पेरीत 5:31 - सत मारग पर चलन वारो किताब

³¹ ओला च परमेस्वर ना अगवा अना सुटकारा देवनवालो ठहरायके उजो हात कन राखीसेस, ताकी उ इसरायल गीन ला पाप छिमा अना मन मुरकान को मौका देहे।

पेरीत 5:31 ပူးပေါင်းရင်းမြစ်များ

मत्ती 1:21

अना मरियम टूरा ला जलम देहे, अना तु वोको नाव यीसु राखजोस, काहेका उ अपरा लोकगीन ला, उनको पाप लक बचा हेत।”

मत्ती 28:18

तबा यीसु ना, उनको जवर आयके सांगीस। मोला सरग मा अना धरती को पूरो अधिकारी बनायो गयो सेत।

मरकुस 2:10

पर जेनको लक तुम जान लेव की “मी मानूस को टूरा ला धरती पर पाप छिमा करन को भी हक से।” ओना ओनो लकवा को रोगी लक कहीस,

मरकुस 4:12

एकोलाय का “वय डोरा लक चोवयेत पर, उनला सुझाई नही पड़हेत, अना वय आयकेत, पर समझ मा नही आहेत, कही असो ना भई जात का वय परमेस्वर को कन मुड़ जाहेत, अना परमेस्वर उनला छिमा कर देहेत।”

लूका 2:11

आज दाऊद को नगर मा तुमरो लाय एक पाप मोचक जन्म लेईसे योच मसीह पिरभू से।

लूका 24:47

अना येरुसलेम लक सुरू करके सबच लोक गीनमा वोको नाव लक पाप की छिमा लाई मनफिरावन अना पस्तावा को परचार करयो।

योहन 4:42

अना सामरीगिन वा बाई ला बोलिन का, अता त आमी तोरो कव्हन लक भरोसा नही करबिन। आमी खुदच वोला आयक लेई सेजन। अना आमी जान सेजन, का उ खरो-खर मा संसार को बचावनवारो से।

पेरीत 11:18

यो आयक के उगा-मुगा रहीन अना परमेस्वर की बड़ाई करके कव्हन लगीइन “तबा ता परमेस्वर न गैरयहुदी लोकगीन को जीवन को लाई मन को पस्तावा को दान देईसेस।”

पेरीत 13:23

ऐना खानदान मा लक परमेस्वर न अपरी परन को जसो इसरायल लोक को जवर एक पाप मोचक यीसु ला धाडिस।

पेरीत 2:33

परमेस्वर को उजो हात कन सब लक वरता पद पायके यीसु ना परम अजी को वादा को अनुसार पवितर आतमा पायके अना मग वोने यो आतमा ला आमरो पर उबडाय देईस जोनला तुमी अबा देखासेव अना आयकसेव।

पेरीत 2:36

येको लाय पूरो इसरायल पक्को रूप लक यो जान ले का परमेस्वर ना यो यीसु ला जेनला तुमी न कूरूस मा चघायो होतो वोला पिरभू यीसु अना मसीह बनायो होतो।

पेरीत 2:38

पतरस न उनला कहीस, मन मुरकाओ, अना आपरो पापगिन की छिमा पावन लाई तुम मा लक हरेक ला यीसु मसीह को नाव लक बप्तिस्मा लेवनो पड़हेत। अना तुमला परमेस्वर को उपहार पवितर आतमा मिलहेत।

पेरीत 3:15

तुमीना जिंदगानी को रास्ता चोवन वारा ला मार डाकयात। पर परमेस्वर न वोला मरयो हुयो मा लक जित्तो करीस। हमी वोको पुरुप सेजन।

पेरीत 3:19

एकोलाय परमेस्वर को कन लौट जाव जोन लक उ तुमरो पाप हुन ला छिमा करेत।

पेरीत 3:26

अना परमेस्वर न अपरो दास ला बेचीस, अना तुमरो जवर धाड़िस, ताकि तुमला तुमरो खोटो रास्ता लक हटाय के आसीस देहे।

पेरीत 4:11

यो वाच गोटा से जोनला घर बनान वालो मिस्तरी गिनना नकारो बेकार समझ के हटायो होतिन वोच एक गजब जरूरी गोटा बन गयो।

