कुलुस्सियो 1:27 - सत मारग पर चलन वारो किताब

²⁷ परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 1:27 ပူးပေါင်းရင်းမြစ်များ

मत्ती 13:11

जवाब मा यीसु ना उनलक कव्हयो “सरग राज को लुकयो भेद ला जानन को हक बस तुमरो च जवर सेत उनला नही।”

लूका 17:21

लोक यो नही सांगासे ता चोवो उ यहान से उता सेत, काहेका परमेस्वर को, राज तुमारो बीच मा सेत।”

योहन 14:17

मजे खराई को आतमा, जेनला ना तो जगत अपनाव सकासे, ना ओला जानासे, काहे की उ तुमरो संग च रव्हासे अना तुममा च होहे।

योहन 14:20

उ दिवस तुमी जानने की मि आपरो बाबूजी मा सेव, अना तुम्हि मोरो मा सेव अना मि तुमरो मा सेव।

योहन 14:23

यीसु ना जवाब देईस, अदी कोनी मोरो लक माया राखेह, ता उ मोरो सबद ला मानेह। अना मोरो बाबूजी ओको लक माया राखेह, अना हमि ओको जवर आवबिन अना ओको सँग रव्हबिन।

योहन 17:26

मिना तोरो नाव उन लोकगीन ला साँगयो, अना साँगतो रहुँ। की जोन माया तुना मोरो लक करीसेस, वोच माया उनमा रव्हे। अना मि उनमा रहुँ।

योहन 6:56

जोन मोरो माँस खावासे अना मोरो खून पिवासे, उ मोरो मा अडिग बनयो रहोसे, अना मि ओमा बनयो रहुसु।

रोमियो 11:33

आहा! परमेस्वर को धन अना अक्ल अना गियान कितरो गंभीर सेत! वोको बिचार कसो अथाह अना वोको रस्ता ला कोनी नही जान सकासेस।

रोमियो 2:4

मंग तू वोको मोठो दया अना धिरज लक सहन करनो ला हीन मानतत। अना तु यो गोस्टी को कन धियान नही देवा सेत। का वोको दया तोला पाप सोड़न को लाय मौका देवा सेत।

रोमियो 5:2

उ अमिला परमेस्वर को किरपा मा बिस्वास को लका आनयो सेत जोनमा अमी अबा सेजन। अना अमिला असो आस सेत का परमेस्वर को महीमा मा आमरो हिस्सादारी सेत।

रोमियो 8:10

यदि मसीह तुमी मा रव्हा सेत, तो पाप को कारन देह मरयो हुया सेत। तर परमेस्वर को सूटकारा को नेक कानून को कारन पवीतर आतमा तुमरो जीवन मा सेत।

रोमियो 9:23

जोन लक उ उन लोक गिन को फयदा को लाय, जोनला दया को लाय बनायो होतो, अना जोनला वा आपरो महिमा करन लाय बनायो होतो। उनमा आपरो महिमा चोवा सके।

1 कुरिन्थियो 3:16

का तुमी नही मालूम सेत का तुमी परमेस्वर को मंदिर सेव? अना परमेस्वर को आतमा तुमी मा रव्हसे।

2 कुरिन्थियो 2:14

पर परमेस्वर को धनवाद होय, जोन मसीह को कन लक अपरो जीत को खुसी मा हमारो देख-रेख करत होतो। अना हमरो कन लक अपरो अक्कल की मीठ्ठो खुसबू हर जघा फैलावा से।

2 कुरिन्थियो 4:17

काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे,

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

2 कुरिन्थियो 6:16

मुरती को पूजा करनवारा को जित्तो परमेस्वर को मंदिर लक काजक लेवनो-देवनो सेत। “काहेका आमी जित्तो परमेस्वर को मंदिर सेजन। जसो परमेस्वर ना खुदच मी आपरो लोकगीन को संग आपरो घर बनाहिन अना उनको बीच मा रव्हिन। अना मी उनको परमेस्वर रव्हिन अना वय मोरो लोक कहलायेत।”

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

गलातियो 4:19

मोरो चहेतो लेकरा। जबा तकन तुममा मसीह को स्वरुप नही बन जावा। तबा तकन मि तुमरो लाई मंग जच्चा की पीड़ा सह रही सेव।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 2:22

जोन मा तुम आतमा लक परमेस्वर को रव्हन वालो जघा होवन साठी एक सँग बनाया जावोसो।

फिलिप्पियो 4:19

मोरो परमेस्वर भी आपरो ओना धन लक जो महिमा सकट मसीह यीसु मा से तुमरो हरेक जरुरत ला पूरी करेत।

कुलुस्सियो 1:5

जबा खरो साजरा बारता पयले तुमरो कठा आयो, तो तुमीना आस लक आयकीस। अना तुमरो भरोसा अना पिरेम वोना चीज़ मा नीव पडयो सेत जोन तुमी आस करासेव। जोन सरग मा तुमरो लाय सुरक्सित ठेवो जावासेत।

कुलुस्सियो 2:3

जिनमा बुध्दि अना गियान को सप्पा धन छुपयो रव्हसेति।

कुलुस्सियो 3:11

ओमा ना ता परजात न काही यहूदी से न खतना ना काही खतनावालो, न जंगली, न कारो पानी मा रव्हनवारा न दास अना न छुट्टो: केवल मसीह सब कुछ अना सब मा से।

1 तीमुथियुस 1:1

पौलुस ला अखिन जोन हमरो पाप मोचक परमेस्वर अना हमारो आस को अधार मसीह यीसु को हुकूम लक मसीह यीसु को पेरीत से।

इब्रानियो 6:19

यो आस आमरो आतमा को लाय एक मजबूत लंगर को जसो सेत। जोन पड़दा को वोनागन भीतर सरग को मंदिर मा पहुचावा सेत।

1 योहन 4:4

ओ लेकराहून तुमी परमेस्वर का सेव तुमी ना उन पर जीत पायासेव काहेका जोन तुमी मा से उ ओकोलक जोन संसार मा से, मोठो से।

परकासित वाक्य 3:20

आयको, मि देहरी मा उभो होयके किवाड़ ला खटखटायसू। अदी कोनी मोरी आवाज आयक के किवाड़ उघाड़ेत, ता मि उनको घर मा धसू, उनको संग जेहुँ। अना वय मोरो संग जेहेत।