कुलुस्सियो 1:10 - सत मारग पर चलन वारो किताब

¹⁰ तब जब तुमी पिरभू को रुप मा जिंदगी बितान काबिल होवजोस अना हमेसा आपरो चाल चलन लक वोला खुस करजोस ता तुमरो जिंदगी मा सबा परकार को साजरो करम पैदा करबिन, अना तुमी परमेस्वर को गियान मा बढ़बिन।

कुलुस्सियो 1:10 ပူးပေါင်းရင်းမြစ်များ

योहन 15:16

तुम लोकगीन ना मोला नही निवाड़ो सेव पर मिना तुमला निवाड़ी सेव अना तुमला ठहराई सेउ की तुमी जायके फर आनो अना तुमरो फर बनो रहे। की तुम्हि मोरो नाव लक जोन काही बाबूजी लक माँगो, उ तुमला देहे।

योहन 15:8

मोरो बाबूजी की बड़ाई योच लक होवासे, तुम्हि लगत सा फर आननो, तबाच तुम्हि मोरो चेला कहलाने।

योहन 17:3

अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत।

रोमियो 1:13

मोरो संगी हुन का तुमीला हेत से? लगत बार मीना तुमरो जवर आवन को योजना बनयो। पर मी काय सांगू कहीना कही आड़-फाटा को करन मोरो आवनो फयिल भयि गयो। मी तुमरो संग बदलयो जीवन जिवनो चाव्हसू जसो यहुदीगिन संग जिवासू।

रोमियो 4:12

अबराहम खतना करन वालो को भी दआजी से। मजे, खतना करवान वालो को अलावा, बिस्वास को वोच जिंदगी ला भी जीवा सेत। जोन खतना करन लक पयले आमरो दआजी अबराहम ना जीयो होतो।

रोमियो 6:4

मंग आमरो बपतिस्मा लक अमी वोको संग दफनायो गयो अना वोको मौत मा साझा करयो, असो परकार लक जसो मसीह को दआजी, को सानदार ताकत लक मरनो लक जित्तो भयो। वसोच अमिला भि नवा जिंदगी भेटेत।

2 कुरिन्थियो 2:14

पर परमेस्वर को धनवाद होय, जोन मसीह को कन लक अपरो जीत को खुसी मा हमारो देख-रेख करत होतो। अना हमरो कन लक अपरो अक्कल की मीठ्ठो खुसबू हर जघा फैलावा से।

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

2 कुरिन्थियो 5:9

एको लाई हमारो आस योच से का संग मा रहवजन या अलग रव्हजन हमी वोला चाहतो लगासेजन।

2 कुरिन्थियो 9:8

परमेस्वर सब परकार को किरपा तुमला देव सकसेत। जोन लक हरेक बात मा हरेक बेरा मा, सबच काही जोन तुमला जरुरी सेत, तुमरो कठा रहेत अना हरेक साजरो काम काजी, तुमरो जवर लगत काही होहे।

इफिसियो 1:17

मि पिराथना कियो करुसेउ की हमरो पिरभु यीसु मसीह को परमेस्वर तुमला विवेक अना दैवीय दरसन की असी आतमा को ताकत देवासे जेकोलक तुमी ओनो महिमा वान मोठो बाबूजी ला जान सको।

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

इफिसियो 4:1

एकोलाय मि जोन पिरभु को होवन को काजी बन्दी बनो हुयो सेव, तुमी लक बिनती करुसेउ का तुमला आपरो जिंदगी वसोच जीवनो चाहिसे जसो का संतहुन को से।

इफिसियो 4:13

जबा तकन की आमी सबच भरोसा मा अना परमेस्वर को लेकरा को गियान मा एक नही होय जावबिन। अना पक्को मानूस ना बन जावबिन, अना मसीह को पूरो डीलडोल तकन न बढ़ जावबिन।

इफिसियो 5:10

हरेक बेरा यो परखन को जतन करो का परमेस्वर ला कोनतो गोस्टी खुस करासे।

इफिसियो 5:15

एकोलाय सतरक रवह, की तुमी कसी चाल चला सो। बेअकल को जसो नही बल्कि अकलवर को जसो चलोह।

इफिसियो 5:2

अना माया मा चलोह जसो मसीह ना भी आमी लक माया करीस अना आपरो खुदच ला परमेस्वर को कठा सुख देवनवारी खुसबुदार चढ़ावा बनके आमरो लाई परमेस्वर ला चढ़ाय देईसेस

