पेरीत 1:2 - सत मारग पर चलन वारो किताब

² वोना दिवस तकन पवितर आतमा लक आपरो बेचयो गयो चेला गिनला हुकूम दियो जोन दिवस लक उ सरग नही उचल लियो गयो।

पेरीत 1:2 ပူးပေါင်းရင်းမြစ်များ

मत्ती 12:28

मी परमेस्वर को आतमा की मदद लक, भूत-पलीत बुरो आतमा ला हेड़ासू, ता बेसक परमेस्वर को राज तुमरो जवर आई गईसे।

मत्ती 3:16

जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक परमेस्वर को आतमा ला परेवा को जसो आपरो वरता उतरता चोइस।

मरकुस 6:30

मंग पेरीतगीन यीसु को कठा एकठ्ठा भईन अना जोन काही उनना करयो होतीन, अना जनता ला सिकायो होतिन वा सब यीसु ला सांगीन।

लूका 24:51

यीसु आसीस देत-देत उन लक बेगरो भय गयो, अना सरग मा उचल लियो गयो।

लूका 9:51

यीसु येरुसलेम नगर जावन लाय, आपरो मन मा ठान लियो, काहेका वोको वरता उचलन को, बेरा जवर, आय गयो होतो।

योहन 1:16

काहे का वोको मोठयो दया लक एक नही पर आमी ला दुई बार दया मिलि से।

योहन 13:1

फसह को तिहार को पुढा जबा यीसु ना जान लियो का मोरी बेरा आय गयो से, का मी जगत ला सोड़के बाबूजी को जवर जावनो से, ता आपरो लोकगीन लक जोन जगत मा होतीन, उनलक जसो माया उ राखत होतो, आखरी बेरा भी वसोच माया राखिस।

योहन 13:18

मी तुम्हि सबको बारेमा नही सांगासेऊ, काहेका जोनला मिना निवाड़ी सेव ओला मि जानासू। पर यो एको लाय भयो से का, पवितर गिरंथ को उ गोस्टी पूरो भयी जाय “का जोन ना मोरो जेवन जेयो सेत, वोनाच मोला लात मरा सेत।”

योहन 13:3

यीसु ना यो जानके की, बाबूजी ना सब काही मोरो हात मा कर देईसेस। अना मि परमेस्वर को जवर लक आईसेऊ, अना परमेस्वर को जवर जासू।

योहन 16:28

मि बाबूजी को कन लक जगत मा आयीसेऊ, अना मि मंग जगत ला सोड़के बाबूजी को जवर जावासू।

योहन 17:13

अबा मि तोरो जवर आवासू अना यो गोस्टी जगत मा कव्हसू, की वय मोरो खुसहाली आपरो मा पूरो पाहेत।

योहन 20:17

यीसु ना कहीस, मोला नोको छुवस। काहेकि मि अबा तकन बाबूजी को जवर वरता नही गयो, पर मोरो भाऊ को जवर जावके उन लक सांग दे, की मि आपरो बाबूजी अना तुमरो बाबूजी अना आपरो परमेस्वर अना तुम्हरो परमेस्वर को जवर वरता जावासु।

योहन 20:21

यीसु ना मँग उनलक कहीस, “तुमला सान्ती मिलहे। जसो बाबूजी ना मोला धाड़ीसेस, वसो ही मि भी तुमला धाड़िसेउ।”

योहन 3:34

काहे की जोनला परमेस्वर ना धाड़ीसेस उ परमेस्वर की गोस्टी कव्होसे, काहे की उ आतमा नाप-नाप के नही देवासे।

योहन 6:62

अदी तुमी मानूस को टूरा ला जिता उ पयले होतो, उता वरता जातो चोहो ता का होहे?

योहन 6:70

यीसु न जवाब देइस, का मिना तुमी बारा ला नही निवाड़ी सेव, ता भी तुमी बारा मा लक एक से जो सैतान कन लक से।

पेरीत 1:11

अना उनको लक कहिन, अरे! गलीली लोक गीन, तुमी कायलाई, उभा होयके बादर कन चोवासेव जोन यीसु तुमरो, जवर लक सरग मा उचलीयो गयोसे, अना वोला जसोच तुमीना, सरग ला जात चोयीसेव, वसोच रिती लक अखीन वापस लौटहेत।

पेरीत 1:13

तबा वय येरुसलेम सहेर को वय घर को पाटन पर गईन, जहा पतरस अना योहन अखीन याकूब अना अन्दिरयास, अखीन फिलिप्पुस, अना थोमा, अना बरतुल्मै, अखीन मत्ती अना हलफई, को टूरा याकूब, अखीन समौन, जेलोतेस अना याकूब, को टूरा यहूदा, ठहेराया होतीन।

