पेरीत 1:24 - सत मारग पर चलन वारो किताब

²⁴ मंग उनना पिराथना करीन, ओ पिरभू तुमी सबच को मन ला जानासे, ये दूई मा लक तुमी कोन ला यो पद लाय बेचयो सेस।

पेरीत 1:24 ပူးပေါင်းရင်းမြစ်များ

लूका 16:15

एको पर यीसु ना कव्हयो, तुमी लोकगीन को पुढ़ा सच्चो होवन को ढोंग करासो पर परमेस्वर तुमरो दिल ला जानासे, जोन चीज मानूस को नजर मा उच्चो से दुनिया को धन-दौलत, वा परमेस्वर को नजर मा बेकार से।

योहन 21:17

ओने मंग तीसरो डाई ओला कहीस, हे समौन योहन को टूरा, का तु मोरो लक माया राखसेस। मंग पतरस उदास भय गयो की ओने तीसरो गन असो कह देइस। का तु मोला माया राखसेस? अना एतरो पर ओने कह देइस, का हे पिरभू तु तो सब काही जानासेस की मि तोरो लक माया राखसु का नही। यीसु ना मंग कहीस मोरी मेढा ला चराव।

पेरीत 14:23

उनना हरेक कलीसिया ला मा उनको लाई मुखिया बेचयो अना, उपवास को संग पिराथना करीन, अना उनला पिरभू को सुपरुत कर देईन, जोन पर उनना भरोसा करयो होतिन।

पेरीत 15:8

अना दिल की गोस्टी को जानकार परमेस्वर ना आमरो च जसो उनला भी पवीतर आतमा देयके उनको पक्स ला पिक्को करीसेस।

पेरीत 6:6

अना इन लोकगिन ला उनना पेरीतगिन को पुड़ा हाजिर कर दियो अना पेरीतगिन पिराथना करके उनला नियुक्त करीन।

रोमियो 8:27

परमेस्वर आमरो दिल ला चोवअ सेत। अना वोला मालूम सेत, का आमरो आतमा को काजक बिचार सेत? काहेका आतमा आपरो लोकहुन को कन लक, अना आपरो इक्सा को अनुसार, परमेस्वर लक पिराथना करा सेत।

इब्रानियो 4:13

परमेस्वर लक कोनी भी चीज लुको नाहती। वोको डोरा को सामोर सब काही उघड़ो सेत। वोकोच लेखा अमी ला देवनो सेत।

परकासित वाक्य 2:23

मि ओको महामारी लक वोको लेकरा गिनला मारुँह अना सप्पा कलीसिया ला मालूम भय जाहे का मन ला अखीन आतमा ला जाँचन वालो मि च सेव। अना मि तुमी मा लक हरेक ला ओको कामगीन को अनुसार फर देहबिन।