फिलिप्पियो 1:11

ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।

फिलिप्पियो 1:27

एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना।

फिलिप्पियो 4:18

मोरो जवर सब काही से अना लगत से। तुमना इपफ्रुदीतुस को हात लक जोन दान धाड़ीसेव वोला पायके मि संतोस सेऊ। उ ता मन ला खुस कर देवन वालो खुसबु अना अपनायो जावन वालो बलिदान से, जोको लक परमेस्वर खुस होवासे।

कुलुस्सियो 2:19

अना ओना सब लक वरता परमेस्वर ला नही आपनावा से जेनको लक सप्पा देह जोड़गीन अना पाठ को कनलक पालयो पोसयो पायके अना एक संगा मिलके मोठो परमेस्वर को कना बड़त जासे।

कुलुस्सियो 2:6

एकोलाय तुमीना मसीह यीसु ला पिरभु करके अपनायो लेईसेव वसोच ओमा चाल चलत जावने।

कुलुस्सियो 3:20

हे टुरागीन सब गोस्टी मा आपरो माय दादजी को हुकूम पालन करोह। काहेकि पिरभु ला खुसी होवासे।

कुलुस्सियो 4:5

मौका ला बेस जानके बाहेर वारा गीन को सँगा सोच समझ के लक बेवहार करोह।

1 थिस्सलुनीकियो 2:12

मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा मा हाकलासे।

1 थिस्सलुनीकियो 4:1

अखट्ट मा अगा भाऊ हुन हमी तुमी लक पिरभू यीसु मा बिनती करके तुमला समझाव सेजन का, जसो तुमीना आमिलक काबिल चाल चलनो अना परमेस्वर ला खुस करन की सिक्सा पायासेव। अना जसो का तुमी सचमुच चला सेव। वसोच अखीन लगत बढत जावो।

2 तीमुथियुस 2:4

जबा कोनी योध्दा लड़ाई पर जासे त एको लाई का अपरी भरती करवावन वालो ला खुस करके अपरो जिंदगी ला संसार को काम गीन मा नही फसावासेत।

तीतुस 3:1

लोकहुन ला हेत दिलायो जाहे का सरकार को अना हक राखन वारा गीन को कब्जा मा रहेत। अना उनको हुकूम ला मनाहेत। अना हरेक साजरो काम काज लाय तइयार रहेत।

तीतुस 3:14

आमरो लोकगीन भी जरुरत को पुरा करन लाई साजरो काम मा लगयो रव्हनो सीकेत। मजे बिनफर नोको रहेत।

इब्रानियो 11:5

हनोक ला मरनार नाही यो गोस्टी मा बिस्वास होता। वोना ऐवज मा वोला परमेस्वर आपरो संग लेगयो। परंतु कोनीच वोला सापड़ा नहि सक्यो, यो कारन लक वोला लेजात होतिन। पवितर गींरथ सांग सेत का हनोक ला लेजावन को पयले वोना परमेस्वर ला खुस करयो।

इब्रानियो 13:16

भलाई करनो अना संग मा दया चोवानो ना भुलो, काहेकि असी बली लक परमेस्वर खुस होवासे।

इब्रानियो 13:21

तुमला सबा साजरो साधन लक भर देवे, जेनको लक तुमी वोको मनसा पूरो करो। अना यीसु मसीह लक उ आमरो भीतर वोना सब काही परगट करे जोन वोला भावासेत। ओकी महिमा सदा तकन बनयो रव्हे। आमिन।

2 पतरस 1:8

यदि यो गोस्टी तुमरो बीच्या मा रहेत, अना वाढत रहेत, तर तुम्ही पिरभु यीसु मसीह को, गियान पिराप्त करनो मा तुम्हाला फालतू निस्‍फल नाही होनार देहे।

2 पतरस 3:18

तुमी लोक आमरो पिरभु अना तारनहार यीसु मसिहा, को किरपा अना गियान मा बड़त रव्हो, वोको अता अना अमर काल तकन वोको गौरव होवत रव्हे। आमेन।

1 योहन 3:22

अना जोन काही आमी माँगासेजन उ आमला ओकोलक मिलासे, काहेका आमी ओको हुकूम ला मानासेजन अना जोन काही ओला साजरो लगासे वाच करासेजन।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।

3 योहन 1:6

जो माया तुमीना उन पर चोवीसेव ओन्हीसीन कलीसिया को पुढ़ा ओको गवाही देयि सेत। उनको यातरा ला बनाय राखन लाई किरपा लक उनको एने तरीका मदद करबिन जेनको सहमति परमेस्वर करासे।