2 कुरिन्थियो 9:8 - सत मारग पर चलन वारो किताब

⁸ परमेस्वर सब परकार को किरपा तुमला देव सकसेत। जोन लक हरेक बात मा हरेक बेरा मा, सबच काही जोन तुमला जरुरी सेत, तुमरो कठा रहेत अना हरेक साजरो काम काजी, तुमरो जवर लगत काही होहे।

2 कुरिन्थियो 9:8 ပူးပေါင်းရင်းမြစ်များ

पेरीत 9:36

याफा नगर मा तबिता नाव को चेली रव्हत होति। जोनको यूनानी अनुवाद दोरकास मजे हिरनी सेत। वा हरामेसा आपरो बेरा साजरो काम अना दान धरम मा बितावत होती।

1 कुरिन्थियो 15:58

एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।

2 कुरिन्थियो 13:3

काहेका तुमी तो असो गोस्टी को सबुत माँगसेव। का मसीह मोरोलक गोस्टी करासे, जोन तुमरो काजी कमजोर नही पर तुममा ताकतवर से।

2 कुरिन्थियो 8:19

अना इतरोच नही पर उ कलीसिया लक निवाड़ो गयो सेत। का यो दान को काम काजी आमरो संग जाय। आमी यो सेवा यो लाय करतत का पिरभू को महिमा अना दया लक आमरो मन को तैय्यारी सबको पुढ़ा परगट भई जाय।

2 कुरिन्थियो 8:2

उनना परेसान होय-होय के ना परिक्सा मा पास भई सेत। लेकिन वय लगत खुस होतिन, अना गरिब होवन को बाउजुद वय गजब दान करन वारा सेती।

2 कुरिन्थियो 8:7

पर जसो तुमी सक्ड़िया गोस्टी मा मजे भरोसा, बचन अना गियान मा अना हरेक परकार को जोस मा अना पिरेम मा बढसो वसोच यो किरपा को सेवा मा भी बड़तो जावो।

2 कुरिन्थियो 9:11

तुम हरेक बातमा सब परकार लक दयालूपन लाय जो आमरो लक परमेस्वर धनवाद करवासेत धनवान बन जावो।

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

इफिसियो 3:20

अबा ओनो परमेस्वर को लाई जोन असो ताकतवर से, ओना ताकत कन लक जोन हमि मा काम करासे, की आमरी बिनती अना मन लक कहीं लगत बढ़के काम कर सकसे,

फिलिप्पियो 4:11

मि आपरो कोनी कमी को लाई यो नही कव्हसू, काहेका मिना हरेक हाल मा संतोस रव्हनो सीक लेईसेउ।

कुलुस्सियो 1:10

तब जब तुमी पिरभू को रुप मा जिंदगी बितान काबिल होवजोस अना हमेसा आपरो चाल चलन लक वोला खुस करजोस ता तुमरो जिंदगी मा सबा परकार को साजरो करम पैदा करबिन, अना तुमी परमेस्वर को गियान मा बढ़बिन।

2 थिस्सलुनीकियो 2:17

तुमरो मन ला सान्ती देहे। अना तुमला सबच साजरो काज अना गोस्टी मा पक्को राखेह।

2 तीमुथियुस 2:21

अदी कोनी अपरो आप ला इनको लक सूद करेहे त उ आदर को बरतन अना पवीतर ठहरायो अना मालिक को काम आहे अखीन हर साजरो काम को लाई तैय्यार होहेत।

2 तीमुथियुस 3:17

ताकी परमेस्वर को जन सिध्द बनावनो अना हर एक भला काम को लाई पक्को होय जाहे।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

तीतुस 3:14

आमरो लोकगीन भी जरुरत को पुरा करन लाई साजरो काम मा लगयो रव्हनो सीकेत। मजे बिनफर नोको रहेत।

तीतुस 3:8

यो गोस्टी खरी से, अना मी चाव्हसु की तु ऐना गोस्टी गीन को बारे मा मजबुती लक बोलजोस। एकोसाठी की जिनना परमेस्वर पर बिस्वास करयो सेत। वय भलो-भलो कामगीन मा लगयो रव्हन को धियान करेत। जोन गोस्टी साजरी अना मानूस को फायदा की रव्हे।

1 पतरस 4:10

जोनला यो दान भेटयो सेत। उ परमेस्वर को अनेक किरपा को तंदुरुस्त दीवान जसो दुसरो को सेवा करन्या साठी वापरावे।