2 तीमुथियुस 2:25 - सत मारग पर चलन वारो किताब

²⁵ उ बिरोधी गीन ला नरमता लक समझयो का जानो परमेस्वर उनला पाप लक मन हटाव। का आतमा देहे का वय भी खराई ला ओरखेत।

2 तीमुथियुस 2:25 ပူးပေါင်းရင်းမြစ်များ

मत्ती 11:29

मोरो जुआड़ी आपरो पर धरलो अना मोरो लक सीको। काहेका मी आतमा मा नरम, अना मन को गरीब सेव तबा तूमी आपरो मन मा चैन पावने।

मत्ती 21:32

काहेकि योहन धरम को रास्ता दिखावन लाई, तुमरो जवर आईसे, अना तुम ना ओको बिस्वास नही करयात, पर बरगन लेवन वारा, अना बेसिया ओको पर बिस्वास करीन। अना तुमी यो चोयके मंग नही पस्तायत! नाच भरोसा करयत।

मरकुस 1:15

अना कव्हयो “बेरा भई गई से, परमेस्वर को राज कठा आय गई से पाप ला छोड़ो अना साजरा बारता पर भरोसा राखो।”

योहन 5:34

मि मानूस को गवाही पर आसरित नही सेऊ। तरी मि एकलाय कव्हासेउ जेकोलक तुमरो बचाव भय सकेत।

पेरीत 11:18

यो आयक के उगा-मुगा रहीन अना परमेस्वर की बड़ाई करके कव्हन लगीइन “तबा ता परमेस्वर न गैरयहुदी लोकगीन को जीवन को लाई मन को पस्तावा को दान देईसेस।”

पेरीत 2:38

पतरस न उनला कहीस, मन मुरकाओ, अना आपरो पापगिन की छिमा पावन लाई तुम मा लक हरेक ला यीसु मसीह को नाव लक बप्तिस्मा लेवनो पड़हेत। अना तुमला परमेस्वर को उपहार पवितर आतमा मिलहेत।

पेरीत 20:21

यहूदी अना यूनानी गीनला समान भाव लक मी मनला मुरकाके परमेस्वर कन मुड़न लाय कव्हसू, अना आमरो पिरभू यीसु मसीह मा विस्वास को लाय मी चेताय रहयो सेऊ।

पेरीत 5:21

जबा उनना असो आयकिन ता सक्कारी वय मंदिर जायके धस के उपदेस देन लगीन। मंग महायाजक यहुदि अगवा अना उनको संगी वहान आइन त उनना वहान पर उनना यहुदी अगवा अना इसरायल को सायना हिन को पुरो सभा ला बुलाइन। अना सिपाई धाड़िन का जेल मा लक पेरीतगीन ला आनो।

पेरीत 5:31

ओला च परमेस्वर ना अगवा अना सुटकारा देवनवालो ठहरायके उजो हात कन राखीसेस, ताकी उ इसरायल गीन ला पाप छिमा अना मन मुरकान को मौका देहे।

पेरीत 8:22

एकोलाई तु अपरी ऐना खोटो बिचार लक मन मुरका पिरभू लक पिराथना कर। हो सका सेत तोरो वा बिचार को लाय छिमा करयो जाहे।

गलातियो 6:1

भाऊगीन अना बहिनगीन। अदी यो मालुम चलतो का कोनी ना कोनी गलत काम करीसेस तो तुमी लोक जोन आतमिक सेव, ओला नरम तरीका लक साजरो करबिन। तुमी खुदच सतरक रव्हने कहिं असो न होय की तुमी भी परिक्सा मा पड़ जाहो।

1 तीमुथियुस 2:4

जोन यो चाहवसे का सब मानूस गीन को सूटकारा होहे अना वय खराई ला साजरो लक चिनलेहेत।

1 तीमुथियुस 6:11

पर अरे परमेस्वर को जन! तु एना गोस्टी गीन लक पराय अना धरम भक्ती बिस्वास पिरेम धीरज अना नरमता ला मंघा करो।

2 तीमुथियुस 3:7

अना हमेसा सिकावता रहवासेत पर खराई की पहिचान तकन कबच नही पहुचा सेत।

तीतुस 1:1

पौलुस को कन लक जोन ला परमेस्वर को बेचयो गयो दास लोकहुन ला उनको बिस्वास मा सहायता देवन लाई अना आमरी नेकी को काम अना खराई को पुरो गियान सिकावन साठी धाड़यो गयो से।

तीतुस 3:2

कोनी ला बदनाम नोको करयेत, झगड़ा करनवारा नही होहेत। पर नरम सुभाव, अना साजरो मानूस होहेत। अना सबच मानूस गीन को सँगा नरम दिली रहेत।

याकूब 1:17

हरेक साजरो अना भरयो पुरयो दान-वरदान वरता लक भेटासेत। अना वय उजाड़ को मोठयो दआजी कन लक जेने सरग को उजाड़ ला जलम दियोसेस, खाल्या आनीयो जासे। जोनमा कोनी फेरबदल नाहती।

1 पतरस 3:15

खुद को मनमा पिरभु मसिहा को सन्मान करा। अदी कोनी तुमरो लक तुमरो बिस्वास को बारे मा विचारेत तर जवाब देवन साटी हरामेसा तइयार राहा। पर नरमाई अना भेव को संग।

1 योहन 5:16

अदि, कोनी आपरो भाऊ ला असो पाप करतो दिसो जेनको फर मिरतु नही होहे, ता बिनती करेत, अना परमेस्वर ओला उनको लाई, जिनना असो पाप करीसेस जेनको फर मिरतु नही होहे। जिंदगी देहे। असो भी पाप से जेनको फर मिरतु से; ऐको बारे मा मि बिनती करन को लाई नही कव्हसू।