कुलुस्सियो 1:19 - सत मारग पर चलन वारो किताब

¹⁹ काहेका यो परमेस्वर को खुद को फैसला होतो, का टूरा खुद पूरो जनमन परमेस्वर सेत।

कुलुस्सियो 1:19 ပူးပေါင်းရင်းမြစ်များ

लूका 10:21

वोच बेरा उ पवीतर आतमा लक खुसी मा भर गयो अना कव्हसेत, “हे बाबूजी, सरग अना धरती को मालीक, मि तोरो धनवाद करासू, का तूना यो गोस्टी ला, मोसे को नियम को गुरू अखीन समजदार लक लुकाके राखिसेस। अखीन नहानो लेकरा गीन पर, उजागर करीसेस। हाँ हे बाबूजी तोला, असोच साजरो लगिसेस।”

योहन 1:16

काहे का वोको मोठयो दया लक एक नही पर आमी ला दुई बार दया मिलि से।

योहन 3:34

काहे की जोनला परमेस्वर ना धाड़ीसेस उ परमेस्वर की गोस्टी कव्होसे, काहे की उ आतमा नाप-नाप के नही देवासे।

1 कुरिन्थियो 1:21

काहेका जबा परमेस्वर को गियान को लक दुनिया, परमेस्वर ला नही जानिन, तबा परमेस्वर ला यो साजरा लगयो का परचार को मुरखता को लक, भरोसा करनवारा ला सूटकारा दे।

इफिसियो 1:23

कलीसिया मसीह की तन से, मसीह को सबरो रुप से, जोन सब काही सब तरीका लक पूरो रुप तक धाड़ देसे।

इफिसियो 1:3

आमरो पिरभु यीसु मसीह को बाबूजी अना परमेस्वर धन्य होय। जेना आमीला मसीह मा सरगीय जघा मा सप्पा परकार की आतमिक आसिरवाद देईसेस।

इफिसियो 1:5

आमरो पुढ़ा ओको जो पिरेम से ओकोच काजी ओना यीसु मसीह को कन लक आमीला आपरो लेकरा को रुप मा आपनायो जान को लाई ठहरायीसेस। योच ओको मरजी होती अना योच ओको मकसद भी होतो।

इफिसियो 4:10

अना उ जो उतरी से यो वाच से जोन सबच बादल गीन लक भी वरता चघ गयो की सबच काही पूरो कर देहे।

कुलुस्सियो 2:3

जिनमा बुध्दि अना गियान को सप्पा धन छुपयो रव्हसेति।

कुलुस्सियो 2:9

काहेकि ओमा परमेस्वर की सप्पाच सिध्दता सप्पा देह लक रव्हसे।

कुलुस्सियो 3:11

ओमा ना ता परजात न काही यहूदी से न खतना ना काही खतनावालो, न जंगली, न कारो पानी मा रव्हनवारा न दास अना न छुट्टो: केवल मसीह सब कुछ अना सब मा से।