2 तीमुथियुस 2:19 - सत मारग पर चलन वारो किताब

¹⁹ तबा भी परमेस्वर की पक्की नींव बनी रहवासे अखीन वोको पर यो छाप लगीसे पिरभू अपरो ला चिन्हासे अना जोन कोनी पिरभू को नाव लेवासे उ अन्याय लक बचयो रह।

2 तीमुथियुस 2:19 ပူးပေါင်းရင်းမြစ်များ

मत्ती 24:24

काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से।

मत्ती 28:19

यो काजी तुमी जाओ, अना सब गैर यहुदी लोक गीन ला चेला बनाओ। अना उनला, परमेस्वर बाबूजी अना टूरा यीसु मसीह, अना पवीतर आतमा को नाव लक, पानी मा बप्तिस्मा देवो।

मत्ती 7:23

तबा मि उन लक सपा-सपा मना कर देहुँ, अना सांगू, अरे, बुरो करम करनवालो, मोरो जवर लक चली जावो मी तुमीला नही जानासू।

मत्ती 7:25

अना बरसात भई पूरा आई, अना आंधड चली अना उ घर लक टक्कराई मंग नही पड़यो, काहेका ओकी पाया गोटा मा डाकी गई होती।

मरकुस 12:16

वय आन के देयीन अना ओना उनलक कहीस, “यो छाप अना नाव कोन को से?” उनना कहीन “कैसर को।”

मरकुस 13:22

काहे की खोटो मसीहा अना खोटो भविस्यवक्ता उभो होयेत, अना निसान आना अचँभा काम चोवाहेत की अदी होय सके ता बेचयो हुया ला भी भरमाहेत।

लूका 13:27

पर उ तुमरो लक, कव्ह देहत, “अरे अन्याय को काम करन वालो, मी तुम्ही ला नही जानासू तुम्ही कोन सेव? तुमी मोरी नजर लक हट जाओ!”

लूका 6:48

उ वोनो मानूस को जसो से जोन घर बनावतो बेरा मा धरती ला खोदकर गहेरी करके ना वोना चट्टान मा पाया डाकीस अखीन जबा पूरा को धार वोना घर मा लगी अना वोनो घर ला नही हलाय सकीस काहेकी उ घर पक्को बनयो होतो।

योहन 10:14

मि साजरो चरानवालो सेउ, मि आपरी मेढागिन ला जानासेऊ अना मोरो मेढा मोला जानासे।

योहन 13:18

मी तुम्हि सबको बारेमा नही सांगासेऊ, काहेका जोनला मिना निवाड़ी सेव ओला मि जानासू। पर यो एको लाय भयो से का, पवितर गिरंथ को उ गोस्टी पूरो भयी जाय “का जोन ना मोरो जेवन जेयो सेत, वोनाच मोला लात मरा सेत।”

योहन 3:33

जिनना वोकी गवाही अपनाय लेईसेत वोना यो गोस्टी पर छाप लगा देइसेत की परमेस्वर खरो से।

पेरीत 11:26

अना जबा उ वोको लक मिल्यो, तो वोला अन्ताकिया नगर आनीस। अना वय एक साल लक किराया को खोली मा कलीसिया को सँग मिलतो जुलतो अखीन गजब लोकगीन ला सिक्सा देवत रहयो। अना चेला गीन सब लक पयले अन्ताकिया नगर मा मसीह कहलाइन।

पेरीत 15:17

अना सब बचयो लोक अना सबच गैरयहुदी गिन, जोनला मोरो बनन लाय बनायो गयो सेत पिरभू को खोज करे।

पेरीत 9:14

अना योभी का मुखिया याजक लक तोरो नाव मा सबच बिस्वास करन वालो लोक गिनला बंदी बनान को अधिकार लेके आइसेत।

रोमियो 11:2

परमेस्वर ना आपरो लोक गिनला नही बिसरो सेत। जोनला वा सूरूवात लक निवाड़ो सेत। तुमी जाना सेव, गिरंथ को वोना जघा मा काजक कव्हसेत, जहा एलियाह इसरायल को खिलाप मा पिराथना करासेत।

रोमियो 12:9

पिरेम पूरो ईमानदारी लक होवनो पाहिजे। बुराई लक बेगरो भयी जाव, जोन साजरो सेत वोला धरो।

रोमियो 15:20

पर मोरो मनमा यो उमंग सेत। का जहान-जहान यीसु मसीह को नाव नही लियो गयो से, वहान साजरो बारता आयकाव, असो न हो का दुसरो को रद्दा मा घर बनाऊ।

रोमियो 15:9

अना एकोलाय भी का गैरयहूदी गिनला परमेस्वर को दया भेटे, अना वय स्तुती करे। जसो गिरंथ मा लिख्यो सेत, “एकोलाय गैर यहूदि गिनको बीचमा तोला ओरखा हिन अना तोरो नाव को महिमा गावइन।”

रोमियो 8:28

अमिला मालूम सेत, का परमेस्वर जोनको लक पिरेम राखअ सेत, उनको सबा चीजमा साजरा काम करा सेत। अना उनला आपरो उद्देस्य को अनुसार हकलयो सेत।

