2 थिस्सलुनीकियो 1:5 - सत मारग पर चलन वारो किताब

⁵ तुमी परमेस्वर को राज मा काबिल ठहरायो जाहो, जोकोलक तुमी दुख भी उचल रही सेव। यो परमेस्वर को खरो न्याय को खरो सबुत से

2 थिस्सलुनीकियो 1:5 ပူးပေါင်းရင်းမြစ်များ

लूका 20:35

पर आवन वालो जुग मा जबा, सप्पा मुरदा जित्तो होवनो भई जाहेत, वहान बर-बिहा नही होयेत।

लूका 21:36

एकोलाय जागतो रव्हो अखीन, पिराथना करो का आवन वालो घटना लक, बचके न असो ताकत लक भर जावो का मानूस को टूरा पुढा उभो रह सको।

पेरीत 13:46

तबा पौलुस अना बरनबास न हिम्मत लक कहीन, “यो तय होतो का परमेस्वर को गोस्टी पुड़ा तुमला आयकायो जाय, पर जबा तुमी वोला नही मानयत अना अपरो आपला ला अमर जीवन को काबिल नही ठैयराय सेव, ता देखो हमी गैर यहुदी कन जाबिन।”

पेरीत 14:22

अना उनको आतमा ला अडिग करके बिस्वास मा बनयो रव्हन लाय यो सांगके सिकायो का अमिला मोठयो दुख झेल के परमेस्वर को राज मा धसनो सेत, मंग वय लुस्तरा मंग इकुनियुम अना अन्ताकिया नगर ला लवटके आइन।

रोमियो 2:5

तरी तुम्ही जिद्दी सेव, अना तुम्हरो गोटा को दिल से। कारन तुम्ही आपरो सजा ला अखिन बढावा देवा सेव। एक दिवस परमेस्वर को कोप अना सही फैसला तुम्हरो पुढा आहेत।

रोमियो 8:17

अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।

इफिसियो 4:1

एकोलाय मि जोन पिरभु को होवन को काजी बन्दी बनो हुयो सेव, तुमी लक बिनती करुसेउ का तुमला आपरो जिंदगी वसोच जीवनो चाहिसे जसो का संतहुन को से।

फिलिप्पियो 1:28

अना कोनी गोस्टी मा बिरोधिगीन लक भय नही खावासो। यो उनको लाई सत्यानास को खुल्लो हिदान से, पर तुमरो लाई मुकती को अना यो परमेस्वर कन लक से।

कुलुस्सियो 1:12

अना खुसी-खुसी परमेस्वर बाबजी को धन्यवाद, जेना आमला यो काबिल बनायीसेस की जोनना तुमिला उजाड़ को राज मा आपरो पवीतर लोक गीन काजी राखिसेत, वोमा आपरो वारसाना हिस्सादारी राखन काजी साजरा बना दियो सेत।

1 थिस्सलुनीकियो 2:14

अगा भाऊ हून तुमी मसीह यीसु मा परमेस्वर की ओनो कलीसिया गीन को मंघा होयेत, जोन यहुदिया मा से। काहेकी तुमी भी अपरो देस का रव्हन वारा लक वसोच दुख सहिसेव।

2 थिस्सलुनीकियो 1:11

आमरो परमेस्वर तुमला यो बुलाहट काजी काबिल समझसे, अना भलाई को मनसा अना भरोसा को काज-काम ला ताकत सकट पूरो करेत एकोसाठी आमी तुमरो लाई पिराथना भी करसेजन।

2 तीमुथियुस 2:12

अदी हमी धीरो लक सहतो रह त उनको संग राज भी करेहेत। अदी हमी उनला मुकरेत त उ भी हमरो मुकर करेहेत।

परकासित वाक्य 15:4

“हे पिरभू कोन तोरो लक नही भेव मानहेत? अना तोरो नाव को बड़ाई नही करेत? काहेकि तुच केवल एक पवीतर से, अना सबरो लोक गीन आयके तोरो पूजा नहि करहेत, काहेकी तोरो नियाव को काम दिसाय गयो सेत।”

परकासित वाक्य 16:7

तबा मिना सहमती मा वेदी ला असो सांगत हुयो आयकयो: “खरो से, उ सब लक ताकत वर परमेस्वर! बेस अना धरमी सेत तोरो नियाव।”

परकासित वाक्य 19:2

“ओको न्याय खरो अना धरमी से, काहेका ओना ओनो बूरो बेसिया ला सजा देईसेस। जो आपरो छिंनालापन लक धरती ला खराब कर डाखि सेत। यो काजी परमेस्वर ना आपरो दास गीनको खून को बदला लेई सेस।”

परकासित वाक्य 3:4

काही भी होय, सरदीस मा तोरो जवर काही लोक असा सेत। जिनना आपरो कपरा अपवीतर नही करयो सेत। वय पाँढरो कपरा घालत हुयो, मोरो सँगा चलेत फिरेत। काहेकि वय यो काबिल सेत।