पेरीत 24:5 - सत मारग पर चलन वारो किताब

⁵ काहेकी हमी न एना मानूस ला उपदरी अना जगत को सप्पा यहूदी गीन मा बलवा करन वालो अना नासरी गीन को नेता सेत।

पेरीत 24:5 ပူးပေါင်းရင်းမြစ်များ

मत्ती 10:25

चेला को गुरू लक अना दास को, मालिक मजे पिरभु को बरोबर होवनो च, लगत से। जबा उनना घर को मालिक ला सैतान कहिन ता वोको घर को दुसरो लोकगीन लक तो अखिन बुरो बरताव करहेत।”

मत्ती 2:23

अना नासरत नाव को नगर मा जाय के रव्हन लगयो जोन लक वा गोस्टी पूरो भयी जाय जोन भविस्यवक्ता गीन लक सांग्यो गयो होतो, की “उ नासरी कहलाएत।”

मरकुस 1:24

ओना चिल्लायके कव्हयो “ओ यीसु नासरी हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? परमेस्वर कन लक धाड़ो गयो पवीतर मानूस आस!”

लूका 23:19

बरब्बा कोनी झगड़ा को कारन लक, बन्दी घर मा टाक दियो होत्यो।

लूका 23:2

अना सबा असो दोस लगावन लगीन, का यो राजा कैसर ला जमा देवन लाय मना करासे, अखीन आपरो आप ला राजा कव्हासे, अना लोग लोक गीनला राजा को खिलाफ भड़कावसे।

लूका 23:25

तबा बरब्बा जोन हिन्सा अना जानलक मारन को आरोप मा होतो वोला छोड़ देइस, अना यीसु ला उनको मनसा को लक उनला सोप देइस।

लूका 23:5

पर वय मजबूती लक सांगीन, यो गलील परदेस लक सबा यहुदिया मा उपदेस देके ना, लोकगीन ला उकसावासे।

पेरीत 15:5

पर फरीसी दल को काही बिस्वासी ना उभा होयके उन लक कहिन, उनका खतना जरुर होवनो चाहिये। अना उन लक मोसे को नियम को काम पालन करन को हुकूम देवनो जरुरी से।

पेरीत 21:28

अरे इसरायली गीन मदद करो। यो वोच मानूस आय, जोन आमरो नियम को अना मंदिर को बिरोधमा सिकावत हिंड़सेत। यहान तकन का गैरयहुदी गीन ला येनो मंदिर मा आनके पवीतर जगह ला भी असुध्द कर देइस।

पेरीत 22:22

वय ओको एना बयान तकन ता आयकत रहीन। तबा जोर लक चिल्लाय के कव्हन लगीन, “असो मानूस को धरती पर लक नास कर देव, काहेका वोकी जित्तो होवनो बेस नाहती।”

पेरीत 24:14

पर मी तोरो पुड़ा यो मान लेसू का मी अपरो बुजरुक गीन को परमेस्वर की आराधना अपरो मारग को जसो करासेऊ। जोनला एक मारग कव्हसेत। मी हरेक गोस्टी मा भरोसा करासेऊ जोन नियम अना भविस्यवक्ता गीनको किताब मा लिखीसे।

पेरीत 24:4

मी तुमरो लगत बेरा नही लेवनो चाहवसू। मोरी बिनती से का तुमी हमरा दूई सबद आयकनो की किरपा करो।

पेरीत 25:7

जबा पौलुस वहान पहुचयो। तबा वय यहुदी जोन येरुसलेम लक आयो होतीन। वय वोको चारो कन उभो होय गईन। अना ओको पर असो गंभीर आरोप लगावन लगीन, जिनको उनको कठा कोनी सबुत नही होतो।

पेरीत 26:5

वय मोला लगत बेरा लक जानासेत, अना वय अदी चाव्हासेत ता यो बात को गवाहि, देव सक सेत। का मी ना कसो, आमरो धारमिक रित मा एक कट्टर समहु को अनुसार एक फरीसी को जसो जिंदगी बिताइसेऊ।

पेरीत 28:22

पर तोरो बिचार काजक से हमी आयकनो चाव्हसेजन का हमीला मालुम सेत। का सप्पा जघा लोकगीन यो मारग को बिरोध मा सांगा सेत।

पेरीत 5:17

मंग महायाजक अना उनको संगी मजे वोना नगर को सदुकीगिन को झुंड उनको बिरोध मा उभा भय गईन। वय ईरसा लक भर गईन।

पेरीत 6:13

अना उनना खोटो गवाही पेस करीन, जेनना कहिन का यो मानूस हरामेसा आमरो पवीतर मंदिर को बिरोधमा, अना मोसे को नियम गिरंथ को बिरुधमा कव्हसेस।

1 कुरिन्थियो 11:19

तुमी लोक गीनमा असो होवनो जरुरी सेत। जेनको लक यो पता चलहेत, का कोनी काबील अना खरो सेत।

1 कुरिन्थियो 4:13

वय हमारो निंदा करसेति, अना हमि बिनती करा सेजन। वय हमरो सँग असो बरताव करा सेत, जसो अमी संसार को कचरा अना समाज का कुड़ा सेजन।

1 पतरस 2:19

काहेकी अदि तुमी परमेस्वर को मरजी सेत सो समझ कै दुख उचल सो ता परमेस्वर यो गोस्टी काजी तुमला आसीरवाद देहेत।