पेरीत 5:30 - सत मारग पर चलन वारो किताब

³⁰ तुमी लोकगीन न यीसु ला कूरूस काड़ी मा खील्ला ठोक के मार डाकिसेव। पर आमरो सायना गीन को परमेस्वर न उनला मरयो मा लक जित्तो करीस।

पेरीत 5:30 ပူးပေါင်းရင်းမြစ်များ

लूका 1:55

जसो कसम, हमरो बाप-दादा लक खायो होतो। का अबराहम अखीन ओको सन्तान पर, परमेस्वर को करुना सदा बनो रहेत।

लूका 1:72

का आमरो बाबूजी दादजी पर दया करके आपरी पवीतर वायदा ला हेत करयेत।

पेरीत 10:39

हमी सबच ओनो गोस्टीहुन को गवाह सेजन। जोन काम ओना यहूदी को देस अना येरुसलेम मा कियोसेस, अना वोच नासरत नगर को यीसु ला उनना कूरूस पर टँगाय के मार डाकीसेत।

पेरीत 13:33

यीसु को मर जावन को मघा वोला दुबारा जित्तो करके उनको सन्तान गिन को लाय परमेस्वर ना वाच वायदा ला हमरो लाई पूरी करयो। जसो की भजन मा लिख्यो से, “तु मोरो टूरा आस, आज मीना तोला जलमायो सेउ।”

पेरीत 2:32

अना वोच यीसु ला परमेस्वर ना दुबारा जित्तो करीस अना हमी सबच येनो गोस्टी का गवाह सेजन।

पेरीत 22:14

तबा वोना कहीस, “आमरो आजा-पुरखागीन को परमेस्वर न तोला एकोलाय बेचीसेस का तु वोकी इक्सा ला जान, अना वोनच न्यायी यीसु ला चोव, अना वोको टोन्ड लक गोस्टी आयको।

पेरीत 3:26

अना परमेस्वर न अपरो दास ला बेचीस, अना तुमरो जवर धाड़िस, ताकि तुमला तुमरो खोटो रास्ता लक हटाय के आसीस देहे।

गलातियो 3:13

मसीह ना हमला आन के मोसे को नियम को काम को सिराप लक छुड़ायीस अना खुदच आमरो साठी सिरापित बन गयो, काहेकि लिखीसे, “जोन कोनी लकड़ी को कूरूस मा लटकायो जावसे उ सिरापित से।”

1 पतरस 2:24

मसिहा खुदच अपरी देह मा हामरो पाप बुराई आन के कूरूस मा चघ गयो। जेनको लक हमी पाप बुराई को लाय मर गयो अना धरमिपन अना नेकी को लाय जित्तो भयि गयो काहेकी वोको घाव लगनो लक तुमी साजरा भईसेव।