कुलुस्सियो 1:12 - सत मारग पर चलन वारो किताब

¹² अना खुसी-खुसी परमेस्वर बाबजी को धन्यवाद, जेना आमला यो काबिल बनायीसेस की जोनना तुमिला उजाड़ को राज मा आपरो पवीतर लोक गीन काजी राखिसेत, वोमा आपरो वारसाना हिस्सादारी राखन काजी साजरा बना दियो सेत।

कुलुस्सियो 1:12 ပူးပေါင်းရင်းမြစ်များ

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

योहन 14:6

यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।

योहन 20:17

यीसु ना कहीस, मोला नोको छुवस। काहेकि मि अबा तकन बाबूजी को जवर वरता नही गयो, पर मोरो भाऊ को जवर जावके उन लक सांग दे, की मि आपरो बाबूजी अना तुमरो बाबूजी अना आपरो परमेस्वर अना तुम्हरो परमेस्वर को जवर वरता जावासु।

योहन 4:23

पर वा बेरा आवासे पर अबा से वोमा खरो भगत सरग को दआजी की पूजा आतमा अना खराई लक करयेत। काहे का सरग को दआजि आपरो लाय असो ही भगत ला तपाससे।

पेरीत 20:32

अना अबा मी तुमला परमेस्वर को, अना वोको दया को वचन ला सौप देवासू। जोन तुमरी उन्नती कर सकसे, अना सब पवीतर किया गयो तुमरो लोकगीन ला वारसाना अधिकार दिलाय सकसेत।

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

रोमियो 11:17

यदि काही डगाली तोडके बेगरो कर दियो गयो सेत। अना तुमी गैरयहुदिगिन! जो बन जैतून सेव उनको जघा मा कलम लगायो गयो से अना जैतून को जड़ अना वोको चिकनाई को भागीदार बने।

रोमियो 15:27

उनला साजरा तो लग्यो, परअ वय उनको करजदार भी सेत, काहेका गैर यहुदी उनको आतमिक बात मा हिस्सादार बनिन, तो उनको यो फरज सेत। का देह को बारेमा उनको सेवा करे।

रोमियो 8:17

अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।

रोमियो 9:23

जोन लक उ उन लोक गिन को फयदा को लाय, जोनला दया को लाय बनायो होतो, अना जोनला वा आपरो महिमा करन लाय बनायो होतो। उनमा आपरो महिमा चोवा सके।

1 कुरिन्थियो 8:6

मंग आमरो कठा एकच परमेस्वर सेत, मजे परमेस्वर दआजी जेनना सब चीज ला बनाइसेस, अना उ आमीला भी बनाइसेस, एकोलाय उ आमरो भी पिरभू सेत, वोच यीसु मसीह सेत।

1 कुरिन्थियो 9:23

मि यो सब साजरो बारता को लाई कर रही सेव, जेनको लक मी दुसरो को संग यीसु को दया को हिस्सादार बन जाऊ।

2 कुरिन्थियो 11:14

यो काही अचंभा को गोस्टी नाहती, काहेका सैतान भी खुदच जग मंग तो सरगदूत को रुप धरसेत।

2 कुरिन्थियो 5:5

अबा जेना हमला एना गोस्टी को लाई तैय्यार करीसेस। उ परमेस्वर से जेना हमला बयाना मा आतमा देईसेस।

इफिसियो 1:11

सबच गोस्टी परमेस्वर को नियाव अना योजना को कन लक कियो जावसे। परमेस्वर ना आपरो निजि मकसद को काजी च हमला ओनोच मसीह मा संत बनन लाई बेचयो से। यो ओकोच कन लक भयो जेनला परमेस्वर ना सब लक सूरू लक पयलेच लक ठहरायीसेस।

इफिसियो 1:18

मि बिनती करूसेव की तुमरो मन को डोरा उघड़ जाहेत अना तुमी उजाड़ को दरसन कर सकने ताकि तुमला मालुम चल जाहे की उ आसा काजक से जेनको लाई तुमला ओना हाकलीसे। अना जेने उतराधिकार ला उ आपरो सबच लोकहुन ला देहे, उ केतरो बलवानना भरपुर से।

