2 थिस्सलुनीकियो 1:7 - सत मारग पर चलन वारो किताब

⁷ तुमी जोन दुख पावासो, आमरो सँग मा सुख देहे; ओनो बेरा मा पिरभु यीसु आपरो ताकत वर सरगदूत गीन को सँगा सरग लक धधकती स्तो को जसो परगट होहेत।

2 थिस्सलुनीकियो 1:7 ပူးပေါင်းရင်းမြစ်များ

मत्ती 16:27

ता मानूस को टूरा अपरो सरगदूत को संग अपरो, बाप को गौरव मा आहेत, अना वोनो बेरा मा उ हर एक ला, उनको काम को अनुसार बदला देहे।

मत्ती 16:28

मी तुमला खरो सांगसेऊ का जो यहान उभो सेत, उनमा लक काही असो सेत का उ जब तकन, मानूस को टूरा ला राज मा आवता नही चोव लेहेत, तब तकन नही मरहेत।

मत्ती 25:31

जबा मानूस को टूरा आपरो गौरव को सँग, सरगदूत को सँग आहेत, अना गौरव को सिघासन मा बसेत।

मत्ती 25:41

तबा उ आपरो डाकयो कन, वालो लक सांगेत ओ सापित लोकगीन मोरो पुढा लक, कभी नही बुझन वालो अमर स्तो मा जावो, जोन इबलीस अखीन ओको सरगदूत गीन लाइ तैय्यार से,

मत्ती 26:64

यीसु ना जवाब देयिस, “हव मी सेऊ। पर मी तुमी लक यो भी कव्हुसेउ, अता मानूस को टूरा ला सब लक ताकतवर परमेस्वर को उजो कन बसया हुया, अना बदल मा आवता चोवने।”

मरकुस 14:62

यीसु ना कहीस, “मि सेउ, अखीन तुमी मानूस को टूरा ला सब लक ताकत वर परमेस्वर को उज्जो कन बसा, अना बादल को बदली मा आवता चोवो।”

मरकुस 8:38

जो कोनी यो खोटो अना पापी पीढ़ी बेरा मा मोरो लक अना मोरो गोस्टी लक लजाहे ता मानूस को टूरा भी जबा आपरो पवीतर सरगदूत को सँग आपरो परमेस्वर बाबूजी को महिमा मा आहे, तबा उ भी उनला आपरो कव्हन लाय लजाहे।

लूका 16:25

तबा अबराहम ना वोला सांगिस, हेतकर मोरो लाल, तोरो जीवन मा कसो-कसो सुख मिलिसेस, अखीन लाजर को जीवन मा कितरो मोठो-मोठो दुख होतो, अबा वोला चैन मिलि सेस, अना तोला दुख।

लूका 17:30

मानूस को टूरा को आवन को बेरा मा असोच होयेत।

योहन 1:3

सबच काही वोकोच लक जलम भयो से, उनमा लक कोनी भी चीज वोको बगर जलम नही भयेव।

योहन 1:51

मंग वोको लक सांग्यो मी तूमी लक खरो-खर सांगसू का, “तुमी सरग ला उघड़ो हुयो अना परमेस्वर को सरगदूत गिनला वरता जातो अना मानूस को टूरा ला खाल्या उतरतो चोवने।”

पेरीत 1:11

अना उनको लक कहिन, अरे! गलीली लोक गीन, तुमी कायलाई, उभा होयके बादर कन चोवासेव जोन यीसु तुमरो, जवर लक सरग मा उचलीयो गयोसे, अना वोला जसोच तुमीना, सरग ला जात चोयीसेव, वसोच रिती लक अखीन वापस लौटहेत।

पेरीत 3:19

एकोलाय परमेस्वर को कन लौट जाव जोन लक उ तुमरो पाप हुन ला छिमा करेत।

रोमियो 8:17

अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।

1 कुरिन्थियो 3:13

तो हरेक को काम परगट भई जाहेती। अना नियाव को दिवस उ सागेत। काहेका उ स्तो को संग परगट होहे। अना उ स्तो हरेक काम की परिक्सा लेहेत का कसो सेत?

2 कुरिन्थियो 4:17

काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे,

इफिसियो 1:2

तुमला आमरो बाबूजी परमेस्वर अना पिरभु यीसु मसीह को कन दया अना सान्ती भेटयो जाय।

कुलुस्सियो 1:16

काहेका वोच मा सबा चीजगीन बनायो गयो सेत, चाहे वा सरग को होहे अना भूई को, चोवयो, अना बिनो चोवन वारा, का सिघासन, का सरकार, का राजा को अधिकार, सबचीज वोकोच लक वोको लाय बनायो गयो सेत।

1 थिस्सलुनीकियो 3:13

का जबा हमरो पिरभू यीसु, अपरो सब पवीतर लोक गीन को संग मा आहे, त उ तुमरो हिरदय ला परमेस्वर आमरो बाप को पुड़ा पवितरता मा खरो राखे।

2 तीमुथियुस 2:12

अदी हमी धीरो लक सहतो रह त उनको संग राज भी करेहेत। अदी हमी उनला मुकरेत त उ भी हमरो मुकर करेहेत।

तीतुस 2:13

अना ओनो धन्य आसा को, मजे मोठो परमेस्वर, अना बचावन वालो यीसु मसीह, को महिमा को दिसायो जावनो की रस्ता चोवासेजन।

इब्रानियो 10:27

पर एक खूब भयानक दन्ड बाकी रव्हसेत नियाय को अना एक गजब को स्तो जोन हुकूम नही मानन वालो ला गिटक लेहेत।

इब्रानियो 12:29

कारन आपरो परमेस्वर भस्म करनवारा स्तो सेत।

इब्रानियो 4:1

एकोलाय जबा वोको बिसराम को जघा मा धसनो को वायदा अबा तकन बनयो हुयो सेत, तो आमी ला सतरक रव्हनो पाहिजे। का तुमरो लक कोनी वोको लायक ना रव्हेत।

इब्रानियो 4:11

एकोलाय, आमी भी वोना बिसराम को जघा मा धसनो काजी भीड़यो रव्हो। कहि असो ना होहे की वसोच हुकूम नही मानन को कारन, कोनी मानूस गडढा मा पड जाय।

इब्रानियो 4:9

एकोलाय परमेस्वर को लोकगीन को लाय अबा भी बिसराम को दिवस बाकी सेत।

इब्रानियो 9:28

वसोच मसीह, लगत लोकगीन को पाप लक मुकती काजी, एकच बार आपरो आप ला चघा दियो। मसीह अबा दूसरो बार परगट होयेत। पाप को कारन नही, पर जोन लोक वोको रस्ता चोवासेत। उनला मुक्ती दिलावन आहेत।

1 पतरस 3:22

यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत।

2 पतरस 3:7

पर अबा को सरग अना धरती वोच बचन लक ठेयो सेत। का जालून टाकेत। अना भक्तिहीन लोकांनी नास होवन तकन अना नियाव तकन तसोच ठेवली रहेत।

यहूदा 1:7

जेना रिति लक सदोम गमोरा अना उनको आखा पाखा को नगर ना उन सरगदुतगीन को जसो छिंडरा करीन अखिन वय सुभाव को बिरोध वासना को दास बन गयीन। उनला कबच ना बुझनवारी स्तो मा झोक देन को सजा दियो गयीसे। वय आमला चेतावनी देन को रुप मा पायी जासे।

परकासित वाक्य 1:7

चोवो, बदली को संग मसीह आवा से। हरेक डोरा वोला चोवयेत। उनमा वय भी सेत जोनना वोला छेदयो होतिन। दुनिया मा सबा लोकहुन वोको कारन रड़ेत। असोच होवनो पाहिजे। आमीन!

परकासित वाक्य 14:10

ता उ परमेस्वर को भयकर गुस्सा को सिकार बनहेत। अना उ पवितर सरगदूत अना पाठी को समोर स्तो अना गंधक मा सजा पाहेत।

परकासित वाक्य 14:13

मिना सरग मा कोनी ला मोरो लक असो कव्हतो आयकियो, “लिख धन्य सेत, उ मरयो मानूस जोन आखीर दम तकन पिरभू मा बिस‍वास करतो मरयो सेत।” आतमा कव्हसे, “असोच होय, जोनलक वय आपरो काम को मघा बिसराम करहेत। काहेका वोको नेकी वोको संग जाहेत।”

परकासित वाक्य 20:11

तबा मिना पांढरो रंग को एक महिमा भरयो सिघासन अना ओको मा बसन वालो ला चोवयो, जिनको हाजरी लक धरती अना बादल पराय गयो, अना मंग कबच नही चोवयो।

परकासित वाक्य 21:4

परमेस्वर उनको डोरा लक हरेक आँसू पोछ देहे। अता लक मिरतू पायो न जाहे। अता ना कलपनो, ना रोवनो अना नाच कोनी दरद रहेत। काहेकि जो पहली गोस्टी होतीन, अता वय नही रहीन।

परकासित वाक्य 22:16

मोला यीसु ना आपरो सरगदूत ला एकोलाय धाड़ियो। की तुमरो पुढ़ा कलीसिया ला एको बारे मा गवाही देव। उ कव्हसेत मि दाऊद को जड़ अना खानदान अना भोर को चमकत हुयो तारा सेव।

परकासित वाक्य 22:6

तबा सरगदूत ना मोला सांगीस, “उ दास खरो अना भरोसा लायक से। पिरभु ना जो भविस्यवक्ता गीन को आतमा को परमेस्वर से। आपरो सरगदूत ला आपरो भविस्यवक्ता गीनको कठा उ सब दिसावन ला धाड़ीसेस। जोको लवकर पूरो होवनो जरुरी से।”

परकासित वाक्य 22:9

पर ओना मोरो लक सांगीस, “चौव, असो नोको कर! काहेकि मि तोरो अना तोरो भाऊ भविस्यवक्ता गीन, अना ऐना किताब को गोस्टी ला मानन वालो को संगी दास सेउ। परमेस्वर च ला नमस्कार कर।”

परकासित वाक्य 6:11

अना उनमा लक हरेक ला पान्डरो कपरा दियो गयो। अना कहयो गयो जरासो उसीर मा जबा तुमरो संगी गिनको गिनती पूरो भयी जाहेत। तबा तकन बिसराम करो। काहे का अबा सहिद गिनको गिनती कम सेत।