पेरीत 15:9 - सत मारग पर चलन वारो किताब

⁹ येने परकार बिस्वास लक उनको पाप ला छिमा करके अना उनको मनला पवितर करयो अना उनको अना आमरो बिच कोनी भेद-भाव नही करयो।

पेरीत 15:9 ပူးပေါင်းရင်းမြစ်များ

पेरीत 10:15

मंग दुसरी बार वोला आवाज आयकू देईस, जोन कोनी परमेस्वर न पवीतर राखीसेस वोला तू असुध्द नोको कव्हजोस।

पेरीत 10:28

वोना कहीस, तुमी जानासेव का गैरयहुदी की संगति करनो अना उनको घरमा जावनो एक यहुदी लाय मनायी सेत। पर परमेस्वर न मोला कहिसेस, का कोनी मानूस को अपवितर या असुध्द नही कव्हनो चहिये।

पेरीत 10:34

तबा पतरस न कहीस, अबा मोला यो खराई लक मालुम भयो का, परमेस्वर कोनी मानूस को पक्स नही करासे।

पेरीत 11:12

तबा पवीतर आतमा न मोला उनको संग बिना-संका लक जावन लाई कहीस, अना ये छह भाऊ भी मोरो संग भय गईन, अना हमी वोना मानूस को घर गया।

पेरीत 14:1

ठीक असो परकार की घटना इकुनियुम मा घटी। पौलुस अना बरनबास यहूदी गीन को सभाघर मा गईन। अना उनना असो गोस्टी करीन का, यहूदिगीन अना गैरयहुदी गीन दुई लक लगत लोकगीन, बिस्वास करीन।

पेरीत 14:27

उता पहुचके ना उनना कलीसिया, को सभा हाकलिन। अना सबला सागिन, का परमेस्वर ना उनको लक काजक-काजक करीस, अना कसो गैर यहुदी लोकगीन को लाय, भरोसा को बेसकुड़ उघाड़िसेस।

रोमियो 3:22

बिना भेद-भाव को परमेस्वर ना सबा बिस्वासी गिनको लाय, यीसु मसीह मा भरोसा ठेवनो लका परमेस्वर को न्यायीपन दरसायो गयो सेत।

रोमियो 3:9

मंग का अमी यहुदी गैरयहुदी को संग तखड़ी मा तौलन मा बजनदार सेत? बिलकुल नाही। मिना पयलेच समजायो सेत का, यहुदी अना गैरयहुदी दुयी पाप को ताकत को भितर च सेत।

रोमियो 9:24

असो दया को भान्डो आमी सेजन। जोनला परमेस्वर ना सिरप यहूदी लक नही, पर गैरयहूदी लक भी हाकलिसेत।

1 कुरिन्थियो 1:2

कुरिन्थुस नगर को परमेस्वर को वोना कलीसिया को नाव, जोन यीसु मसीह मा पवितर कियो गयो सेत। अना जोनला परमेस्वर ना पवितर लोक बनन को लाय उनको संग निवाड़ो सेत। जोन हर जघा पिरभू यीसु को नाव ला हाकल सेत।

1 कुरिन्थियो 7:18

अदी कोनी खतना करवान वालो मानूस ना परमेस्वर को हाकलनो ला अपना लियो सेत, ता वोको खतना हटावन को कोसीस नही करनो पाहिजे। वसोच बिन खतना वालो मानूस ना, परमेस्वर को हाकलनो आयक के आयो सेत, ता वोको खतना नोको करवाओ।

गलातियो 3:28

अब न कोनी यहूदिगीन सेत अना न कोनी यूनानी, न कोनी दास से अना न कोनी अजाद, न कोनी मरदमाना से, न कोनी आई-माई। तुमी सप्पा यीसु मसीह मा एक भई गया सेव।

गलातियो 5:6

अदी आमी यीसु मसीह लक जुड़या सेजन, तो खतना कोनी काम को नाहती। पर भरोसा से, जोन माया कन लक असर डाकासे।

इफिसियो 3:6

यो भेद से का यहुदीहुन को संगा गैरयहुदी भी संग वारिस सेत, एकच देह को आंग सेत अना मसीह यीसु मा जोन बचन आमला दियो गयी से, ओमा संग हिस्सादार सेत।

कुलुस्सियो 3:11

ओमा ना ता परजात न काही यहूदी से न खतना ना काही खतनावालो, न जंगली, न कारो पानी मा रव्हनवारा न दास अना न छुट्टो: केवल मसीह सब कुछ अना सब मा से।

1 पतरस 1:22

अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव।