कुलुस्सियो 1:23 - सत मारग पर चलन वारो किताब

²³ अदी तुम भरोसा को नीव मा पक्को रूप लक बनो रव्हो अना वा साजरा बारता को आस ला जोन तुमी आयकु सेव, नही छोड़यो, जोनको परचार बादल को खाल्या, सारो दुनिया मा कव्हयो गयो अना वोको दास मी पौलुस बनीसेव।

कुलुस्सियो 1:23 ပူးပေါင်းရင်းမြစ်များ

मरकुस 16:15

अना यीसु उनलक कहीस, “तुमी सप्पा संसार मा जायके सप्पा लोकगीन ला साजरो बारता सांगो।

लूका 22:32

पर मी तोरो लाय पिराथना करूसेव का तोरो भरोसा, ना चलो जाय, अना जबा, तु वापस आवजोस, ता आपरो संगी भाऊ गीनला थामजोस।

लूका 6:48

उ वोनो मानूस को जसो से जोन घर बनावतो बेरा मा धरती ला खोदकर गहेरी करके ना वोना चट्टान मा पाया डाकीस अखीन जबा पूरा को धार वोना घर मा लगी अना वोनो घर ला नही हलाय सकीस काहेकी उ घर पक्को बनयो होतो।

योहन 15:6

अदी कोनी मोरो मा बनो नोको रव्हेत, ता उ डार को जसो फेक दियो जावासे, अना सूक जावासे, अना लोक गीन उनला एकठ्ठो करके स्तो मा झोक देवासेत, अना वय जर जासेत।

पेरीत 1:17

जोनको को बारेमा, पवितर गिरंथ को उ लेख जोनला राजा दाऊद को टोन्ड लक पवितर आतमा ना लगत पयलेच कव्हयो होतो। ओको पूरो होवनो जरुरी होतो। का उ आमरो च सग गिनो जाहेत, अना यो सेवा मा वोको भी हिस्सा होहेत।

पेरीत 1:25

जोन यहूदा जघा होतो वहान वा चले गयो, अना आपरो जघा सोड़ दियो, अबा एक पेरीत को रुपमा सेवा को यो पद ला कोन अपनायेत।

पेरीत 1:8

पर जबा पवीतर आतमा तुमी पर आहे तबा तुमी ताकत पावने, अना येरुसलेम, सप्पा यहुदिया अना सामरिया मा, यहान तकन का धरती को छोर तकन तुमी मोरो गवाह ठहरने।”

पेरीत 11:23

उ उता जायके अना परमेस्वर को दया चोवके खुसी लक भर गयो; अना सबला सिक्सा देइस, का देह-मन लक पिरभू लक लिपटो अना बिनती करत रव्हो।

पेरीत 14:22

अना उनको आतमा ला अडिग करके बिस्वास मा बनयो रव्हन लाय यो सांगके सिकायो का अमिला मोठयो दुख झेल के परमेस्वर को राज मा धसनो सेत, मंग वय लुस्तरा मंग इकुनियुम अना अन्ताकिया नगर ला लवटके आइन।

पेरीत 2:5

वहान यरुसलेम सहेर मा दुनिया को सबच देस-देस को भक्त यहूदी रव्हत होतिन।

पेरीत 20:24

पर मी जान ला किमती नही समझसू। मी तो बस उ दौड अना वोकी सेवा ला पूरी करनो चाव्हसू। जोन मोला पिरभू यीसु देइसेस। उ यो से का परमेस्वर को दया मा गवाही देवनो।

पेरीत 26:16

परन्तु तु उभो होय, अना अपरो पाय पर उभो होय, मी तोरो पूड़ा एकोलाय परगट भयी सेऊ, का तोला मी एक दास को रूपमा ठैयराउ। अना जोन काही मोरो बारेमा तूना चोविसेस। अना जोन काही तोला चोवाहिन, वोको गवाही रहेत।

पेरीत 4:12

अना कोनी दुसरो मानूस लक बचाव नाहती से, काहेकी पूरो संसार मा मानूसगिन, ला कोनी दुसरो नाव नही देई सेस, जेनको लक आमरो, सूटकारा होय सके।

रोमियो 10:18

पर मी कव्हसू, का उनना नही आयकिन? जरूर आइकिसेस; काहेका लिख्यो सेत, “उनको आवाज सारो जगत मा, अना उनको बचन धरती को छोर तकन पहुच गयो सेत।”

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

रोमियो 2:7

काही लोकहुन साजरा करतत, अना मान गौरव, अना अमर जिंदगी चाव्हा सेत। परमेस्वर उनला अमर जिंदगी देहेत।

रोमियो 5:5

अना आस अमिला निरास नहीं होन देवा सेत। काहेका पवितर आतमा कन लका जोन अमिला दियो गयो सेत। परमेस्वर को पिरेम आमरो हिरदय मा, उबड़ायो गयो सेत।

1 कुरिन्थियो 15:58

एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।

1 कुरिन्थियो 3:5

अखट्ट मा, अपोलुस कउन सेत? अना पौलुस कोन सेत? अमी केवल परमेस्वर को सेवक सेत। जोनको लक तुम्ही बिस्वास करन को लाय तैयार भयी सेव। आमरो लक हरेक वोच काम करा सेत, जोन काम पिरभू ना उनला दियो होतो।

2 कुरिन्थियो 10:1

मी उ पौलुस जोन तुमरो पुड़ा गरीब सेव पर पाठ को मंघा तुमरो कन हिम्मत करके बिनती करासेऊ तुमला मसीह की कोमलता अना दयालुपन को कारन समझासेउ।

2 कुरिन्थियो 11:23

का वोच मसीह को दास सेत? मी बैताड को जसो कव्हसू मी उनलक मोठयो सेव। जादा मेहनत करनो मा, बार-बार जेल जानो मा, कोडा लक मार खानो मा, बार-बार मरते-मरते बचनो मा,

2 कुरिन्थियो 3:6

जोनना अमीला नवा करार को दास होवनको काबिल बनाइसेस, यो लिख्यो करार नाहती पर आतमा को करार सेत काहेका लिखयो सबद मारसेत पर आतमा जित्तो करासेत सेत।

2 कुरिन्थियो 4:1

यीसु को दया लक परमेस्वर ना अमीला यो सेवा करन काजी देइसेस, अना एकोलाय आमी बेआस नको होहे सेजन।

2 कुरिन्थियो 6:1

परमेस्वर को संग हमारो काम मा, मंग हमी तुमरो लक बिनती करतत, का कोनी परमेस्वर की किरपा पायके उ नास होय जाहे।

गलातियो 4:11

मोला भेव से, कहीं असो न होयहेत की मिना तुमी लोकगीन को बीच मा बेकार मेहनत करीसेव।

गलातियो 5:5

काहेका आतमा लक आमी भरोसा लक आस कियो हुया, धरमिपन को रस्ता चोविसेजन।

गलातियो 5:7

तुमी लोक साजरो उन्नती कर रहया होतत। तुमी लोकगीन ला कोन ना पुढ़ा बढ़नो लक रोकिस की तुमी खरो गोस्टी ला नोको मानो?

गलातियो 6:9

आमी भलाई करत-करत हिम्मत न हारबिन काहेकि अदी आमी पक्को बनी रहबिन तो बेरा आवनो पर जरुर फसल कापबिन।

इफिसियो 1:18

मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से।

इफिसियो 2:21

जोको लक सप्पा बनयो हुयो काम एक सँगा मिलके पिरभु मा एक पवीतर मंदिर बनतो जावसे,

इफिसियो 3:17

अना भरोसा लक मसीह तुमरो दिल मा निवास करेत, तुमी जड़ अना पाया माया टिकेहेत।

इफिसियो 4:16

जोको लक सप्पा बदन, सप्पा जोड़ मा एक सँगा बँधके अना संची होयके, सप्पा बदन को बेस तरीका लक ओमा होवासे, आपरो आप ला बढ़ावसे, अना माया मा तरक्की होवासे।

कुलुस्सियो 1:25

अना मोला परमेस्वर लक कलीसिया को दास बना दियो गयो सेत। जोनना मोला यो काम करन को लाय आपरो काम दियो सेत। यो पूरो रीत लक अपरो खबर साँगन को काम सेत।

कुलुस्सियो 2:7

ओमाच जड़ धरता अना बढ़ता जावने अना जसो तुमी सिकाया गया वसोच मा भरोसा मा पक्को होवतो जावने, अना लगत धनवाद करत रव्हने।

1 थिस्सलुनीकियो 3:3

जेनको लक एना दुख लक कोनी भी इतानी-उता नही होय जाव, तुमी खुदच जाना लेईसेव का हमी एको लाई ठहराया गईसेजन।

1 थिस्सलुनीकियो 3:5

एना कारन जबा मोरो लक अखीन न सहयो गयो त मीना तुमरो भरोसा की घटना जानन लाई धाड़ियो, काही असो नही होवा का परखन वालो न तुमरी परिक्सा करी रहेस अना हमारो महेनत बेकार भय जाहेत।

1 थिस्सलुनीकियो 5:8

पर एकोलाय का हमी दिवस का सेजन आव हमी भरोसा अना पिरेम को कवच अना सूटकारा की आस को टोप पहेर के तैय्यार रव्हबिन।

2 थिस्सलुनीकियो 2:16

आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस।

1 तीमुथियुस 1:12

मि आपरो पिरभु यीसु मसीह को जोन ना मोला ताकत देईसेस, बिनती करुसेऊ की ओना मोला बिस्वास लायक समझ के आपरो सेवा को साठी ठहराईसेस।

1 तीमुथियुस 2:7

मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

तीतुस 3:7

जोको लक आमी ओको दया लक धरमी ठहरायो, अमर जीवन को आस को वारिस बनायो गयो सेजन।

इब्रानियो 10:38

पर मोरो न्यायी जन भरोसा लक जित्तो रहेत, अना उ मघा हट जाय तो मोरो मन वोको लक खूसी नही होयेत।”

इब्रानियो 3:14

अदी आमी आपरो पयलो भरोसा पर आखीर तकन मजबूत बनो रव्हसेत तो आमी मसीह को हिस्सादार बनयो सेत।

इब्रानियो 3:6

पर मसिहा तो टूरा जसो परमेस्वर को घराना को वारिस सेत। अदी आमी आपरो भरोसा अना आस मा घमंड ला आखीर तकन मजबुति लक थाम सेजन त हमच वोको घराना सेजन।

इब्रानियो 4:14

परमेस्वर को टूरा यीसु आमरो मुखिया याजक से। जोन सरग लक आयो से, अना लवट गयो। एकोलाय अमी आपरो बिस्वास को बचन ला मजबूती लक धरयो रहबीन।

इब्रानियो 6:19

यो आस आमरो आतमा को लाय एक मजबूत लंगर को जसो सेत। जोन पड़दा को वोनागन भीतर सरग को मंदिर मा पहुचावा सेत।

1 पतरस 1:3

धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस।

1 पतरस 1:5

तुमरो बिस्वास को लाई, परमेस्वर की ताकत, तु मरो वोना सूटकारा को लाय सुरक्सित राखासेत। जोन अबा लक सेत, अना आखीर मा परगट होवन वालोसेत।

1 योहन 2:27

पर तुमरो उ अभिसेक जोन ओको कन लक करयो गयो, तुमी मा बनयो रव्हसे; अना तुमला ऐको मकसद नही का कोनी तुमला सिखाहे वरन जसो उ अभिसेक जोन ओको कन लक करयो गयो तुमला सबच गोस्टी सिकावासे, अना यो खरो से अना खोटो नहाती; अना जसो ओना तुमला सिकायो से वसोच तुमी ओमा बनयो रव्हसो।

परकासित वाक्य 2:10

उन दुख तकलीफ लक तू नोको डराय जोन तोला झेलनो सेत। आयको सैतान तुम लोक मा काही ला जेलमा डाखेत जोनलक तुमरो परिक्सा लेहेत। अना तुमला यो दुख दहा दिवस तकन भोगनो सेत। चाहे तोला मौत आ जाय, पर सच्चो बनेयो रव्जोस। अना मि तोला अमर जीवन को जीत को मुकुट देहिन।