रोमियो 9:11

पर वोको एक लेकरा ला निवाड़ो अना यो पूरो तौर लक परमेस्वर को खुद को यदेस्य को परिनाम होतो, परमेस्वर ना कहयो यो मोरो निवाड़ो गयो मानूस सेत।

1 कुरिन्थियो 1:2

कुरिन्थुस नगर को परमेस्वर को वोना कलीसिया को नाव, जोन यीसु मसीह मा पवितर कियो गयो सेत। अना जोनला परमेस्वर ना पवितर लोक बनन को लाय उनको संग निवाड़ो सेत। जोन हर जघा पिरभू यीसु को नाव ला हाकल सेत।

1 कुरिन्थियो 8:3

पर अदी कोनी परमेस्वर लक माया राखासेत, ता परमेस्वर वोला चिन्हअ सेत।

2 कुरिन्थियो 7:1

एकोलाय ओ मोरो चहेतो भाऊ अना बहिन हुन, यो सब वायदा आमरो च लाय कियो गयो सेत। तो आव आमी आपरो आप ला उन सब लक जोन आमीला असुध्द करासेत वोको लक सुध्द करबिन, या जोन अमरो देह ला आतमा ला असुध्द बनावसेत। काहेका अमीला परमेस्वर को भेव मा जीवन काजी पूरो पवीतर होवनो पाईजे।

गलातियो 4:9

पर अबा तुमी परमेस्वर ला वोरख लियो सेव या असो कव्हबिन की परमेस्वर ना तुमला अपनाय लेइसेस, तो तुम्ही कसो मंग उन बेजोर अना बेसार उसुल गीन की आसरा ले सकासेव? का तुमी एक गन मंग उनकी सेवा अपनावन चाव्हसो?

इफिसियो 2:20

तुमी एक असा घर सेव जोन पेरीतहुन अना भविस्यवक्ता हुन को नीव पर उभो से, अना खुदच मसीह यीसु जेनको लगत महत्तम को कोनटा को गोटा से।

इफिसियो 3:15

ओकोच लक सरगमा अना धरती पर, हर एक घराना को नाव राखियो जावसे,

इफिसियो 4:30

परमेस्वर की पवीतर आतमा ला दुखाने नोको, कहेका परमेस्वर को धन को रुप मा जोको लक तुमी पर सूटकारा को दिवस को साठी आतमा को संगा छाप लगय दियो गईसे।

1 तीमुथियुस 3:15

अदी मोरो आवनो मा उसीर होहे त तु जान लेवजोस का परमेस्वर को घर मा जोन जित्तो परमेस्वर की कलीसिया से अना जोन खराई को खम्बा अखिन नीव से कसो बरताव करनो पाहिजे।

1 तीमुथियुस 6:19

अना पुढा लाई एक साजरी रद्दा डाक के राखे, का सच्चो जीवन ला वस मा कर लेहे।

इब्रानियो 11:10

अबराहम ना असो करयो, काहेका उ वोना पक्को पाया वालो नगर को बाट चोवत होतिन। जेनको बनान वारा परमेस्वर सेत।

2 पतरस 3:14

अगो चहेतो भाऊहुन मी कव्हसू, जसो, यो या गोस्टी ला आपरो जवर आवता चोवो, तभी सांतपन अना निरदोसपन लक वोको समोर जावन को कोसीस करा।

1 योहन 2:19

मसीहको बिरोधी आमरो च बीच लक हिटीसेत पर बाकई मा वय आमरो नही सेत काहेकि अदि वय खरो आमरो होतीन ता आमरो संगी होतीन। पर वय आमला तज देयि सेत जेकोलक वय यो चोवाय सकेत का उनमा लक कोनी भी पक्को मा आमरो नाहती।

परकासित वाक्य 17:8

जोन तु ना चोवीसे, पयले कदी जित्तो होतो। पर अबा जित्तो नाहती। मंग उ पताल लक हीटन वालो सेत। अना वोको नास भयी जाहेत। मंग धरती को वय लोक जिनको नाव जगत को सुरू लक जिंदगी को किताब मा नही लिख्यो सेत। वा जनावर ला चोवके, चकित होयेत। काहेका वा कदी जित्तो होतो, पर अबा जित्तो नाहती।

परकासित वाक्य 2:13

मी जाना सेऊ का तुम्ही कितानी रव्हअ सो? जितानी सैतान को सिघासन सेत। तुम मोरो लाय सच्चो सेव। अना तुमीना वोन बेरा भी बिस्वास नहि सोड़यो, जबा मोरो बिस्वासी गवाह अन्तापस मारयो गयो। जितानी सैतान रव्हत होतो।

परकासित वाक्य 21:14

नगर को परकोट को बाहेर को रद्दा गोटा को होतीन, उन पर मेढ़ा को बारा पेरीतगीन को नाव होतीन।

परकासित वाक्य 22:4

वय उनको चेहेरा ला दिसेत अना उनको नाव उनको मस्तक पर लिखो होहे।

परकासित वाक्य 3:8

मि तोरो काम ला जानासू, देख! मिना तोरो लाई एक किवाड़ उघाड़ी सेऊ, जोनला कोनी बंद नही कर सका। मोला पता सेत का, तोरो जवर जरासो ताकत सेत। मंग तुना मोरो गोस्टी का पालन करीसेस अना मोरो नाव लक मघा नही हटयो सेत।