2 कुरिन्थियो 8:7 - सत मारग पर चलन वारो किताब

⁷ पर जसो तुमी सक्ड़िया गोस्टी मा मजे भरोसा, बचन अना गियान मा अना हरेक परकार को जोस मा अना पिरेम मा बढसो वसोच यो किरपा को सेवा मा भी बड़तो जावो।

2 कुरिन्थियो 8:7 ပူးပေါင်းရင်းမြစ်များ

मत्ती 25:22

अखीन जेनको कठा दुई पिवसी सिक्का होतीन, ओना भी आयके असोच साँगिस, हे मालिक तुना मोला दुई पिवसी सिक्का दियो होतो, चोव मिना अखीन दुई कमायो।

रोमियो 15:14

ओ मोरो संगीहुन! जहान तकन तुमरो बारेमा मी खुदच बेखटका सेव, अना भरोसा सेत, का तुम खुद च साजरा अना सप्पा गियान लक भरो हुयो सेव। अना तुमी ला एतरो मालुम सेत, का एक मेक ला समजा सको।

1 कुरिन्थियो 1:5

यीसु मसीह मा होयके तुमी हरेक गोस्टी मा, मजे सप्पा बचन अना सप्पा गियान मा, धनी बन गयो सेत।

1 कुरिन्थियो 12:13

आमी यहूदी सेत चाहे गैर यहुदी सेत दास या मालीक आमी सब को सब एकच आतमा लक बप्तिस्मा लक एकच देह बन गयो सेत। आमी अब लक एकच आतमा दियो गयो सेत।

1 कुरिन्थियो 12:8

कोनी ला आतमा लक अक्ल को गोस्टी आयकवान काजी, कोनी ला वोच आतमा लक गियान को सबद बोलन को,

1 कुरिन्थियो 13:2

अदी मोरो जवर पेरीत जसो उपदेस देवन को वरदान सेत। मोला सबा परकार को गियान हो सका सेत, अना सबा राज की गोस्टी समजनो असान सेत। पहाड़ ला हटान को बिस्वास सेत। पर पिरेम नाहती तो काही नाहती।

1 कुरिन्थियो 13:8

भविस्यवानी चली जाहेत भासा मुका हो जाहेती। अना गियान मीट जाहेती, पर माया को अन्त नाहती।

1 कुरिन्थियो 14:12

तुमरो बारे मा भी योच बातसेत। तुम लोकगीन आतमिक बरदान को धुनमा रव्हासो। एकोलाय असो बरदान ला पावो जोन कलीसिया बनान मा उन्नती करे।

1 कुरिन्थियो 4:7

कोनना तुम्हिला दुसरो लक साजरो बनायो सेत? का परमेस्वर ना तुम्हिला सबा काही नही दियो सेत जो तुमरो जवर सेत? खरो सेत, मंग तुमी कसो घमंड करा सेव? असो, जसो का कोनी चीज दुसरो को दियो नाहती?

2 कुरिन्थियो 7:7

केवल यो गोस्टी नाहती का उ आवनवारा होतो पर वोको उ सान्ती लक भी अमीला खुसी करिसेत। वोना सांगिस का तुमी मोला चोवनो चाव्हासो, अना तुमी सरमावा सेव मोला बचान काजी तुम कितरो तैय्यार सेव एना सब गोस्टी लक अबा मी खूब खुस सेव।

2 कुरिन्थियो 8:6

एकोलाय हमीना तितुस लक बिनती करयो का, जोनना यो काम ला सुरू करया, अना एला चालू राखन काजी अना पिरेम लक यो सेवा ला पूरो करन लाय तुमरो मदद करीस।

2 कुरिन्थियो 9:14

अना वय तुमरो लाई पिराथना करासेत अना एकोलाय का तुमी पर परमेस्वर को मोठो किरपा से तुमरी आस कराता रहवासेजन।

2 कुरिन्थियो 9:8

परमेस्वर सब परकार को किरपा तुमला देव सकसेत। जोन लक हरेक बात मा हरेक बेरा मा, सबच काही जोन तुमला जरुरी सेत, तुमरो कठा रहेत अना हरेक साजरो काम काजी, तुमरो जवर लगत काही होहे।

इफिसियो 4:29

कोनी फालतू गोस्टी तुमरो टोंड लक नही निकलनो पाहिजे, पर केवल असी गोस्टी हिटनो पाहिजे जोन ओना बेरा की जरुरत को जसो तरक्की को साठी साजरो होय, जोको लक की आयकन वालो पर दया होय।

फिलिप्पियो 1:11

ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।

फिलिप्पियो 1:9

मि यो पिराथना करासेऊ का तुमरो माया गियान अना सप्पा तरीका को अक्ल सकट अखीन भी बड़त जाय।

2 थिस्सलुनीकियो 1:3

अगो भाऊगीन, तुमरो बारे मा आमला सबच बेरा परमेस्वर को धनवाद करनो चाव्हसे, यो जरुरी से, एको साठी की तुमरो भरोसा लगत बढ़ जावसे, अना तुमी सबच को माया आपसी मा लगत बढ़ जावसे।

2 तीमुथियुस 2:1

एको लाई अरे मोरो टूरा तु वोना किरपा लक सेस जोन मसीह यीसु मा से ताकतवर होय जाहे।

इब्रानियो 12:28

एकोलाय जबा अमीला असो अटल राज भेटनवारा सेत। तो आव आमी परमेस्वर को धनवाद मानके भेव को संग, परमेस्वर को असो भगती करबीन जोन वोला पावन भई जाय।

1 पतरस 1:22

अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव।

2 पतरस 3:18

तुमी लोक आमरो पिरभु अना तारनहार यीसु मसिहा, को किरपा अना गियान मा बड़त रव्हो, वोको अता अना अमर काल तकन वोको गौरव होवत रव्हे। आमेन।

परकासित वाक्य 3:17

तू कव्हसेत की मि धनी सेउ, अना मोला कोनी चीज को जरुरत नाहती। पर तू नही जानासेस का? तू अभागो, निकम्मो, अँधरो अना नंगरा सेस। अना दया को काबिल नाहस।