कुलुस्सियो 1:13 - सत मारग पर चलन वारो किताब

¹³ वोना हमला इंधार को अधिकारी को ताकत लक छुड़ाय अखीन हमला अपरो चहेतो टूरा को राज मा सुरक्सित कर दियो सेत।

कुलुस्सियो 1:13 ပူးပေါင်းရင်းမြစ်များ

मत्ती 17:5

जबा उ असो कव्हच रहयो होतो, तबा एक पाँढरो, बादर न उनला ढाक लियो, अना उ बादल लक एक आवाज आयी यो मोरो एकच चहेतो, टूरा से, जेनको लक मी गजब खुसी सेव “एकी आयको!”

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

मत्ती 3:17

अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।”

लूका 13:24

सकड़ो किवाड़ लक, धसनो को पूरो-पूरो कोसीस करो, काहेकि मी तुमी ला कव्हसू, कोसीस करनो पर भी गजब लोकगीन धसन को लायक भी नही रहेत।

लूका 22:53

जबा मी मंदिर मा हर रोज तुमारो, संग होतो तबा तुमना मोला नही धरयात पर यो तुमारो बेरा से, वोका पर इन्धारो को अधिकार से। मतलब मोला मालूम से का सैतान मोरो, संग काजक करन वालो से।

योहन 17:24

हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।

योहन 3:35

बाबूजी टूरा लक माया राखासे अना ओना चीज ला जोन ओको जवर से टूरा को हात मा दे देसे।

योहन 5:24

मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।”

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

रोमियो 14:17

काहेका परमेस्वर को राज खावन-पिवन लाय नही, पर उ न्याय सान्ती अना खुसि को बारे मा सेत। जो पवीतर आतमा लक भेटा सेत।

2 कुरिन्थियो 11:14

यो काही अचंभा को गोस्टी नाहती, काहेका सैतान भी खुदच जग मंग तो सरगदूत को रुप धरसेत।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

इफिसियो 1:6

ओना असो एकोलाई करीस की उ आपरी महिमा वालो किरपा को काजी खुदच ला खुस करे। ओना आमीला जोन ओको चहेतो लेकरा मा से, छुट्टो भाव लक देयीसेस।

इफिसियो 4:18

उनको अक्कल अंधार भय गयी। वय परमेस्वर लक मिलन वारो जिंदगी लक दुहूर होय गयीसेत। काहेकि वय अगियानी अना उनको मन कठोर भय गयी से।

इफिसियो 5:5

कायसेकि तुमी पिक्को लक जानसेव का असो कोनी भी मानूस जोन दुराचारी सेत, अपवितर अना लोभी सेत, जो एक मुरतिपूजक होवन जसो से। मसीह को अना परमेस्वर को राज को वारसाना नही पाय सका।

इफिसियो 5:8

यो मि एकोलाई कव्ह रही सेउ का एक बेरा होतो जबा तुमी अँधार लक भरयो होतो पर अबा तुमी पिरभु को मंगा चलन वारा को रुप मा उजाड़ो लक भरपुरो होय। एकोलाई उजाड़ो को टूरा को जसो सुभाव करने।

इफिसियो 6:12

काहेकि आमरो लड़ाई ता तन को लक नहाय, बल्कि सब लक मोठो मुखिया, अधिकारी अँधियारो को संसारिक ताकत अना दुस्टता राखन वालो आतमिक सेना लक से, जोन बादल मा रव्हसेत।

1 थिस्सलुनीकियो 2:12

मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा मा हाकलासे।

इब्रानियो 2:14

उ लेकरागिन ला सांगतो, “यो लोकगिन मोरो स्वता को देह अना रक्त सेत, एकोलाय यीसु स्वता उनको सारखा भयो अखिन वोको स्वभाव मानूस सारखा भय गयो, यासाठी की वोना आपरो मरनो लक सैतान को नास करे।” जोन को मरनो मा हक सेत।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

2 पतरस 1:11

अना आपरो पिरभु अना तारनहार यीसु मसीह को अमर काल को राज मा तुम्हीला धसाहेत।

1 योहन 2:8

मि तुमला एक अखिन दुसरी नवी हुकूम लिख रही सेऊ। ऐना बिसय को सत्य मसीह को जिंदगी मा अना तुमरो जिंदगी हुन मा उजागर भयी से काहेकि अंधारो खतम होय रही से अना खरो उजियाड़ो ता चमक च रहयो से।

1 योहन 3:14

आमी जानबिन का आमी मिरतु लक पार भयके जिंदगी मा पहुचियो सेजन; काहेका आमी भाऊगीन लक माया राखासेजन। जोन माया नही राखासे उ मिरतु को हाल मा रव्हसे।

1 योहन 3:8

जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।