2 थिस्सलुनीकियो 3:3 - सत मारग पर चलन वारो किताब

³ पर पिरभु भरोसा को काबिल सेत, उ तुमला पक्को रिति लक उभो करेत। अना वा बुरो दुस्ट लक बचायके राखेत।

2 थिस्सलुनीकियो 3:3 ပူးပေါင်းရင်းမြစ်များ

मत्ती 5:37

पर तुमरी गोस्टी हव ता हव अना नही ता नही होय। कासेकि जोन एकोलक जादा होवासे वा बुराई लक होवासे।

मत्ती 6:13

अना हमला परिक्सा मा नोको डाख, पर बुराई लक बचाव, काहेकि राज् अना मोठयो ताकत अना महिमा हमेसा तोरो रहेत।

लूका 11:4

हमिना जसो हरेक बुराई करनवालो ला, छिमा करीसेजन वसोच, आमरो बुराई ला छिमा कर, अखीन हमीला परिक्सा मा नोको डाख।

योहन 17:15

मि यो बिनती नही करुहु की तू उनला जगत लक उचल लेहे, पर यो की तु उनला ओनो दुस्ट लक बचाव राख,

1 कुरिन्थियो 1:9

परमेस्वर मा भरोसा ठेवनो पाहिजे। जोन ना आपरो टूरा यीसु मसीह को संग रव्हन को लाय हाकलयो सेत।

1 कुरिन्थियो 10:13

तुमी अबा असो कोनी परिक्सा मा नही पड़यो सेव, जोन मानूस को ताकत लक बाहेर होय। परमेस्वर भरोसा लायक अना सतको से, उ तुमला असो लोभ लालच मा पड़न नही देहे, जोन तुमरी ताकत लक बाहेर होय। उ लोभ लालच को बेरा तुमला ओको लक हिटन को रास्ता चोवाहे, जेनला तुमी सह नही सको।

1 थिस्सलुनीकियो 5:24

तुमरो बुलावन वालो बिस्वास को काबील से अना उ असोच करहे।

2 थिस्सलुनीकियो 2:17

तुमरो मन ला सान्ती देहे। अना तुमला सबच साजरो काज अना गोस्टी मा पक्को राखेह।

2 तीमुथियुस 4:18

अना पिरभू मोला हर एक बुरो काम लक छुड़ाय लेहेत, अना अपरो सरगीय राज मा सुरक्सित पहुचायहे वोकी महिमा जुगनजुग होवती रह आमेन। अखट्ट नमस्कार

1 पतरस 5:10

अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत।

2 पतरस 2:9

असो परकारे तुम्ही चोवासो का पिरभू नेक लोक गिनला संकट लक बचावा से, अना खोटो मानूस गिनला नियाव को दिवसापरयत सोड़वून ठेवन्यास सक्सम सेत।

यहूदा 1:24

अबा जोन तुमला ठोकर खानो लक बचाय सकासे, अना अपरी महिमा की भरपूरी पुड़ा मगन अना बेकसूर करके उभो कर सकासे।