पेरीत 22:5 - सत मारग पर चलन वारो किताब

⁵ मुखिया याजक अना बुजरुक लोक को सभा खुदच यो गोस्टी को सबूत से सकासेत। का मी दमिस्क नगर जावन लाय मी इनको लक चिठ्ठी ले के यो मारग को लोकगिन ला बन्दी बनाय के येरुसलेम आनन गयो होतो।

पेरीत 22:5 ပူးပေါင်းရင်းမြစ်များ

लूका 22:66

जबा दिवस हिटयो ता गजब सयानो, अना मुखिया याजक मोसे को नियम को गुरू गीन लेखक, इक्कठो भईन अना वोला, आपरो पंचायत मा आनके पुसन लगीन।

पेरीत 1:15

काही दिवस मघा बिस्वासी भाऊ गिन को सभा मा जोन एक सम्बर बीस लोक गीन होतिन। पतरस उभो होयके कव्हन लगयो।

पेरीत 13:26

अरे भगत भाऊ अबराहम की आवलाद अना तुमी मा जोन परमेस्वर को डर मानासे हमरो लाई यो सूटकारा को आवाज धाडीसेस।

पेरीत 2:29

अरे मोरा लोकगीन आपरो पुरखा राजा दाऊद को बारे मा मी बेखटका कव्हसू, का उ मर गयो से, अना अबा भी वोको मरघट्टी आज तकन मौजुद से।

पेरीत 22:1

पौलुस ना कहयो, “अगो भाउगीन अना बाप को बरौबर को नेक मानूस! मोरो बचाव मा अब मोला जोन कव्हनो से, ओला आयको।”

पेरीत 23:1

तबा पौलुस न यहूदी महासभा कन धयान चोवके कहीस, “मोरो भाउगीन्! मिना परमेस्वर को पुड़ा आज तकन साजरो भरोसा को संगा जिंदगी जियीसेउ।”

पेरीत 23:6

मंग जबा पौलुस ला यो मालुम चलयो का उनमा लक अरधा लोक फरीसी अना अरधा लोक सदुकी सेत तबा मोठो सभा को बीच ओने जोरलक कहीस; मि एक फरिसी सेउ। अना एक फरिसी को टूरा सेउ। मरन को मंघा जित्तो होवन को बारे मा, मोरो आसा को कारन, “मोरो पर मुकदमा चलायो जाय रव्ही से।”

पेरीत 26:10

ता मीना येरुसलेम नगर मा असोच करीसेव। अना मुख याजक लक हक पायके, लगत सो परमेस्वर को भगतगिन ला जेल मा डाख दियो। अना जबा वय मारो जात होतीन। ता मी उनको बिरोध मा अपरी मत देवत होतो।

पेरीत 26:11

अना मी हरेक यहुदी सभाघर मा जायके। उनको यो बिस्वास को मारग लक हटान काजी दबाव डाकन को कोसीस करत होतो। उनको लाय गुस्सा इतरो होतो का उनला सतावन लाय मी परदेस को सहेर मा गयो।

पेरीत 26:12

असोच एक मकसद को संग मी मुख याजक लक हुकूम पाय के दमिस्क नगर जा रहयो होतो।

पेरीत 28:17

मंग तीन दिवस को मघा पौलुस न यहूदी नेता गीन ला बुलवाईस। अना वय जमा भईन, त वोना उनको लक कहीस “भाऊ गीन अदी मीना अपरा लोक अना अपरा पुरखा गीन की रिती-रिवाज को बिरुध्द काही नही करयो। मंग भी मी येरुसलेम लक बन्दी बानायके रोमी को हात सोप दियो गई सेऊ।

पेरीत 28:21

यहुदी नेता उनना पौलुस लक कहयो, तुमरो बारे मा न कोनी चिठ्ठी मिलीसेत। अना नही कोनि वहान लक आवन वारा मानूस तोरो खबर देइसेस। अना न कोनी न तोरो बिरोध मा पुरो गोस्टी सांगी सेत।

पेरीत 3:17

अना अबा अगा भाऊ गीन मी जानासू का यो काम तुमी ना वसोच करीसेव अना वोसोच, तुमरो मुखियागीन ना भी करीसेत।

पेरीत 4:5

आवन वालो दिवस मा यहुदिगीन को नेता, सायना अना नियम को गुरु येरुसलेम सहर मा जुमला भईन।

पेरीत 5:21

जबा उनना असो आयकिन ता सक्कारी वय मंदिर जायके धस के उपदेस देन लगीन। मंग महायाजक यहुदि अगवा अना उनको संगी वहान आइन त उनना वहान पर उनना यहुदी अगवा अना इसरायल को सायना हिन को पुरो सभा ला बुलाइन। अना सिपाई धाड़िन का जेल मा लक पेरीतगीन ला आनो।

पेरीत 9:14

अना योभी का मुखिया याजक लक तोरो नाव मा सबच बिस्वास करन वालो लोक गिनला बंदी बनान को अधिकार लेके आइसेत।

गलातियो 1:13

का तुमी लोकगीन आयकासेव, की जबा मि यहुदी धरम नियम मा चलनवारो होतो ता मोरो सुभाव कसो होतो? मि परमेस्वर की कलीसिया ला लगत तँगात होतो। अना ओला नास करत होतो।

फिलिप्पियो 3:6

कट्टरता को बारेमा मि कलीसिया को खूब सतावन वालो अना मोसे को नियम को धरमिपन को कन लक खरो अना निरदोस होतो।

1 तीमुथियुस 4:14

वोनो बरदान को लाय जोन तोरो मा से अना भविस्यवक्ता गीनको कन लक सयानो गीन को हात रखत बेरा तोला मिलयो होतो, लापरवाही नोको कर।