पेरीत 18:4 - सत मारग पर चलन वारो किताब

⁴ पौलुस हर एक बिसराम दिवस पर यहुदी सभाघर मा तरक-बेस करत अना यहूदी गीन अना यूनानी गीन ला समझावन को जतन करत होतयो।

पेरीत 18:4 ပူးပေါင်းရင်းမြစ်များ

लूका 16:31

एको पर अबराहम कव्हसे, जबा वय मोसे को नियम अना भविस्यवक्ता गिनको पवीतर गिरंथ को नही मानासे, तो कोनी मूरदा लक, जी उठेत ता वोको भि नही समजेत।

लूका 4:16

जबा यीसु आपरो नगर नासरत मा आयो। जहाँ उ पालो गयो होतो। तबा उ आपरो आदत को लक पवीतर दिवस सभाघर मा गयो। उ गिरंथ बाचन ला उभो भयो।

योहन 7:35

यहुदी अधिकारी आपसी मा कहिन, “उ किता को जघा ला जासे का हमी ओला नही पायबिन?” का उ युनानी नगर ला ता नही जासे का वहान तितिर-बितिर रव्हन वाला यहुदी गीनला, युनानी मा सिक्सा सांगेह?

पेरीत 13:14

वय पिरगा लक चलिन, अना पिसदिया को अन्ताकिया मा पहुचीन अना पवीतर दिवस मा सभाघर मा जायके बस गईन।

पेरीत 14:1

ठीक असो परकार की घटना इकुनियुम मा घटी। पौलुस अना बरनबास यहूदी गीन को सभाघर मा गईन। अना उनना असो गोस्टी करीन का, यहूदिगीन अना गैरयहुदी गीन दुई लक लगत लोकगीन, बिस्वास करीन।

पेरीत 17:11

यो यहूदी थिस्सलुनीके यहूदिगीन लक लगत उदार होतिन। वय मोठि खुसी लक पिरभू की खबर आयकावत होतीन। अना वोकी खराई ला जाँचन लाई हर दिवस पवितर गिरंथ मा जाँचत होतीन। का यो गोस्टी असो सेति का नहाति।

पेरीत 17:17

एकोलाई उ हर रोज यहूदी गीन युनानी लक बहेस करत होतो। इतरोच नही उ बाजार हाट मा जोन आवत-जावत होतीन। उनको संग मा भी बहेस करत होतो।

पेरीत 18:13

उनना यो अरोप लगाईन “यो मानूस परमेस्वर ला मनान को असो नियम सिकावासे जोन मोसे को नियम को बिरुध से।”

पेरीत 18:19

अना जब वय इफिसुस नगर आइन ता पौलुस न प्रिस्किल्ला अना अक्विला ला वहान छोड़ देईस। अना खुद यहुदी सभाघर मा जायके यहूदी गीन को संग बैस करीस।

पेरीत 19:26

अना तुमी चोईसेव अखीन आयकी सेव का न केवल इफिसुस मा नही पर पूरो आसिया मा एना पौलुस न लगत सा लोकगीन ला बहला फुसला दियो से। उ कव्हसेस का हात को बनायो देवता सच्चो नाहती।

पेरीत 19:8

मग पौलुस तीन महिना तकन सभाघर जावत रहेयो उ “परमेस्वर को राज” को बिसय बेधड़क बोलत अना यहूदिगीन ला समझावत होतो।

पेरीत 26:28

एको पर राजा न पौलुस न कहेयो “तु काजक सोचासेस का इतरो सरल रित लक मोला मसीह बनानो चाव्हसेस।”

पेरीत 28:23

तबा वोको यहान जमा भईन, जहान उ ठहरियो होतो। अना उ परमेस्वर को राज की गवाही देत होतो। अना मोसे को नियम अखिन भविस्यवक्ता गीनको किताब लक यीसु को बारे मा समझायके-समझाय के साकरी लक झुलाखाली तकन सांगत होतो।

पेरीत 9:20

अना उ तुरन्त सभाघर मा यीसु को परचार करन लगयो, का उ परमेस्वर को टूरा से।

2 कुरिन्थियो 5:11

अना हमी पिरभू को भेव मानतो हुयो लोक गीन ला समझावसे पर हमरो हाल परमेस्वर को पुढ़ा परगट से अना मी आस करासेऊ का हमरो यो हाल तुमरो अक्कल मा परगट होवासे।