2 कुरिन्थियो 2:10

जबा तुमी कोनी ला माफी देवा सेव, तो उनना जोन काही कियो सेत वोला मी भी माफ करा सेऊ। जबा मी छिमा करा सेऊ, ता सहीमा मी मसिहा को हाजीर मा माफ करा सेऊ। काहेका तुम पर सैतान को जोर नोको चले।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

फिलिप्पियो 3:20

पर आमरो रव्हन साठी जघा सरग मा से, जहान लक आमी सुटकारा करनवालो पिरभु यीसु मसीह को आवन को रस्ता बड़ी बेसबरी लक कर रहया सेजन।

कुलुस्सियो 1:14

जोन लक आमी ला सूटकारा मिलिसेत। मजे, हमारो पाप छिमा भई सेत।

तीतुस 1:4

तीतुस को नाव जोन भरोसा को भागी होवन लक मोरो खरो टूरा से। परमेस्वर बाबूजी अना आमरो बचावन वालो मसीह यीसु को कन लक तुमला दया अना सान्ती मिलत रव्हे।

तीतुस 2:10

चोरी चालाकी नोको करने, पर सबच परकार लक साजरो भरोसा करनवारा हिटेत, की वय सबच गोस्टीहुन मा आमरो बचावन वालो परमेस्वर को उपदेस को सोभा बढ़ाहेत।

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

इब्रानियो 12:2

आमरो बिस्वास को नेता अना वोला पुरो लक उसे सिद्ध करन वालो यीसु पर नजर लगावो। जोनला आपरो समोर हाजिर आँनद को लाय कूरूस मा दुख झेलयो, वोको लाजको कोनी चिंता नहीं होतयो। अना परमेस्वर को सिंघासन को उजो हातमा बस गयो।

इब्रानियो 2:10

फक्त इतरोच खरो च सेत, का जोनना सप्पा गोस्टी बनायो। अना वा सर्वां को रक्सन करयो, या साठी का वोना लगत सो टूरा-टूरी ला वोको गौरव वाटन साठी मसीह ला दुख देके पुरो करयो। अबा यीसु उनको सूटकारा ठैयरो अता कोन सेत?

1 पतरस 3:22

यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत।

2 पतरस 1:1

यीसु मसीह को दास अना पेरीत, सिमोन पतरस को यो चिठ्ठी, उन लोकगिन को नाव वरुन सेत। जोन ना आमरो परमेस्वर, अना बचान वालो यीसु मसीह को लक, आमरो जसो नीतिमान लक, बिस्वास को किमती वरदान भेटियो सेत।

2 पतरस 1:11

अना आपरो पिरभु अना तारनहार यीसु मसीह को अमर काल को राज मा तुम्हीला धसाहेत।

2 पतरस 2:20

अना जबा वय पिरभु तारनहार यीसु मसीह ला ओरख के दुनिया को अनेक परकार को असुद्धता पासुन मुक्त भयो आहेत। अना मग उनमा फसयो अना हार गयो सेत। उनको मंगा लक दसा पयलो लक वाईट भयी गयो सेत।

2 पतरस 3:18

तुमी लोक आमरो पिरभु अना तारनहार यीसु मसिहा, को किरपा अना गियान मा बड़त रव्हो, वोको अता अना अमर काल तकन वोको गौरव होवत रव्हे। आमेन।

1 योहन 4:14

आमिना चोय भी लियासेजन अना गवाही देसेजन का बाबूजी ना टूरा ला संसार को सुटकारा देवनवालो करके धाड़ीसेस।

यहूदा 1:25

हमरो पिरभु यीसु मसीह को कन लक हमरो परमेस्वर आमरो पाप मोचक की महिमा अना उचो नाव अखीन मोठो ताकत अना अधिकार, जसो अमर बेरा लक से। अबा तक होवासे अना जुगन जुग तक बनो रव्हे। आमेन!

परकासित वाक्य 1:5

अना यीसु मसीह कन लक जो भरोसा लायक गवाह, मरयो हुयो मा लक जी उचलनो मा पयलो, अना सारो जगत को राजा गीन को मुखिया से। तुमला किरपा अना सान्ती मिलत रव्हे। उ आमरो लक माया राखासेत, अखिन आपरो रकत लक अमिला पाप लक छुड़ायो से।