इफिसियो 2:18

काहेकि यीसु मसीह को कन लक यहुदी अना गैरयहुदी दुही एकच आतमा लक परमेस्वर बाबुजी को जवर धाड़ियो गयो।

इफिसियो 3:6

यो भेद से का यहुदीहुन को संगा गैरयहुदी भी संग वारिस सेत, एकच देह को आंग सेत अना मसीह यीसु मा जोन बचन आमला दियो गयी से, ओमा संग हिस्सादार सेत।

इफिसियो 4:6

परमेस्वर एकच से अना उ सबको बाबूजी से। ओच सबको मालिक से हर कोनी को लक उ कामकरन वालो से, अना हर कोनी मावाच समायो हुयो से।

इफिसियो 5:11

असो काम जोन अंधार लक भरयो सेत, उन बेकार को काम मा हिस्सा नोको बाटने पर उनको भाडा फोड़ करने।

इफिसियो 5:20

सबच कोनी गोस्टी को लाई आमरो पिरभु यीसु मसीह को नाव पर हमरो मोठो बाबूजी परमेस्वर को हरदम धनवाद करने।

इफिसियो 5:4

तुमी मा ना त घिनोनी भासा ला काम मा नही आननो चाहसे, ना मुरखताको गोस्टी या भद्दा हसी अना ठठ्ठा। यो तुमरो जसो नही से। लेकिन तुमरो बीच धनवाद च दियो जाहे।

इफिसियो 5:8

यो मि एकोलाई कव्ह रही सेउ का एक बेरा होतो जबा तुमी अँधार लक भरयो होतो पर अबा तुमी पिरभु को मंगा चलन वारा को रुप मा उजाड़ो लक भरपुरो होय। एकोलाई उजाड़ो को टूरा को जसो सुभाव करने।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

कुलुस्सियो 3:15

मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो।

कुलुस्सियो 3:17

गोस्टी मा या काम मा जोन काही भी करोह सब यीसु पिरभु को नाव लक करोह, अना ओको नाव लक परमेस्वर बाबूजी को धन्यवाद करने।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

इब्रानियो 12:23

परमेस्वर को पयलो संतानहुन, जोनको नाव सरग मा लिखयो सेत। उनको सभा को जवर पहुँच चुकयो सेव। तुम्ही सबको न्याय करनवालो परमेस्वर अखिन वोना नेक, सिद्ध मानूस को आत्माहुन,

इब्रानियो 3:1

एकोलाय पवीतर भाऊ अना बहिन हुन! तुमी सरग मा हाकलो जान को हिस्सादार सेव। यीसु पर धियान लगाव जोन आमी ला पेरीत अना मुखिया याजक मानिसेजन।

इब्रानियो 3:14

अदी आमी आपरो पयलो भरोसा पर आखीर तकन मजबूत बनो रव्हसेत तो आमी मसीह को हिस्सादार बनयो सेत।

याकूब 3:9

हम एकोच लक हमी पिरभू अना मोठो परमेस्वर की बड़ाई करासेजन अखीन एकोच लक जनमन परमेस्वर का जसो बनायो गयो मानूस ला भी सराप देवा सेजन।

1 पतरस 5:1

जोन तुमरो मा बुजरुक सेत। वोला मी यो निवेदन करसेऊ, का मी भी एक बुजरुक सेऊ अना मसीह को दुख को पुरुप देवासू, अना वोको गौरव मा सह भागी होवके तुम्हीला समझावसू,

1 योहन 1:3

जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।

परकासित वाक्य 21:23

नगर ला उजाडो देवन लाई न ता सुरज को जरुरत से, नाच चन्दा को काहेकि परमेस्वर को तेज ओला उजाड़ा देवासे अना खुदच मेढ़ा एको दियो से।

परकासित वाक्य 22:14

धन्य सेत वय, जो आपरो कपरा धोय लेसेत, काहेकि उनला जिंदगी को झाड़ को जवर आवन को हक मिलेह। अना वय बेसकुड़ लक होयके नगर मा धस जाहेत।

परकासित वाक्य 22:5

वहान अता लक रात होहेत नही। नाच ता उनला दियो को उजाड़ा को जरुरत होहे अना नाच सूरज को उजाड़ा, काहेका खुदच पिरभु परमेस्वर उनको उजाडो होहे। उ सदा राज करेहेती।