कुलुस्सियो 1:16 - सत मारग पर चलन वारो किताब

¹⁶ काहेका वोच मा सबा चीजगीन बनायो गयो सेत, चाहे वा सरग को होहे अना भूई को, चोवयो, अना बिनो चोवन वारा, का सिघासन, का सरकार, का राजा को अधिकार, सबचीज वोकोच लक वोको लाय बनायो गयो सेत।

कुलुस्सियो 1:16 ပူးပေါင်းရင်းမြစ်များ

योहन 1:10

उ दुनिया मा होतो, अना सप्पा दुनिया वोको लक जलम लेयी होती, तरी दुनिया को लोक गीनना वोला नही चिन्हो।

योहन 1:3

सबच काही वोकोच लक जलम भयो से, उनमा लक कोनी भी चीज वोको बगर जलम नही भयेव।

रोमियो 11:36

काहे का वोच को कन लक, अना वोच को लक अना वोच को लाय सब काही सेत। वोको महिमा सदा तकन होवत रवहे आमेन।

रोमियो 8:38

मोला मजबूत भरोसा सेत का नातो मिरतू, ना जीवन, ना सरगदूत ना नरक दूत ना अबा को बेरा, ना आवन वारा बेरा ना कोनी अचंभा ताकत, ना अधिकारी

रोमियो 9:5

वय जाहीर हिबरू घराना को सेत। अना मसिहा भी उनको च घराना को से। परमेस्वर जोन सबा पर सासन करा सेत, वोको हरामेसा बड़ाई होवे!

1 कुरिन्थियो 8:6

मंग आमरो कठा एकच परमेस्वर सेत, मजे परमेस्वर दआजी जेनना सब चीज ला बनाइसेस, अना उ आमीला भी बनाइसेस, एकोलाय उ आमरो भी पिरभू सेत, वोच यीसु मसीह सेत।

इफिसियो 1:10

परमेस्वर की असी योजना होती की सही बेरा आवनो पर सरग मा अना धरती मा को सबच चीजहुन ला मसीह मा संगरो जाहेत।

इफिसियो 6:12

काहेकि आमरो लड़ाई ता तन को लक नहाय, बल्कि सब लक मोठो मुखिया, अधिकारी अँधियारो को संसारिक ताकत अना दुस्टता राखन वालो आतमिक सेना लक से, जोन बादल मा रव्हसेत।

फिलिप्पियो 2:10

काहेका जोन सरग मा अना धरती मा अना पाताल मा से, वय सबच यीसु को नाव, पर टोंगरा टेकेत।

कुलुस्सियो 1:15

मसीह नही चोवनवारा परमेस्वर को चोवनवारा रुप सेत। उ पहलोटा टूरा से। जोन सबा बनायो गयो चीज लक साजरा सेत।

कुलुस्सियो 1:20

टूरा लक, परमेस्वर ना पूरो बिरह्मांड ला आपरो आप लवटान को फैसला करीसेस। परमेस्वर ना आपरो टूरा को रकत लक कूरूस मा मेल मिलाप बनाय अखीन यो काजी सरग मा अना धरती मा, सबा चीजगिन ला लवटा के आनेत।

कुलुस्सियो 2:10

अना तुमी ओमाच पूरो होय गया सेव जोन सप्पा सरकार अना अधिकार को वरता से।

कुलुस्सियो 2:15

अना ओना सब परधानता अना अधिकार ला वरता लक उतारके उनको खुल्लम खुल्ला तमासा बनाईस अना कूरूस को कन लक ओको पर जय को संगा ललकारीस।

इब्रानियो 1:2

परंतु या अखट्ट दिवस मा उ अमी लक आपरो टूरा लक बोलला, जोनला परमेस्वर ना सप्पा गोस्टी को वारिस बनाइसेस। वोनाच सप्पा दुनिया ला बनाइसेस।

इब्रानियो 2:10

फक्त इतरोच खरो च सेत, का जोनना सप्पा गोस्टी बनायो। अना वा सर्वां को रक्सन करयो, या साठी का वोना लगत सो टूरा-टूरी ला वोको गौरव वाटन साठी मसीह ला दुख देके पुरो करयो। अबा यीसु उनको सूटकारा ठैयरो अता कोन सेत?

1 पतरस 3:22

यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत।