पेरीत 2:23 - सत मारग पर चलन वारो किताब

²³ यो मानूस ला परमेस्वर को पक्को योजना अना पक्को पुढ़ा की गियान को अनुसार तुमला सोपो गयो होतो। पर तुमीना पापी मानूस गिन को सायता लक वोला कूरूस पर चघायके मार डाकिन।

पेरीत 2:23 ပူးပေါင်းရင်းမြစ်များ

मत्ती 20:19

अना वोला गैरयहुदी गिनको हात मा सौप देहेत। अना वय वोको मजाक मा उड़ाहेत, अना कोड़ा लक मारेत। अखीन कूरूस मा चघायेत, अना उ तीसरो दिवस जित्तो भई जाहेत।”

मत्ती 26:24

मानूस को टूरा को बारे मा असो लिखयो से, उ ता जावसे पर ओना मानूस पर, हाय जेना लक मानूस को टूरा धरायो जाहे। अदी उ जलम नही लेतो, ता साजरो होतो।

मत्ती 27:35

सीपाई गिनना, यीसु ला कूरूस मा चघा देइन। अना वोको कपरा ला आपसी मा बाट लेइन।

मरकुस 15:24

तबा उनना ओला कूरूस मा चघा इन अना कपरा पर चिठ्ठी डाकिन की कोन ला काजक मिलेह, ओला बाट लेईन।

लूका 22:22

काहेका मानूस को टूरा ता जसो वोको लाय पक्को, करयो गयो से वसोच होहेत। “पर धिक्कार से वो मानूस ला, जो वोला धराय रहीसेस।”

लूका 22:37

काहे का मी तुम्ही लक कव्हसू, का यो जोन लिखयो से का उ दोसीगीन को संग गिनो गयो। वोको मोरो पर पूरो होवनो जरुरी से, काहेका मोरो बारे मा यो गोस्टी पूरो होवनो पर सेत।

लूका 23:33

वय कवटी नाव की जघा मा पहूचीन वहान, उनना यीसु ला अना दोन अपराधी इनला कूरूस पर चघाइन, एक ला वोको उज्जो कन अना दुजो ला डाख्या कना।

लूका 24:20

मोसे को नियम को गुरू अना मुखिया याजक ना वोला धरवाके, वोला जान लक मारन को दन्ड दिलवाइन अना कूरूस पर चघाय डाकिन

योहन 19:18

उता उनना ओला अना ओको सँगा अखीन दोन मानूस ला कूरूस पर चघाईन, एक को इता अना एक ला उता, अना बीच मा यीसु ला।

योहन 19:24

एकोलाय उनना आपसी मा कहिन, हमि एला नही फाड़बोन पर एको पर चिठ्ठी डाकबिन की यो कोन की होहे। यो एकोलाय की पवितर गिरंथ मा जोन कव्हयो गयो उ पूरो भये। उनना मोरो कपरा आपस मा बाँट लेइन अना मोरो पल्लु पर चिठ्ठी डाकिन।

पेरीत 13:27

येरुसलेम को रव्हन वारा अना उनको मुखिया गीन न यीसु ला नहि चिन्हयो, अना वोला पापी ठहराय दियो। असो परकार लक उनना भविस्यवक्ता गीन की गोस्टी ला पुरो करियो। जेनला हर पवीतर दिवस मा बाचयो जावासेत।

पेरीत 15:18

दुनिया को सुरुवात लक यो वोच पिरभू सेत जोन येने गोस्टी ला परगट करत आईसे।

पेरीत 2:36

येको लाय पूरो इसरायल पक्को रूप लक यो जान ले का परमेस्वर ना यो यीसु ला जेनला तुमी न कूरूस मा चघायो होतो वोला पिरभू यीसु अना मसीह बनायो होतो।

पेरीत 3:18

पर जेना गोस्टी ला परमेस्वर न सबच मोठो भविस्यवक्ता को टोन्ड लक पहेलच सांग दियो होतो का वोको, मसीह दुख उठाये वोना ऐना रिती लक पूरो करीसेस।

पेरीत 4:28

वय जुमला भईन ताकि तोरो सकति अना मरजी को अनुसार जोन काही पयले लक पक्को होय गयो होतो, वा पुरो होय सके।

पेरीत 5:28

हमीना एना नाव को सिक्सा देवन लाई तुमला कड़ो हुकूम मना कियो होतो, मंग तुमी यो सिक्सा लक सप्पा येरुसलेम सहेर ला भर देइसेव। अना वोना मानूस की हत्या को दोस आमरो पर लादनो चाव्हासेव।

पेरीत 5:30

तुमी लोकगीन न यीसु ला कूरूस काड़ी मा खील्ला ठोक के मार डाकिसेव। पर आमरो सायना गीन को परमेस्वर न उनला मरयो मा लक जित्तो करीस।

पेरीत 7:52

का कोनी असो भविस्यवक्ता या मानूस सेत, जोनला तुमरो पुरखा गिन ना नही तगांयो? अना उनना तो उनला भी मार डाख्यो, जोन ना परमेस्वर को नेक मानूस को आवन को मुनादि कियो होतो, अना वोना नक मानूस ला भी तुमी धरवा के मरवा डाखिसेव।

रोमियो 2:12

जोन मोसे को नियम को जाने बगेर पाप करा से, वोला बिना मोसे को नियम को दन्ड भेटेत। अना जोन को कना मोसे को नियम से, अना पाप करीसेस, वोको नियाव मोसे को नियम, को लक होहेत।

रोमियो 4:17

जसो का गीरंथ कव्हासेत, “मीना तोला लगत देस को दआजी बनायो सेत। वोना परमेस्वर को नजरमा अबराहम आमरो दआजी से।” जोनको असो बिस्वास होतो का, परमेस्वर मरयो हुया ला जिंदगी देवा सेत। अना जोन नाहती वा भी बन जावा सेत।

1 थिस्सलुनीकियो 2:15

जिनना पिरभू यीसु अना भविस्यवक्ता गीन दुही ला मार डाकिन अना हम ला भी सतायके भगाय देईन। वय परमेस्वर उनलक खुसी नाहतो कहेका वय सबच मानूस गीन को बिरोधी सेत।

1 पतरस 1:2

तुम जोन परमेस्वर बाप को भबिस्य की गियान लक बेचयो गयो सेव। अना पवितर आतमा लक पवीतर कियो गयो सेव। जोनलक यीसु मसीह को हुकूम मानो। अना वोको रकत को छिड़काव लक तुम लोक गिनमा लगत सान्ती अना दया भेटेत।

1 पतरस 1:20

यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

1 पतरस 2:8

अना खोद्दा लगन को गोटा, “अना ठोकर खावन को चट्टान बन गयो।” लोग ठोक्कर खावासे, काहेका वय बचन को पालन नही करतत। अना बस योच उनको लाय ठहरायो गयो सेत।

यहूदा 1:4

काहेकि आमरो बीच मा काही लोक चोरी लक आय घुसी सेत ऐना लोकहुन को सजा को बारे मा गिरंथ ना लगत पयलेच भविस्यवानी कर देयि होतिस। यो लोक बिना परमेस्वर को सेत। एना लोकहुन परमेस्वर को किरपा ला सुख सुविदा को एक बहाना बनाय डाकीसेत अना यो आमरो पिरभु अना केवल एक मालिक यीसु मसीह ला नही मानासेत।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।