पेरीत 1:22

उनमा लक कोनी एक ला यीसु को दुबारा जित्तो होवन को आमरो सग गवाह होवनो पायिजे।

पेरीत 1:9

एतरो कव्हनो को मंघा उ उनको देखत-देखत वरता उचल लियो गयो, अना उ उनला नही चोवयो।

पेरीत 10:38

तुमी नासरत को यीसु ला जानासेव, का परमेस्वर ना निवाड़ी सेत अखिन ओला पवीतर आतमा अना ताकत देइस। अना उ साजरो काम करतो हुया, अना जोन सैतान को बन्धन मा होतिन उनला सोड़ाय के सब रोग ला साजरा करत हिंडत होतो अना परमेस्वर वोको संग होतो।

गलातियो 1:1

यो चिठ्ठी मि पौलुस को कन लक लिख्यो गयी से। जोन ला खुदच यीसु मसीह अना परमेस्वर बाबूजी ना मोला पेरीत ठहराईसेस। जेने ओला मरयो हुवो मा लक मंग लक जित्तो करीसेस जोन ना तो मानूस को कन लक अना ना कोनी मानूस कन लक पेरीत ठहरायो गयो सेव।

इफिसियो 2:20

तुमी एक असा घर सेव जोन पेरीतहुन अना भविस्यवक्ता हुन को नीव पर उभो से, अना खुदच मसीह यीसु जेनको लगत महत्तम को कोनटा को गोटा से।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

इब्रानियो 9:24

मसीह हात को बनयो हुया वोना पवीतर जघा मा नही धसयो। जोन सही को पवीतर जघा को सावली सेत। वोना सिद्दो सरग मा च धसयो। जोन लक मसीह अबा आमरो कन लक सरग मा परमेस्वर को कठा हाजिर हो सके।

1 पतरस 3:22

यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत।

2 पतरस 3:2

तुमी पवीतर भगतगीन को कन लक, पयले लक कही गई गोस्टी, अना सुटकारा देवनवारा पिरभू को हुकूम ला, जोन तुमरो पेरीतगीन लक दियो गयो से, उनला हेत करो।

परकासित वाक्य 1:1

यो यीसु मसीह को अदभुत सन्देसा सेत। जेनला परमेस्वर को कन लक एकोलाय दियो होतो। का जोन गोस्टी लवकर पुरो होवन वालो सेत। उनला आपरो दास गिनला दरसायो जाय। आपरो सरगदूत धाड़के यीसु ना आपरो दास योहन इसारा मा साँगीसेस।

परकासित वाक्य 2:11

“जोन आयक सका सेत वा आयके आतमा कलीसिया लक काजक कव्हसेत? जोनला जीत मिल्हेत वोला दुबारा मरन को हान नही होयेत।

परकासित वाक्य 2:17

“अगर तुमरो कान से, तो आयको, आतमा कलीसिया लक काजक कव्हसेत।” “जोन लोक जीत जाहेत, मी उनला काही ला लुकायो मन्ना देहिन।” मी उनलक हरेक ला एक पांढरो गोटा देहुँ। जोनमा एक नवा नाव लिखयो गयो से। जोनला कोनी भी नहीं जाना सेत। जोनला यो भेटासेत।

परकासित वाक्य 2:29

जेका कान होयेत, उ आयक लेहेत की आतमा कलीसिया लक काजक कव्हसे।

परकासित वाक्य 2:7

जेनको कान सेत ता वा आयक लेव का आतमा कलीसिया लक काजक कव्हसे। जो जीत जाहे मी ओला परमेस्वर को सरग म लक “जीवन को झाड़ को फर खान ला देहूं।”

परकासित वाक्य 21:14

नगर को परकोट को बाहेर को रद्दा गोटा को होतीन, उन पर मेढ़ा को बारा पेरीतगीन को नाव होतीन।

परकासित वाक्य 3:13

जेका कान सेत, उ आयक लेव की आतमा कलीसिया लक काजक कव्हसेत।

परकासित वाक्य 3:16

एकोलाय की तू कुनकुनो सेत, न थन्डो से अना नाच तातो सेत, मि तोला आपरो टोंड लक ओकारी कर देहूं।

परकासित वाक्य 3:22

जेका कान होयेत उ आयक लेव, “का आतमा कलीसिया लक काजक कव्हसे।”