पर पिरेम लक सबको उन्नती होवासेत, पर गियान गरब ला पैदा करा सेत।

1 कुरिन्थियो 9:24

का तुमला नही मालूम सेत, का धावन को मैदान मा सबच धावासे, पर कोनी एक ला ईनाम मीलासेत। मजे तुमी असो धावो का ईनाम तूमी ला भेटे।

2 कुरिन्थियो 11:3

पर मी डरावा सेव का जसो सरप न अपरी चलाकी लक हव्वा ला बहकायो वसोच तुमरो आतमा वोना सीधो अना पवीतर लक जोन मसीह को संग रव्हनो चाव्हसे कदी खराब नोको कर दे।

2 कुरिन्थियो 12:20

काहेका मोला असो भेव सेत, का कदी असो तो नही भई जाय, का मी आय के ना जसो मी तुमी ला चोवनो चव्हासू वसो तुमी मोला नही भेटयो, अना तुमरो मा लडाई रार जलन चुगली अना गरब होहे।

इफिसियो 4:17

एकोलाय मि यो कव्हसू अना पिरभु मा चिताव सेव की जसो खोटो काम करनवालो आपरो मन को बेकार बिचार पर जीवन करत होतीन, तुमी वसो नोको जीवन करने,

इफिसियो 5:6

तुमला कोनी कोरी गोस्टी लक नोको ठगेह, कायसेकि एनेच गोस्टी को कारन लक हुकूम ला नही मानन वालो पर परमेस्वर को गुस्सा कोप भई जासे।

फिलिप्पियो 3:14

निसाना कना धाव रहीसेऊ का उ ईनाम पाहुँ जोको लाई परमेस्वर ना मोला मसीह यीसु मा वरता हाकलीसेस।

कुलुस्सियो 2:23

ऐना बिधि बिधान मा आपरी मनसा को कनलक बनायी गयी भक्ति को रिती, अना आतमा हीनता अना देह को योगाभ्यास को मरजी लक गियान को नाव ता से, पर सारिरीक लालसागीन ला रोकनो मा एना लक कोनी फायदा नही होवासे।

कुलुस्सियो 2:4

यो मि एकोलाय कव्हसू की कोनी मानूस तुमला ललचानवारी गोस्टी लक धोखा नोको देहे।

कुलुस्सियो 2:8

सतरक रव्होने की कोनी तुमला ओना संसार को गियान अना बेकार छल लक आपरो सँगा नोको कर लेहे, जोन मानूस को उसुल गीन अना संसार की जुनो सिक्सा को जसो से। पर मसीह को जसो नही।

1 तीमुथियुस 1:7

अना मोसे को नियम को गुरु होवन चाव्हत होतीन, पर जोन गोस्टी कव्हत अना जिनको पिक्को रुप लक साँगत होतीन, उनला समझत भी नही।

1 तीमुथियुस 4:1

पर आतमा ला साजरो लक चोयके कव्हसे का अना आवन वालो बेरा मा केतरा लोक भरमावन वारो आतमा गीन अखिन बुरो आतमा की सिक्सा गीन पर मन लगायके बिस्वास लक बहेक जाहे।

2 पतरस 2:14

उनको डोरा छिनालापन लक भरयो सेत। अना उनला कधीच नही मिटनवारा पाप करन लाय को भूक आहेत। वय कमजोर आतमा ला मोहित करतत। उनको मन ला लोभ को सिक्सा मिल्यो सेत। वय सराप को सन्तान सेत।

1 योहन 2:26

मिना यो गोस्टी तुमला उन लोकहुन को बारे मा लिखयोसेऊ, जोन तुमला भरमावन को तक्का मा रव्हसेत।

परकासित वाक्य 12:9

तबा ओनो पंखा वालो सरप ला-ओना जुनो सरप ला, जोन सैतान कहलावासे अना जोन जगत को सबच रव्हनवारा गीन ला भरमाव से। वोला वोको संगी गिगन को संग धरती पर फेंक दियो गयो।

परकासित वाक्य 13:14

येना अदभूत काम दिसावन को ताकत ओनो जनावर पुढ़ा भेटयो होतो। अना धरती को रव्हन वालो गिनलक दगाबाजी करत होतो। अना उनला कव्हत होतो। की ओनो जनावर को मुरत बनाव, जेनको पर तलवार को निसान सेत अना वा दुबारा जित्तो होय गयो से।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।

परकासित वाक्य 19:10

अना मी वोको अराधना करन लाय वोको पाय मा पड़ गयो। पर उ मोरो लक कहयो, आयक! असो कायलाय करतत? मि ता तोरो अना तुमरो भाऊगीन को जसोच, जोन मसीह यीसु को गवाही सेत, “उनको संगी सेऊ, परमेस्वर ला डोस्का टेको! काहेकि मसीह यीसु को बारे मा गोस्टी साँगनो च भविस्यवानी को आतमा से।”

परकासित वाक्य 3:11

मी लगत लवकर आवा सेऊ। जोन कही तुमरो जवर सेत, वोमा डटो रव्हो, जोनलक तुमरो जीत को मुकुट कोनी तुमरो लक ना ले लेवे।